Redigeringsskärmen kräver minst 450 pixlar av horisontellt utrymme. Vänligen rotera enheten eller använd en större skärm.

ܝܘܠܦܳܢܐ
ܐܝ ܡܰܪܬܰܐ ܘ ܐܝ ܩܪܰܝܬܐ
ܐܷܫܩܰܕ݂ ܐܝ ܡܰܪܬܰܐ ܡܰܟ݂ܠܰܨܠܰܗ ܐܝ ܡܰܕܪܰܫܬܐ.
ܐܰܕܫܰܬܐ ܡܫܰܪܶܠܰܗ ܕܩܘܪܝܐ ܙܷܕܩܶܐ ܒܘ ܒܶܝܬ݂ܨܰܘܒܐ ܕܷܟ݂ܪܳܢܝܢܓܷܢ.
ܐܶܠܐ ܒܷܬ݂ܷܪ ܒܷܟܡܐ ܝܰܪܚܶܐ ܡܒܰܛܶܠܰܗ ܐܝ ܩܪܰܝܬܐ ܕܰܙ ܙܷܕܩܶܐ، ܡܝܕ݂ܶܗ ܕܠܰܬܘܰܐ ܐܘ ܡܶܕܶܐ ܕܪܷܚܡܳܘܰܐ.
ܐܘܥܕܐ ܟܳܟܘܪܟ݂ܐ ܥܰܠ ܡܟܳܢܶܐ ܚܰܬ݂ܶܐ ܕܝ ܩܪܰܝܬܐ.
i Marta w i qrayto
Ëšqaḏ i Marta maxlaṣla i madrašto. Förra året tog Marta sin gymnasieexamen.
Adšato mšarela d quryo zëdqe bu Beṯṣawbo dë Groningen. I år började hon studera juridik vid universitetet i Groningen.
Elo bëṯër bë kmo yarḥe mbaṭela i qrayto daz zëdqe, miḏe d latwa u mede d rëḥmowa. Men efter ett par månader avbröt hon sina juridikstudier, eftersom ämnet inte kändes rätt för henne.
Ucdo kokurxo cal mkone ḥaṯe di qrayto. Nu undersöker hon nya möjligheter till studier.
ܝܘܠܦܳܢܐ
ܕܘ ܫܪܳܠܐ ܐܝ ܡܰܪܬܰܐ ܒܝ ܩܰܡܰܝܬܐ ܪܷܚܡܳܘܰܐ ܕܗܘܝܐ ܬܰܟ݂ܬܳܪܶܐ، ܐܶܠܐ ܠܐ ܩܰܕܝܪܐ، ܡܝܕ݂ܶܗ ܕܠܐ ܩܰܝܷܬ݂ܠܰܗ ܕܘܟܬ݂ܐ ܒܘ ܒܶܝܬ݂ܨܰܘܒܐ ܕܐܷܒܥܳܘܰܐ.
ܐܝ ܡܰܪܬܰܐ ܡܘ ܫܘܪܳܝܐ ܒܠܶܒܐ ܦܠܝܓ݂ܳܝܐ ܡܫܰܪܶܘܰܝܠܰܗ ܒܝ ܩܪܰܝܬܐ ܕܰܙ ܙܷܕܩܶܐ.
ܐܶܠܐ ܠܐ ܡܥܰܔܰܒܠܰܗ، ܡܰܘܟ݂ܰܐ ܛܪܶܠܰܗ ܘܟ݂ܰܨܝܪܐ ܐܝ ܫܰܬܰܝܐ ܕܘ ܝܘܠܦܳܢܐ.
ܒܷܬ݂ܷܪ ܡܷܦܬܰܟܰܪܠܰܗ ܕܟܷܒܥܶܐ ܣܰܝܡܐ ܡܶܕܶܐ، ܠܰܫܰܢ ܕܠܐ ܟ݂ܘܨܪܐ ܐܝ ܫܰܬܐ ܕܐܷܬ݂ܝܐ ܣܬܶܐ.
ܡܷܔܓ݂ܶܠܰܗ ܥܰܡ ܐܰܚ ܚܰܘܪܳܢܰܝܕ݂ܰܗ ܘܡܫܰܘܰܪܠܰܗ ܒܷܡܫܰܒܠܳܢܝܬ݂ܐ ܕܘ ܝܘܠܦܳܢܐ.
ܗܰܘܟ݂ܰܐ ܐܝ ܡܰܪܬܰܐ ܒܕܶܠܰܗ ܕܷܡܚܰܕ݂ܪܐ ܪܘܚܰܗ ܠܝ ܫܰܬܐ ܕܐܷܬ݂ܝܐ.
ܒܰܝ ܝܰܘܡܶܐ ܕܰܬ ܬܰܪܥܶܐ ܦܬܝܚܶܐ ܕܰܒ ܒܶܝܬ݂ܨܰܘܒܶܐ ܙܷܪܠܰܗ ܦܷܪܥܶܐ ܕܝܘܠܦܳܢܐ ܡܫܰܚܷܠܦܶܐ ܘܡܰܠܷܡܠܰܗ ܐܝܕ݂ܰܥܬ݂ܐ ܪܘܷܚܬܐ ܐܰܥܠܰܝـܝܶܗ.
ܐܰܙܙܰܗ ܠܝ ܡܰܕܪܰܫܬܐ ܥܶܠܰܝܬܐ ܕܐܰܢܫܟ݂ܷܕܶܐ ܕܩܘܪܝܐ ܦ݁ܶܕܰܓܳܓܝ، ܠܐ ܡܥܰܔܰܒܠܰܗ. ܚܰܐ ܝܰܘܡܐ ܐܰܙܙܰܗ ܠܘ ܒܶܝܬ݂ܨܰܘܒܐ ܚܝܪܐ ܕܐܰܡܣܬܷܪܕܰܡ ܕܷܡܫܰܝܠܐ ܥܰܠ ܐܝ ܬܰܟ݂ܬܳܪܝـܝܶܐ ܕܝ ܢܰܦܫܐ.
ܪܚܷܡܠܰܗ، ܐܶܠܐ ܡܷܪܠܰܗ ܟܳܙܰܝܥܳܢܐ ܗܳܘܶܐ ܥܰܣܩܐ ܐܰܥܠܝ ܘܠܐ ܩܘܕܪܳܢܐ ܡܕܰܘܡܳܢܐ.
ܒܝ ܚܰܪܰܝܬܐ ܐܰܙܙܰܗ ܕܡܰܟܰܬ݂ܘܐ ܪܘܚܰܗ ܒܘ ܒܶܝܬ݂ܨܰܘܒܐ ܕܠܰܝܕܷܢ ܕܩܘܪܝܐ ܠܝܫܳܢܐ ܐܷܢܓܠܝܫܳܝܐ ܘܣܷܦܪܳܝܘܬ݂ܐ ܒܢܝܫܐ ܕܗܘܝܐ ܡܰܠܦܳܢܝܬ݂ܐ.
ܐܝ ܡܰܪܬܰܐ ܝܳܠܘܦܬܐ ܟܰܫܷܪܬܐ ܘܰܐ ܒܝ ܡܰܕܪܰܫܬܐ ܬܪܰܝܳܢܝܬ݂ܐ. ܟܘܠ ܢܰܩܠܰܐ ܡܰܝܕܳܘܰܐ ܦܘܚܳܡܶܐ ܛܰܘܘܶܐ.
ܒܷܬ݂ܷܪ ܡܶܐ ܕܒܘ ܒܶܝܬ݂ܨܰܘܒܐ ܕܠܰܝܕܷܢ ܚܙܰܠܠܶܗ ܐܰܬ ܬܰܫܪܳܪܶܐ ܘܐܰܘ ܘܰܪܩܰܝܕ݂ܰܗ، ܡܰܩܷܒܠܰܠܠܶܗ. ܡܠܶܠܰܗ ܐܰܘ ܘܰܪܩܶܐ ܕܘ‎ ܬܷܟܬ݂ܝܘܐ.
ܒܷܬ݂ܷܪ ܥܰܠ ܐܘ ܕܰܪܒܐ ܕܘ ܢܰܘܠܐ ܡܩܰܦܶܠܰܠܰܗ ܩܶܠܰܝܬܐ ܒܷܩܪܝܬ݂ܐ ܩܰܪܘܬܐ ܠܠܰܝܕܷܢ.
ܗܰܘܟ݂ܰܐ ܐܝ ܡܰܪܬܰܐ ܗܰܘܝܐ ܪܘܫܡܳܐܝܬ݂ ܝܳܠܘܦܬܐ ܕܘ ܒܶܝܬ݂ܨܰܘܒܐ ܕܠܰܝܕܷܢ.
ܒܝ ܫܰܬܐ ܕܘ ܝܘܠܦܳܢܐ ܕܐܷܬ݂ܝܐ ܓܷܕ ܡܫܰܪܝܐ ܒܝ ܩܪܰܝܬܐ.
Yulfono Studier
Du šrolo i Marta bi qamayto rëḥmowa d huyo taxtore, elo lo qadiro, miḏe d lo qayëṯla dukṯo bu beṯṣawbo d ëbcowa. Egentligen ville Marta först studera till läkare, men hon fick inte möjligheten eftersom hon inte fick en studieplats på det universitet som hon önskade.
I Marta mu šuroyo b lebo fliġoyo mšarewayla bi qrayto daz zëdqe. Redan från början, när Marta påbörjat juridikstudierna, var det halvhjärtat.
Elo lo mcajabla, mawxa ṭrela w xaṣiro i šatayo du yulfono. Men hon trivdes inte med ämnet, så hon avbröt och förlorade ett studieår.
Bëṯër mëftakarla d këbce saymo mede, lašan d lo xuṣro i šato d ëṯyo ste. Då tänkte hon att hon måste göra något för att inte förlora det kommande året också.
Mëjġela cam aḥ ḥawronayḏa w mšawarla bë mšabloniṯo du yulfono. Hon pratade med sina vänner och konsulterade en studievägledare.
Hawxa i Marta bdela dë mḥaḏro ruḥa li šato d ëṯyo. På detta sätt började Marta förbereda sig för det kommande läsåret.
Bay yawme dat tarce ftiḥe dab beṯṣawbe zërla fërce d yulfono mšaḥëlfe w malëmla iḏacṯo rwëḥto aclayye. När de hade Öppet hus, besökte hon många fakulteter och samlade in en bred kunskap om dessa.
Azza li madrašto celayto d Enschede d quryo pedagogi, lo mcajabla. Ḥa yawmo azza lu Beṯṣawbo Ḥiro d Amsterdam dë mšaylo cal i taxtoriye di nafšo. Hon besökte Enschedes högskola för pedagogik, men gillade den inte. En dag gick hon till Amsterdams fria universitet för att fråga om deras psykologiundervisning,
Rḥëmla, elo mërla: “Kozaycono howe casqo acli w lo qudrono mdawmono”. vilket hon gillade, men hon sa: ”Jag är rädd att det blir för svårt för mig och att jag inte kommer att klara det”.
Bi ḥarayto azza d makaṯwo ruḥa bu Beṯṣawbo d Leiden d quryo lišono Ënglišoyo w sëfroyuṯo b nišo d huyo malfoniṯo. Till slut gick hon för att skriva in sig på Leidens universitet för att studera det engelska språket och litteraturen med målsättningen att bli lärare.
I Marta yolufto kašërto wa bi madrašto trayoniṯo. Kul naqla maydowa fuḥome ṭawwe. Marta var en duktig elev på gymnasiet. Hon fick alltid höga betyg.
Bëṯër me d bu Beṯṣawbo d Leiden ḥzalle at tašrore w aw warqayḏa, maqëblalle. Mlela aw warqe du tëkṯiwo. När Leidens universitet såg hennes betyg och intyg, så blev hon antagen. Hon fyllde i inskrivningshandlingarna.
Bëṯër cal u darbo du nawlo mqafelala qelayto bë qriṯo qaruto l Leiden. På internet hittade hon sedan ett rum i en by i närheten av Leiden.
Hawxa i Marta hawyo rušmoyiṯ yolufto du Beṯṣawbo d Leiden. Så blev Marta officiellt student vid Leidens universitet.
Bi šato du yulfono d ëṯyo gëd mšaryo bi qrayto. Nästa läsår kommer hon att påbörja sina studier.