L'écran d'édition a besoin d'au moins 450 pixels en horizontal. Veuillez faire tourner votre écran ou utiliser un écran plus grand.

ܣܘܪܓܳܕܐ
ܣܘܪܓܳܕ݂ܐ
ܒܘ ܫܘܪܳܝܐ ܕܟܘܠ ܫܰܬܐ ܟܳܢܳܦܰܩ ܣܘܪܓܳܕ݂ܐ ܚܰܬ݂ܐ.
ܥܰܠ ܐܘ ܣܘܪܓܳܕ݂ܐ ܟܳܡܰܚܘܷܢ ܐܰܝ ܝܰܪܚܶܐ، ܐܰܫ ܫܰܒܶܐ ܘܐܰܝ ܝܰܘܡܶܐ ܕܝ ܫܰܬܐ.
ܒܘ ܣܘܪܓܳܕ݂ܐ ܟܝܒܰܢ ܚܳܙܝܢܰܐ ܐܰܝ ܝܰܘܡܶܐ ܕܰܥ ܥܶܕ݂ܶܐ ܘܕܰܒ ܒܰܛܠܳܢܶܐ.
ܠܰܫܰܢ ܐܘ ܣܘܪܓܳܕ݂ܐ ܡܷܚܙܶܐ ܫܰܦܝܪܐ، ܟܳܡܰܚܬܝܢܰܐ ܐܶܒܶܗ ܨܷܪܬܳܬ݂ܶܐ.
ܨܷܪܬܳܬ݂ܶܐ ܕܟܳܡܱܠܝܩܝ ܠܘ ܙܰܒܢܐ ܕܝ ܫܰܬܐ.
ܐܰܝ ܝܰܘܡܶܐ ܕܰܚ ܚܘܫܰܒܶܐ، ܕܰܥ ܥܶܕ݂ܶܐ ܘܕܰܒ ܒܰܛܠܳܢܶܐ ܟܳܡܷܟܬ݂ܳܘܝ ܒܓܰܘܢܐ ܣܶܡܳܩܐ.
ܐܝ ܫܰܬܐ ܟܝܒܰܗ ܬܠܷܬ݂ܡܐ ܘܚܰܡܫܐ ܘܐܷܫܬܝ (365) ܝܰܘܡܶܐ، ܬܰܪܬܶܐ ܘܚܰܡܫܝ (52) ܫܰܒܶܐ ܘܬܪܰܥܣܰܪ (12) ܝܰܪܚܶܐ.
ܒܝ ܫܰܬܐ ܟܝܬ ܐܰܪܒܥܐ ܫܘܚܠܳܦܶܐ. ܒܟܘܠ ܫܘܚܠܳܦܐ ܟܝܬ ܬܠܳܬ݂ܐ ܝܰܪܚܶܐ.
ܒܘ ܝܰܪܚܐ ܟܝܬ ܬܠܶܬ݂ܝ ܐܰܘ ܚܰܐ ܘܬܠܶܬ݂ܝ ܝܰܘܡܶܐ.
ܒܘ ܝܰܪܚܐ ܟܝܬ ܐܰܪܒܰܥ ܐܰܘ ܚܰܡܡܷܫ ܫܰܒܶܐ.
ܒܝ ܫܰܒܬ݂ܐ ܟܝܬ ܫܰܘܥܐ ܝܰܘܡܶܐ.
ܒܘ ܝܰܘܡܐ ܟܝܬ ܐܰܪܒܰܥ ܘܥܷܣܪܝ ܣܰܥܰܬ.
ܒܝ ܣܰܥܰܐ ܟܝܬ ܐܷܫܬܝ ܕܰܩܩܰܬ.
ܒܝ ܕܰܩܩܰܐ ܟܝܬ ܐܷܫܬܝ ܨܰܢܝـܝܰܬ.
Surgoḏo Calendrier
Bu šuroyo d kul šato konofaq surgoḏo ḥaṯo. Au début de chaque année parait un nouveau calendrier.
Cal u surgoḏo komaḥwën ay yarḥe, aš šabe w ay yawme di šato. Sur le calendrier, apparaissent les mois, les semaines et les jours de l’année.
Bu surgoḏo kiban ḥozina ay yawme dac ceḏe w dab baṭlone. Dans le calendrier, on peut voir les jours de fêtes et les jours fériés.
Lašan u surgoḏo mëḥze šafiro, komaḥtina ebe ṣërtoṯe. Pour que le calendrier soit beau, on y met des photos.
Ṣërtoṯe d komaliqi lu zabno di šato. Des photos qui conviennent aux moments de l’année.
Ay yawme daḥ ḥušabe, dac ceḏe w dab baṭlone komëkṯowi b gawno semoqo. Les dimanches, les jours de fêtes et les jours fériés s’écrivent en rouge.
I šato kiba tlëṯmo w ḥamšo w ëšti (365) yawme, tarte w ḥamši (52) šabe w tracsar (12) yarḥe. L’année a 365 jours, 52 semaines et 12 mois.
Bi šato kit arbco šuḥlofe. B kul šuḥlofo kit tloṯo yarḥe. Dans l’année, il y a quatre saisons. Dans chaque saison, il y a 3 mois.
Bu yarḥo kit tleṯi aw ḥa w tleṯi yawme. Dans un mois, il y a 30 ou 31 jours.
Bu yarḥo kit arbac aw ḥammëš šabe. Dans un mois, il y a quatre ou cinq semaines.
Bi šabṯo kit šawco yawme. Dans une semaine, il y a 7 jours.
Bu yawmo kit arbac w cësri sacat. Dans une journée, il y a 24 heures.
Bi saca kit ëšti daqqat. Dans une heure, il y a 60 minutes.
Bi daqqa kit ëšti ṣaniyat. Dans une minute, il y a 60 secondes.