Redigeringsskärmen kräver minst 450 pixlar av horisontellt utrymme. Vänligen rotera enheten eller använd en större skärm.

ܐܝܩܰܪܬ̣ܐ
ܐܝܩܰܪܬ̣ܐ
ܗܰܬ݂ܶܐ ܐܝܩܰܪܬ݂ܐ ܣܘܪܝܰܝܬܐ ܝܐ.
ܒܰܢ ܐܷܫܢܶܐ ܕܰܫ ܫܰܘܥܝـܝܰܬ ܐܰܬ݂ܝܐ ܡܶܐ ܡܷܕ݂ܝܰܕ݂ ܒܛܘܪܥܰܒܕܝܢ ܠܗܳܠܰܢܕܰܐ.
ܒܘ ܙܰܒܢܰܘܐ ܓ݂ܰܠܰܒܶܐ ܐܝܩܪܳܬ݂ܶܐ ܣܘܪܝܳܝܶܐ ܢܰܦܝܩܝܘܰܐ ܡܶܐ ܛܘܪܥܰܒܕܝܢ، ܡܝܕ݂ܶܐ ܕܟܷܬܘܰܐ ܩܷܛܪܶܐ.
ܐܘܥܕܐ ܐܝ ܐܝܩܰܪܬ݂ܰܬ݂ܶܐ ܡܰܪܟܰܘܠܰܗ ܪܘܚܰܗ ܒܗܳܠܰܢܕܰܐ.
ܐܘ ܒܰܒܐ ܘܐܝ ܐܶܡܐ ܕܝ ܐܝܩܰܪܬ݂ܐ ܟܳܥܰܘܕܝ ܘܐܰܢ ܢܰܥܝܡܶܐ ܟܐܷܙܙܷܢ ܠܝ ܡܰܕܪܰܫܬܐ.
ܗܰܘܟ݂ܰܐ ܟܳܥܰܝܫܝ ܚܰܝܶܐ ܥܰܕܝ ܒܗܳܠܰܢܕܰܐ.
Iqarṯo Familj
Haṯe iqarṯo Suryayto yo. Detta är en assyrisk/syriansk familj.
Ban ëšne daš šawciyat aṯyo me Mëḏyaḏ b Ṭurcabdin l Holanda. Familjen kom från Midyad i Turabdin till Nederländerna på sjuttiotalet.
Bu zabnawo ġalabe iqroṯe Suryoye nafiqiwa me Ṭurcabdin, miḏe d këtwa qëṭre. Under denna tid flyttade många assyriska/syrianska familjer från Turabdin eftersom det fanns problem där.
Ucdo i iqarṯaṯe markawla ruḥa b Holanda. Nu har familjen stadgat sig i Nederländerna.
U babo w i emo di iqarṯo kocawdi w an nacime këzzën li madrašto. Far och mor i familjen arbetar och barnen går i skolan.
Hawxa kocayši ḥaye cadi b Holanda. Så lever de ett vanligt liv i Nederländerna.
ܐܝܩܰܪܬ݂ܐ
ܐܝ ܣܰܪܐ ܘܐܘ ܐܰܕܰܝ ܐܰܬ݂ܬܐ ܘܓܰܘܪܐ ܢܶܐ.
ܐܝ ܣܰܪܐ ܒܥܷܡܪܐ ܕܷܬܡܳܢܶܐ ܘܬܠܶܬ݂ܝ ܐܷܫܢܶܐ ܝܐ ܘܐܘ ܐܰܕܰܝ ܒܥܷܡܪܐ ܕܐܰܪܒܥܝ ܐܷܫܢܶܐ ܝܐ.
ܟܷܬܬܶܗ ܐܰܪܒܥܐ ܢܰܥܝܡܶܐ، ܬܰܪܬܶܐ ܒܢܳܬ݂ܶܐ ܘܬܪܶܐ ܐܰܒܢܶܐ.
ܐܝ ܐܝܩܰܪܬ݂ܰܬ݂ܶܐ ܟܳܡܝܕ݂ܳܥܐ ܒܘ ܐܷܫܡܐ ܕܒܶܐ ܡܰܪܰܘܓܶܐ.
ܐܝܩܰܪܬ݂ܐ ܣܘܪܝܰܝܬܐ ܝܐ ܘܟܐܷܬ݂ܝܐ ܡܶܐ ܛܘܪܥܰܒܕܝܢ.
ܐܝ ܩܰܫܬܐ ܘܐܘ ܩܰܫܫܐ ܕܝ ܐܝܩܰܪܬ݂ܐ ܣܬܶܐ ܟܳܥܰܝܫܝ ܗܰܪܟܶܐ ܒܗܳܠܰܢܕܰܐ.
ܐܝ ܐܝܩܰܪܬ݂ܐ ܕܒܶܐ ܡܰܪܰܘܓܶܐ ܡܰܪܟܰܘܠܰܗ ܪܘܚܰܗ ܒܗܳܠܰܢܕܰܐ ܛܰܘܘܐ.
ܐܘ ܐܰܕܰܝ ܟܳܥܳܘܰܕ ܟ݂ܘܕ ܡܰܠܦܳܢܐ ܒܝ ܡܰܕܪܰܫܬܐ، ܐܝ ܣܰܪܐ ܟܳܥܰܘܕܐ ܒܕܘܟܰܢܐ ܕܰܔ ܔܘܠܶܐ ܒܝ ܫܘܩܐ ܘܐܰܢ ܢܰܥܝܡܶܐ ܟܐܷܙܙܷܢ ܠـܝ ܡܰܕܪܰܫܬܐ.
ܐܘ ܐܰܕܰܝ ܟܷܬܠܶܗ ܚܳܬ݂ܐ ܘܐܰܚܘܢܐ ܓܰܘܝܪܶܐ ܒܛܘܪܥܰܒܕܝܢ.
ܐܝ ܐܶܡܐ ܘܐܘ ܒܰܒܐ ܕܝ ܣܰܪܐ ܣܬܶܐ ܗܶܫ ܒܛܘܪܥܰܒܕܝܢ ܢܶܐ، ܡܰܣܘܘܶܗ، ܠܰܘ ܟܐܷܒܥܝ ܕܢܷܦܩܝ ܡܘ ܐܰܬ݂ܪܐ.
ܠܰܫܰܢ ܕܝ ܐܰܣܝܪܘܬ݂ܐ ܠܐ ܡܷܩܛܳܥܐ، ܡܶܐ ܙܰܒܢܐ ܠܙܰܒܢܐ ܟܳܡܬܰܠܦܷܢܝ ܠܷܚܕ݂ܳܕ݂ܶܐ.
ܐܰܢ ܢܰܥܝܡܶܐ ܣܬܶܐ ܠܰܫܰܢ ܕܠܐ ܛܳܥܷܢ ܚܕ݂ܳܕ݂ܶܐ ܟܳܡܷܔܓ݂ܳܠܝ ܥܰܡ ܐܰܢ ܢܰܥܝܡܶܐ ܕܰܚ ܚܳܠܳܢܶܐ ܘܥܰܡܡܳܢܶܐ ܒܘ ܬܰܠܰܦܳܢ.
ܟܘܠ ܫܰܬܐ ܐܰܘ ܬܰܪܬܶܐ ܐܷܫܢܶܐ ܣܬܶܐ ܟܳܙܰܝܪܝ ܚܕ݂ܳܕ݂ܶܐ.
ܗܰܘܟ݂ܰܐ ܐܝ ܐܝܩܰܪܬ݂ܐ ܕܒܶܐ ܡܰܪܰܘܓܶܐ ܟܳܡܰܫܰܦܥܐ ܐܰܚ ܚܰܝܶܐ.
Iqaro Familj
I Saro w u Aday aṯto w gawro ne. Saro och Aday är ett gift par.
I Saro b cëmro dë tmone w tleṯi ëšne yo w u Aday b cëmro d arbci ëšne yo. Saro är 38 år gammal och Aday är 40 år.
Këtte arbco nacime, tarte bnoṯe w tre abne. De har fyra barn, två flickor och två pojkar.
I iqarṯaṯe komiḏoco bu ëšmo d Be Marawge. Denna familj kallas Be Marawge.
Iqarṯo Suryayto yo w këṯyo me Ṭurcabdin. Det är en assyrisk/syriansk familj och kommer från Turabdin.
I qašto w u qaššo di iqarṯo ste kocayši harke b Holanda. Även farmor och farfar bor här i Nederländerna.
I iqarṯo d Be Marawge markawla ruḥa b Holanda ṭawwo. Familjen Marawge har integrerats bra i Nederländerna.
U Aday kocowad xud malfono bi madrašto, i Saro kocawdo b dukano daj jule bi šuqo w an nacime këzzën li madrašto. Aday arbetar som lärare i skolan, Saro arbetar i en klädbutik i stan och barnen går i skolan.
U Aday këtle ḥoṯo w aḥuno gawire b Ṭurcabdin. Aday har en syster och en bror som är gifta i Turabdin.
I emo w u babo di Saro ste heš b Ṭurcabdin ne, masuwwe, law këbci d nëfqi mu aṯro. Även Saros mor och far är fortfarande i Turabdin, de är gamla och vill inte lämna hemlandet.
Lašan di asiruṯo lo mëqṭoco, me zabno l zabno komtalfëni lë ḥḏoḏe. För att kontakten inte ska brytas ringer de varandra då och då.
An nacime ste lašan d lo ṭocën ḥḏoḏe komëjġoli cam an nacime daḥ ḥolone w dac cammone bu talafon. Även barnen talar med sina morbröders och farbröders barn på telefon så att de inte glömmer varandra.
Kul šato aw tarte ëšne ste kozayri ḥḏoḏe. Varje år eller vartannat år besöker de varandra.
Hawxa i iqarṯo d Be Marawge komašafco aḥ ḥaye. Så tillbringar familjen Marawge sitt liv.