Afrem: Simon, ema dacirat me Ṭurcabdin? |
Afrem: Simon, wann bist du aus dem Turabdin zurückgekehrt? |
ܐܰܦܪܶܡ: ܣܝܡܳܢ، ܐܶܡܰܐ ܕܰܥܝܪܰܬ ܡܶܐ ܛܘܪܥܰܒܕܝܢ؟ |
Simon: Bramšël dacërno. |
Simon: Gestern Abend bin ich zurückgekehrt. |
ܣܝܡܳܢ: ܒܪܰܡܫܷܠ ܕܰܥܷܪܢܐ. |
Afrem: Aydarbo šafëc u mazlo d Ṭurcabdin? |
Afrem: Wie verlief die Reise in den Turabdin? |
ܐܰܦܪܶܡ: ܐܰܝܕܰܪܒܐ ܫܰܦܷܥ ܐܘ ܡܰܙܠܐ ܕܛܘܪܥܰܒܕܝܢ؟ |
Simon: Ġäläbe basimo wa. |
Simon: Es war sehr schön. |
ܣܝܡܳܢ: ܓ݂ܱܠܱܒܶܐ ܒܰܣܝܡܐ ܘܰܐ. |
Afrem: Mën ḥzalxu, mën sëmxu? |
Afrem: Was habt ihr gesehen, was habt ihr unternommen? |
ܐܰܦܪܶܡ: ܡܷܢ ܚܙܰܠܟ݂ܘ، ܡܷܢ ܣܷܡܟ݂ܘ؟ |
Simon: Ḥzelan dëkoṯe ġäläbe šafire. |
Simon: Wir haben sehr schöne Orte gesehen. |
ܣܝܡܳܢ: ܚܙܶܠܰܢ ܕܷܟܳܬ݂ܶܐ ܓ݂ܱܠܱܒܶܐ ܫܰܦܝܪܶܐ. |
Afrem: Maḥki ëšmo. |
Afrem: Erzähl mal. |
ܐܰܦܪܶܡ: ܡܰܚܟܝ ܐܷܫܡܐ. |
Simon: Tux ḥzay aṣ ṣërtoṯe. Haṯe i mḏito d Marde yo. Haṯe i dayro du Zacfäran yo, d këtyo qaruto l Marde. |
Simon: Komm, schau dir die Bilder an. Das ist die Stadt Mardin. Das ist das Kloster Zaʿfaran, in der Nähe von Mardin. |
ܣܝܡܳܢ: ܬܘܟ݂ ܚܙܰܝ ܐܰܨ ܨܷܪܬܳܬ݂ܶܐ. ܗܰܬ݂ܶܐ ܐܝ ܡܕ݂ܝܬܐ ܕܡܰܪܕܶܐ ܝܐ. ܗܰܬ݂ܶܐ ܐܝ ܕܰܝܪܐ ܕܘ ܙܰܥܦܱܪܰܐܢ ܝܐ، ܕܟܷܬܝܐ ܩܰܪܘܬܐ ܠܡܰܪܕܶܐ. |
Afrem: B Ṭurcabdin mën sëmxu? |
Afrem: Was habt ihr im Turabdin unternommen? |
ܐܰܦܪܶܡ: ܒܛܘܪܥܰܒܕܝܢ ܡܷܢ ܣܷܡܟ݂ܘ؟ |
Simon: Kul yawmo nuḥtiwayna l Mëḏyaḏ d këmmila “u lebo d Ṭurcabdin”. Me tamo zayriwayna ad dayre, aq qëryawoṯe w ad dëkoṯe maxtabzabnoye, xud Ḥasno d Kifo, Nṣiwën, Dara w ḥrene. |
Simon: Jeden Tag fuhren wir nach Midyat, das man „das Herz des Turabdins“ nennt. Von dort aus besuchten wir die Klöster, die Dörfer und die historischen Orte, wie Hasankeyf, Nisibis, Dara und andere. |
ܣܝܡܳܢ: ܟܘܠ ܝܰܘܡܐ ܢܘܚܬܝܘܰܝܢܰܐ ܠܡܷܕ݂ܝܰܕ݂ ܕܟܷܐܡܡܝܠܰܗ ܐܘ ܠܶܒܐ ܕܛܘܪܥܰܒܕܝܢ. ܡܶܐ ܬܰܡܐ ܙܰܝܪܝܘܰܝܢܰܐ ܐܰܕ ܕܰܝܪܶܐ، ܐܰܩ ܩܷܪܝܰܘܳܬ݂ܶܐ ܘܐܰܕ ܕܷܟܳܬ݂ܶܐ ܡܰܟ݂ܬܰܒܙܰܒܢܳܝܶܐ.، ܟ݂ܘܕ ܚܰܣܢܐ ܕܟܝܦܐ، ܢܨܝܘܷܢ، ܕܰܪܰܐ ܘܚܪܶܢܶܐ. |
Afrem: Ayko fayšituwa b lalyo? |
Afrem: Wo habt ihr übernachtet? |
ܐܰܦܪܶܡ: ܐܰܝܟܐ ܦܰܝܫܝܬܘܘܰܐ ܒܠܰܠܝܐ؟ |
Simon: Kul caṣriye ducriwayna li dayro d Mor Gabriyel. |
Simon: Jeden Abend kehrten wir in das Kloster Mor Gabriel zurück. |
ܣܝܡܳܢ: ܟܘܠ ܥܰܨܪܝܝܶܐ ܕܘܥܪܝܘܰܝܢܰܐ ܠܝ ܕܰܝܪܐ ܕܡܳܪܝ ܓܰܒܪܝـܝܶܠ. |
Afrem: Šafiro, ono ste kobacno ëzzi l Turcabdin. Ṭawwo yo ḥa d ḥoze u aṯro w i marduṯo du camayḏe. |
Afrem: Schön, ich möchte auch in den Turabdin reisen. Es ist gut, die Heimat und Kultur seines Volkes kennen zu lernen. |
ܐܰܦܪܶܡ: ܫܰܦܝܪܐ، ܐܳܢܐ ܣܬܶܐ ܟܳܐܒܰܥܢܐ ܐܷܙܙܝ ܠܛܘܪܥܰܒܕܝܢ. ܛܰܘܘܐ ܝܐ ܚܰܐ ܕܚܳܙܶܐ ܐܘ ܐܰܬ݂ܪܐ ܘܐܝ ܡܰܪܕܘܬ݂ܐ ܕܘ ܥܰܡܰܝܕ݂ܶܗ. |
Simon: Hawxa yo. Ono ġäläbe fṣëḥno d azzi. |
Simon: Das stimmt. Ich bin froh, dass ich da war. |
ܣܝܡܳܢ: ܗܰܘܟ݂ܰܐ ܝܐ. ܐܳܢܐ ܓ݂ܱܠܱܒܶܐ ܦܨܷܚܢܐ ܕܐܰܙܙܝ. |