Düzenleme ekranı, en az 450 piksel yatay alan gerektirir. Lütfen cihazınızı döndürün veya daha geniş ekranlı bir cihaz kullanın.

ܡܘܙܳܓ݂ܐ ܘܡܰܝܶܐ
ܐܘ ܫܘܚܠܳܦܐ ܕܘ ܡܘܙܳܓ݂ܐ
ܐܘ ܫܘܚܠܳܦܐ ܕܘ ܡܘܙܳܓ݂ܐ ܨܒܘܬ݂ܐ ܫܰܚܷܢܬܐ ܝܐ ܒܰܝ ܝܰܘܡܰܢܝ.
ܟܳܡܝܬܰܔܓ݂ܰܠ ܐܰܥܠܶܗ ܒܷܒܪܝܬ݂ܐ ܟܘܠܰܗ ܠܰܫܰܢ ܕܡܷܚܙܶܐ ܐܶܠܶܗ ܫܪܰܝܬܐ.
ܡܘ ܫܘܚܠܳܦܐ ܕܘ ܡܘܙܳܓ݂ܐ ܟܳܢܳܦܰܩ ܩܷܛܪܶܐ ܓ݂ܱܠܱܒܶܐ.
ܟܳܦܳܫܰܪ ܐܘ ܓܠܝܕ݂ܐ، ܟܳܥܳܠܷܢ ܐܰܡ ܡܰܝܶܐ ܕܰܝ ܝܰܡܶܐ، ܟܳܐܬ݂ܷܢ ܡܰܛܪܶܐ ܚـܝܨܶܐ ܘܟܳܩܳܝܰܡ ܥܰܠܥܳܠܶܐ ܡܰܙܝܥܳܢܶܐ.
U šuḥlofo du muzoġo
U šuḥlofo du muzoġo ṣbuṯo šaḥënto yo bay yawmani. Der Klimawandel ist in diesen Tagen eine heiß diskutierte Angelegenheit.
Komitajġal acle bë briṯo kula lašan d mëḥze ele šrayto. Darüber wird überall auf der Welt debattiert, um eine Lösung zu finden.
Mu šuḥlofo du muzoġo konofaq qëṭre ġäläbe. Der Klimawandel verursacht viele Probleme.
Kofošar u gliḏo, kocolën am maye day yame, koṯën maṭre ḥiṣe w koqoyam calcole mazicone. Das Eis schmilzt, der Meeresspiegel steigt an, es kommt zu starken Regenfällen und zu furchterregenden Stürmen.
ܐܘ ܡܘܙܳܓ݂ܐ
ܣܰܪܐ: ܒܪܝܟ݂ ܨܰܦܪܐ ܒܰܪܒܰܪܰܐ.
ܒܰܪܒܰܪܰܐ: ܒܪܝܟ݂ ܛܳܒܐ ܣܰܪܐ.
ܣܰܪܐ: ܟܘܠ ܡܶܕܶܐ ܛܰܘܘܐ ܝܐ؟
ܒܰܪܒܰܪܰܐ: ܬܰܘܕܝ ܟܘܠ ܡܶܕܶܐ ܛܰܘܘܐ ܝܐ، ܓ݂ܶܪ ܡܝ ܗܰܘܰܐ. ܐܳܗ، ܗܰܬ݂ܶܐ ܡܷܢ ܗܰܘܰܐ ܝܐ!
ܣܰܪܐ: ܡܷܢ ܣܰܝܡܝܢܰܐ، ܗܰܘܟ݂ܰܐ ܝܐ. ܬܷܫܪܳܝܳܬ݂ܶܐ ܢܶܐ.
ܒܰܪܒܰܪܰܐ: ܟܷܐܡܡܰܬ ܐܘ ܝܰܘܡܐ ܟܘܠܶܗ ܓܶܕ ܗܳܘܶܐ ܡܰܛܪܐ؟
ܣܰܪܐ: ܐܶ، ܟܳܡܷܬܝܰܩܢܳܢܐ، ܗܰܘܟ݂ܰܐ ܡܝܪ ܒܰܛ ܛܶܒܶܐ.
ܒܰܪܒܰܪܰܐ: ܪܰܡܚܷܠ ‌ܐܰܝܕܰܪܒܐ ܝܐ ܐܝ ܗܰܘܰܐ؟
ܣܰܪܐ: ܪܰܡܚܷܠ ܣܬܶܐ ܥܰܝܘܶܐ، ܡܰܛܪܐ، ܒܰܪܩܶܐ ܘܗܰܘܰܐ ܚܷܨܬܐ ܓܷܕ ܗܳܘܶܐ.
ܒܰܪܒܰܪܰܐ: ܐܶ، ܐܰܝ ܝܰܘܡܶܐ ܒܰܣܝܡܶܐ ܕܘ ܩܰܝܛܐ ܟ݂ܰܠܝܨܝ. ܐܰܢܢܰܩܠܰܐ ܓܷܕ ܐܳܬ݂ܶܐ ܐܘ ܣܰܬ݂ܘܐ.
ܣܰܪܐ: ܗܰܘܟ݂ܰܐ ܝܐ. ܟܳܠܳܙܰܡ ܣܰܝܡܝܢܰܐ ܚܫܳܘܐ ܕܘ ܬܰܠܓܐ، ܕܘ ܓܠܝܕ݂ܐ ܘܕܝ ܚܰܪܨܰܒܬ݂ܐ.
ܒܰܪܒܰܪܰܐ: ܠܐ ܛܳܥܰܬ ܐܘ ܟ݂ܪܳܛܐ ܕܰܔ ܔܰܡܰܬ ܕܰܪ ܪܰܕ݂ܳܝܳܬ݂ܶܐ.
ܣܰܪܐ: ܐܶ، ܗܰܘܟ݂ܰܐ ܝܐ. ܥܰܕܝ ܝܐ. ܡܷܢ ܓܷܕ ܣܰܝܡܰܬ ܐܰܕܝܰܘܡܰܐ؟
ܒܰܪܒܰܪܰܐ: ܐܘܥܕܐ ܠܰܬܠܝ ܡܶܕܶܐ ܥܰܠ ܒܳܠܝ. ܥܰܨܪܝـܝܶܐ ܟܳܥܰܘܕܳܢܐ ܐܰܕܝܰܘܡܰܐ.
ܣܰܪܐ: ܕܪܷܚܡܰܬ ܬܰܟ݂ ܫܳܬܝܢܰܐ ܩܰܚܘܰܐ، ܗܘܠ ܕܐܳܬ݂ܷܢ ܐܰܢ ܢܰܥܝܡܶܐ ܡܝ ܡܰܕܪܰܫܬܐ.
U muzoġo Das Wetter
Saro: Brix ṣafro, Barbara. Saro: Guten Morgen Barbara.
Barbara: Brix ṭobo, Saro. Barbara: Guten Morgen Saro.
Saro: Kul mede ṭawwo yo? Saro: Ist alles in Ordnung?
Barbara: Tawdi, kul mede ṭawwo yo, ġer mi hawa. Oh, haṯe mën hawa yo! Barbara: Danke, alles ist gut, außer dem Wetter. Oh, was ist das für ein Wetter!
Saro: Mën saymina, hawxa yo, tëšroyoṯe ne. Saro: Was sollen wir machen, so ist es. Es ist Herbst.
Barbara: Këmmat u yawmo kule gëd howe maṭro? Barbara: Glaubst du, es wird den ganzen Tag regnen?
Saro: E, komëtyaqnono, hawxa mir baṭ ṭebe. Saro: Ja, das glaube ich. So wurde es in den Nachrichten gemeldet.
Barbara: Ramḥël aydarbo yo i hawa? Barbara: Wie wird das Wetter morgen?
Saro: Ramḥël ste caywe, maṭro, barqe w hawa ḥëṣto gëd howe. Saro: Morgen wird es auch bewölkt sein mit Regen, Donner und starkem Wind.
Barbara: E, ay yawme basime du qayṭo xaliṣi. Annaqla gëd oṯe u saṯwo. Barbara: Ja, die schönen Sommertage sind vorbei. Jetzt wird der Winter kommen.
Saro: Hawxa yo. Kolozam saymina ḥšowo du talgo, du gliḏo w di ḥarṣabṯo. Saro: So ist es. Wir müssen mit Schnee, Eis und Hagel rechnen.
Barbara: Lo ṭocat u xroṭo daj jamat dar raḏoyoṯe. Barbara: Vergiss nicht das Abkratzen der Autoscheiben.
Saro: E, hawxa yo, cadi yo. Mën gëd saymat adyawma? Saro: Ja, so ist es, wie üblich. Was machst du heute?
Barbara: Ucdo latli mede cal boli. Caṣriye kocawdono adyawma. Barbara: Ich habe gerade nichts vor. Heute arbeite ich erst am Abend.
Saro: D rëḥmat tax šotina qaḥwa, hul d oṯën an nacime mi madrašto. Saro: Wenn du magst, komm, lass uns einen Kaffee trinken, bis die Kinder aus der Schule kommen.