Redigeringsskärmen kräver minst 450 pixlar av horisontellt utrymme. Vänligen rotera enheten eller använd en större skärm.

ܡܘܙܳܓ݂ܐ ܘܡܰܝܶܐ
ܐܘ ܫܘܚܠܳܦܐ ܕܘ ܡܘܙܳܓ݂ܐ
ܐܘ ܫܘܚܠܳܦܐ ܕܘ ܡܘܙܳܓ݂ܐ ܨܒܘܬ݂ܐ ܫܰܚܷܢܬܐ ܝܐ ܒܰܝ ܝܰܘܡܰܢܝ.
ܟܳܡܝܬܰܔܓ݂ܰܠ ܐܰܥܠܶܗ ܒܷܒܪܝܬ݂ܐ ܟܘܠܰܗ ܠܰܫܰܢ ܕܡܷܚܙܶܐ ܐܶܠܶܗ ܫܪܰܝܬܐ.
ܡܘ ܫܘܚܠܳܦܐ ܕܘ ܡܘܙܳܓ݂ܐ ܟܳܢܳܦܰܩ ܩܷܛܪܶܐ ܓ݂ܱܠܱܒܶܐ.
ܟܳܦܳܫܰܪ ܐܘ ܓܠܝܕ݂ܐ، ܟܳܥܳܠܷܢ ܐܰܡ ܡܰܝܶܐ ܕܰܝ ܝܰܡܶܐ، ܟܳܐܬ݂ܷܢ ܡܰܛܪܶܐ ܚـܝܨܶܐ ܘܟܳܩܳܝܰܡ ܥܰܠܥܳܠܶܐ ܡܰܙܝܥܳܢܶܐ.
U šuḥlofo du muzoġo
U šuḥlofo du muzoġo ṣbuṯo šaḥënto yo bay yawmani. I dessa dagar är klimatförändringen ett angeläget diskussionsämne.
Komitajġal acle bë briṯo kula lašan d mëḥze ele šrayto. Det talas om den över hela världen för att man ska finna en lösning.
Mu šuḥlofo du muzoġo konofaq qëṭre ġäläbe. Klimatförändringen orsakar många problem.
Kofošar u gliḏo, kocolën am maye day yame, koṯën maṭre ḥiṣe w koqoyam calcole mazicone. Isarna smälter, havsnivåerna stiger, kraftiga skyfall uppstår och skrämmande stormar bildas.
ܐܘ ܡܘܙܳܓ݂ܐ
ܣܰܪܐ: ܒܪܝܟ݂ ܨܰܦܪܐ ܒܰܪܒܰܪܰܐ.
ܒܰܪܒܰܪܰܐ: ܒܪܝܟ݂ ܛܳܒܐ ܣܰܪܐ.
ܣܰܪܐ: ܟܘܠ ܡܶܕܶܐ ܛܰܘܘܐ ܝܐ؟
ܒܰܪܒܰܪܰܐ: ܬܰܘܕܝ ܟܘܠ ܡܶܕܶܐ ܛܰܘܘܐ ܝܐ، ܓ݂ܶܪ ܡܝ ܗܰܘܰܐ. ܐܳܗ، ܗܰܬ݂ܶܐ ܡܷܢ ܗܰܘܰܐ ܝܐ!
ܣܰܪܐ: ܡܷܢ ܣܰܝܡܝܢܰܐ، ܗܰܘܟ݂ܰܐ ܝܐ. ܬܷܫܪܳܝܳܬ݂ܶܐ ܢܶܐ.
ܒܰܪܒܰܪܰܐ: ܟܷܐܡܡܰܬ ܐܘ ܝܰܘܡܐ ܟܘܠܶܗ ܓܶܕ ܗܳܘܶܐ ܡܰܛܪܐ؟
ܣܰܪܐ: ܐܶ، ܟܳܡܷܬܝܰܩܢܳܢܐ، ܗܰܘܟ݂ܰܐ ܡܝܪ ܒܰܛ ܛܶܒܶܐ.
ܒܰܪܒܰܪܰܐ: ܪܰܡܚܷܠ ‌ܐܰܝܕܰܪܒܐ ܝܐ ܐܝ ܗܰܘܰܐ؟
ܣܰܪܐ: ܪܰܡܚܷܠ ܣܬܶܐ ܥܰܝܘܶܐ، ܡܰܛܪܐ، ܒܰܪܩܶܐ ܘܗܰܘܰܐ ܚܷܨܬܐ ܓܷܕ ܗܳܘܶܐ.
ܒܰܪܒܰܪܰܐ: ܐܶ، ܐܰܝ ܝܰܘܡܶܐ ܒܰܣܝܡܶܐ ܕܘ ܩܰܝܛܐ ܟ݂ܰܠܝܨܝ. ܐܰܢܢܰܩܠܰܐ ܓܷܕ ܐܳܬ݂ܶܐ ܐܘ ܣܰܬ݂ܘܐ.
ܣܰܪܐ: ܗܰܘܟ݂ܰܐ ܝܐ. ܟܳܠܳܙܰܡ ܣܰܝܡܝܢܰܐ ܚܫܳܘܐ ܕܘ ܬܰܠܓܐ، ܕܘ ܓܠܝܕ݂ܐ ܘܕܝ ܚܰܪܨܰܒܬ݂ܐ.
ܒܰܪܒܰܪܰܐ: ܠܐ ܛܳܥܰܬ ܐܘ ܟ݂ܪܳܛܐ ܕܰܔ ܔܰܡܰܬ ܕܰܪ ܪܰܕ݂ܳܝܳܬ݂ܶܐ.
ܣܰܪܐ: ܐܶ، ܗܰܘܟ݂ܰܐ ܝܐ. ܥܰܕܝ ܝܐ. ܡܷܢ ܓܷܕ ܣܰܝܡܰܬ ܐܰܕܝܰܘܡܰܐ؟
ܒܰܪܒܰܪܰܐ: ܐܘܥܕܐ ܠܰܬܠܝ ܡܶܕܶܐ ܥܰܠ ܒܳܠܝ. ܥܰܨܪܝـܝܶܐ ܟܳܥܰܘܕܳܢܐ ܐܰܕܝܰܘܡܰܐ.
ܣܰܪܐ: ܕܪܷܚܡܰܬ ܬܰܟ݂ ܫܳܬܝܢܰܐ ܩܰܚܘܰܐ، ܗܘܠ ܕܐܳܬ݂ܷܢ ܐܰܢ ܢܰܥܝܡܶܐ ܡܝ ܡܰܕܪܰܫܬܐ.
U muzoġo Vädret
Saro: Brix ṣafro, Barbara. Saro: Godmorgon, Barbara.
Barbara: Brix ṭobo, Saro. Barbara: Godmorgon, Saro.
Saro: Kul mede ṭawwo yo? Saro: Är allt i sin ordning?
Barbara: Tawdi, kul mede ṭawwo yo, ġer mi hawa. Oh, haṯe mën hawa yo! Barbara: Tack, allt är bra, förutom vädret. Åh, vad är detta för väder!
Saro: Mën saymina, hawxa yo, tëšroyoṯe ne. Saro: Vad ska vi göra, så är det bara, det är ju höst.
Barbara: Këmmat u yawmo kule gëd howe maṭro? Barbara: Tror du att det kommer att regna hela dagen?
Saro: E, komëtyaqnono, hawxa mir baṭ ṭebe. Saro: Ja, det tror jag. De sade så på nyheterna.
Barbara: Ramḥël aydarbo yo i hawa? Barbara: Hur är vädret i morgon?
Saro: Ramḥël ste caywe, maṭro, barqe w hawa ḥëṣto gëd howe. Saro: I morgon blir det också molnigt, regn, åska och starka vindar.
Barbara: E, ay yawme basime du qayṭo xaliṣi. Annaqla gëd oṯe u saṯwo. Barbara: Ja, de härliga sommardagarna är slut. Nu kommer snart vintern.
Saro: Hawxa yo. Kolozam saymina ḥšowo du talgo, du gliḏo w di ḥarṣabṯo. Saro: Så är det. Nu måste vi räkna med snö, is och hagel.
Barbara: Lo ṭocat u xroṭo daj jamat dar raḏoyoṯe. Barbara: Glöm inte skrapningen av bilrutorna.
Saro: E, hawxa yo, cadi yo. Mën gëd saymat adyawma? Saro: Ja, så är det, det brukar vara så. Vad ska du göra idag?
Barbara: Ucdo latli mede cal boli. Caṣriye kocawdono adyawma. Barbara: Just nu har jag inget planerat. Jag arbetar kvällspasset idag.
Saro: D rëḥmat tax šotina qaḥwa, hul d oṯën an nacime mi madrašto. Saro: Om du vill kan du komma förbi och dricka kaffe, tills barnen är tillbaka från skolan.