Afrem: Simon, ema dacirat me Ṭurcabdin? |
Afrem: Simon, quand es-tu revenu du Turabdin ? |
ܐܰܦܪܶܡ: ܣܝܡܳܢ، ܐܶܡܰܐ ܕܰܥܝܪܰܬ ܡܶܐ ܛܘܪܥܰܒܕܝܢ؟ |
Simon: Bramšël dacërno. |
Simon: Je suis rentré hier soir. |
ܣܝܡܳܢ: ܒܪܰܡܫܷܠ ܕܰܥܷܪܢܐ. |
Afrem: Aydarbo šafëc u mazlo d Ṭurcabdin? |
Afrem: Comment s’est passé ton voyage au Turabdin? |
ܐܰܦܪܶܡ: ܐܰܝܕܰܪܒܐ ܫܰܦܷܥ ܐܘ ܡܰܙܠܐ ܕܛܘܪܥܰܒܕܝܢ؟ |
Simon: Ġäläbe basimo wa. |
Simon: C’était très chouette. |
ܣܝܡܳܢ: ܓ݂ܱܠܱܒܶܐ ܒܰܣܝܡܐ ܘܰܐ. |
Afrem: Mën ḥzalxu, mën sëmxu? |
Afrem: Qu’est-ce que vous avez vu? Qu’est-ce que vous avez fait? |
ܐܰܦܪܶܡ: ܡܷܢ ܚܙܰܠܟ݂ܘ، ܡܷܢ ܣܷܡܟ݂ܘ؟ |
Simon: Ḥzelan dëkoṯe ġäläbe šafire. |
Simon: Nous avons vu de très beaux endroits. |
ܣܝܡܳܢ: ܚܙܶܠܰܢ ܕܷܟܳܬ݂ܶܐ ܓ݂ܱܠܱܒܶܐ ܫܰܦܝܪܶܐ. |
Afrem: Maḥki ëšmo. |
Afrem: Raconte un peu. |
ܐܰܦܪܶܡ: ܡܰܚܟܝ ܐܷܫܡܐ. |
Simon: Tux ḥzay aṣ ṣërtoṯe. Haṯe i mḏito d Marde yo. Haṯe i dayro du Zacfäran yo, d këtyo qaruto l Marde. |
Simon: Viens voir les photos. Ça, c’est la ville de Mardin. Ça, c’est le monastère du Safran, qui est proche de Mardin. |
ܣܝܡܳܢ: ܬܘܟ݂ ܚܙܰܝ ܐܰܨ ܨܷܪܬܳܬ݂ܶܐ. ܗܰܬ݂ܶܐ ܐܝ ܡܕ݂ܝܬܐ ܕܡܰܪܕܶܐ ܝܐ. ܗܰܬ݂ܶܐ ܐܝ ܕܰܝܪܐ ܕܘ ܙܰܥܦܱܪܰܐܢ ܝܐ، ܕܟܷܬܝܐ ܩܰܪܘܬܐ ܠܡܰܪܕܶܐ. |
Afrem: B Ṭurcabdin mën sëmxu? |
Afrem: Qu’est-ce que vous avez fait au Turabdin ? |
ܐܰܦܪܶܡ: ܒܛܘܪܥܰܒܕܝܢ ܡܷܢ ܣܷܡܟ݂ܘ؟ |
Simon: Kul yawmo nuḥtiwayna l Mëḏyaḏ d këmmila “u lebo d Ṭurcabdin”. Me tamo zayriwayna ad dayre, aq qëryawoṯe w ad dëkoṯe maxtabzabnoye, xud Ḥasno d Kifo, Nṣiwën, Dara w ḥrene. |
Simon: Chaque jour, nous allions à Midyat, appelé le centre du Turabdin. De là, nous visitions les monastères, les villages et les endroits historiques, comme Hasankeyf, Nisibe, Dara et d’autres. |
ܣܝܡܳܢ: ܟܘܠ ܝܰܘܡܐ ܢܘܚܬܝܘܰܝܢܰܐ ܠܡܷܕ݂ܝܰܕ݂ ܕܟܷܐܡܡܝܠܰܗ ܐܘ ܠܶܒܐ ܕܛܘܪܥܰܒܕܝܢ. ܡܶܐ ܬܰܡܐ ܙܰܝܪܝܘܰܝܢܰܐ ܐܰܕ ܕܰܝܪܶܐ، ܐܰܩ ܩܷܪܝܰܘܳܬ݂ܶܐ ܘܐܰܕ ܕܷܟܳܬ݂ܶܐ ܡܰܟ݂ܬܰܒܙܰܒܢܳܝܶܐ.، ܟ݂ܘܕ ܚܰܣܢܐ ܕܟܝܦܐ، ܢܨܝܘܷܢ، ܕܰܪܰܐ ܘܚܪܶܢܶܐ. |
Afrem: Ayko fayšituwa b lalyo? |
Afrem: Où est-ce que vous passiez la nuit ? |
ܐܰܦܪܶܡ: ܐܰܝܟܐ ܦܰܝܫܝܬܘܘܰܐ ܒܠܰܠܝܐ؟ |
Simon: Kul caṣriye ducriwayna li dayro d Mor Gabriyel. |
Simon: Chaque soir, nous retournions au monastère de Mor Gabriel. |
ܣܝܡܳܢ: ܟܘܠ ܥܰܨܪܝܝܶܐ ܕܘܥܪܝܘܰܝܢܰܐ ܠܝ ܕܰܝܪܐ ܕܡܳܪܝ ܓܰܒܪܝـܝܶܠ. |
Afrem: Šafiro, ono ste kobacno ëzzi l Turcabdin. Ṭawwo yo ḥa d ḥoze u aṯro w i marduṯo du camayḏe. |
Afrem: Super, moi aussi je veux aller au Turabdin. C’est bien de voir la patrie et la culture de son peuple. |
ܐܰܦܪܶܡ: ܫܰܦܝܪܐ، ܐܳܢܐ ܣܬܶܐ ܟܳܐܒܰܥܢܐ ܐܷܙܙܝ ܠܛܘܪܥܰܒܕܝܢ. ܛܰܘܘܐ ܝܐ ܚܰܐ ܕܚܳܙܶܐ ܐܘ ܐܰܬ݂ܪܐ ܘܐܝ ܡܰܪܕܘܬ݂ܐ ܕܘ ܥܰܡܰܝܕ݂ܶܗ. |
Simon: Hawxa yo. Ono ġäläbe fṣëḥno d azzi. |
Simon: C’est vrai. Moi aussi, j’étais très content d’y être allé. |
ܣܝܡܳܢ: ܗܰܘܟ݂ܰܐ ܝܐ. ܐܳܢܐ ܓ݂ܱܠܱܒܶܐ ܦܨܷܚܢܐ ܕܐܰܙܙܝ. |