abro ܐܰܒܪܐ (m.), pl. abne ܐܰܒܢܶܐ (L.4) son

abre d cammo (L.4) ܐܰܒܪܶܗ ܕܥܰܡܡܐ cousin, uncle's son (from father's side)

abre d ḥolo (L.4) ܐܰܒܪܶܗ ܕܚܳܠܐ cousin, uncle's son (from mother's side)

→ barṯo

Abuna ܐܰܒܘܢܰܐ (Q.3,26) Father (when addressing a priest)

Ädäne ܐܱܕܱܢܶܐ (Q.6,10) Adana, city in the South of Turkey

adcaṣriye ܐܰܕܥܰܨܪܝܝܶܐ (adv.) (L.8) this evening → caṣriye

adfalge d yawmo ܐܰܕܦܰܠܓܶܗ ܕܝܰܘܡܐ (adv.) (L.8) this afternoon → falgo, yawmo

adlalyo ܐܰܕܠܰܠܝܐ (adv.) (L.8) tonight → lalyo

admo ܐܰܕܡܐ (m.) (L.7) blood

adṣafro ܐܰܕܨܰܦܪܐ (adv.) (L.8) this morning → ṣafro

adšato ܐܰܕܫܰܬܐ (adv.) (G.18) this year → šato

adyawma ܐܰܕܝܰܘܡܰܐ (adv.) (L.8) today → yawmo

aḏno ܐܰܕ݂ܢܐ (f.), pl. aḏnoṯe ܐܰܕ݂ܢܳܬ݂ܶܐ, aḏne ܐܰܕ݂ܢܶܐ (L.7) ear | aš šurone këtte aḏne ܐܰܫ ܫܘܪܳܢܶܐ ܟܷܬܬܶܗ ܐܰܕ݂ܢܶܐ the walls have ears (G.9)

Afriqa ܐܰܦܪܝܩܰܐ (G.19) Africa

afṯo ܐܰܦܬ݂ܐ (f.), pl. afṯoṯe ܐܰܦܬ݂ܳܬ݂ܶܐ (L.3) break, pause

aġa ܐܰܓ݂ܰܐ (m.), pl. aġawat ܐܰܓ݂ܰܘܰܬ (Q.3,69) aga, clan leader, chieftain

aġläba ܐܰܓ݂ܠܱܒܰܐ (adv.) (Q.7,44) mostly → aġlab d

aġlab d ܐܰܓ݂ܠܰܒ ܕ the majority of | aġlab dan noše ܐܰܓ݂ܠܰܒ ܕܰܢ ܢܳܫܶܐ the majority of people (Q.4,40) → aġläbiye

aġläbiye ܐܰܓ݂ܠܱܒܝܝܶܐ (f.) (L.19) majority → aġläba, aġlab d

aḥna ܐܰܚܢܰܐ (pron.) (G.3b) we

aḥuno ܐܰܚܘܢܐ (m.), pl. aḥunone ܐܰܚܘܢܳܢܶܐ (L.4) brother → ḥoṯo

alkohol ܐܰܠܟܳܗܳܠ alcohol

Almanoyo ܐܰܠܡܰܢܳܝܐ, f. Almanayto ܐܰܠܡܰܢܰܝܬܐ, pl. Almanoye ܐܰܠܡܰܢܳܝܶܐ (L.20) ⑴ German ⑵ (sg. m.) German (language)

Almanya ܐܰܠܡܰܐܢܝܰܐ (L.20) Germany → Almanoyo

Almelo ܐܰܠܡܶܠܐ (Q.10,3) Almelo, city in the Netherlands

Alo ܐܰܠܐ (interj.) by God, really, indeed | Alo koxal acle! !ܐܰܠܐ ܟܳܐܟ݂ܰܠ ‌ܐܰܥܠܶܗ not bad! (L.24) → Aloho

Aloho ܐܰܠܳܗܐ (m.) ⑴ God | Aloho mastar u camayḏan ܐܰܠܳܗܐ ܡܰܣܬܰܪ ܐܘ ܥܰܡܰܝܕ݂ܰܢ may God protect his people; šubḥo l Aloho ܫܘܒܚܐ ܠܰܐܠܳܗܐ Praise to God! (Q.3,7); Aloho mbarëx aclux ܐܰܠܳܗܐ ܡܒܰܪܷܟ݂ ܐܰܥܠܘܟ݂ may God bless you (sg. m.) (Q.3,42); Aloho mbarëx aclayye ܐܰܠܳܗܐ ܡܒܰܪܷܟ݂ ܐܰܥܠܰܝـܝܶܗ may God bless you (pl.) (Q.3,49)

Alyas Šakër ܐܰܠܝܰܐܣ ܫܰܟܷܪ (Q.9,63) Elias Shaker, patriarch of the Syriac Orthodox Church (1917-1932)

Amerika ܐܰܡܶܪܝܟܰܐ (Q.6) America | meqëm mu Sayfo babi azzewa l Amerika ܡܶܩܷܡ ܡܘ ܣܰܝܦܐ ܒܰܒܝ ܐܰܙܙܶܘܰܐ ܠܐܰܡܶܪܝܟܰܐ before the Genocide my father had gone to America (Q.6) = Amrika

amnoro ܐܰܡܢܳܪܐ, f. amnarto ܐܰܡܢܰܪܬܐ, pl. amnore ܐܰܡܢܳܪܶܐ (G.19) artist

Amrika ܐܰܡܪܝܟܰܐ (G. 19) America

Amrika Garbyayto ܐܰܡܪܝܟܰܐ ܓܰܪܒܝܰܝܬܐ North America

Amrika Taymnayto ܐܰܡܪܝܟܰܐ ܬܰܝܡܢܰܝܬܐ South America

An Aṯrawoṯe Mḥayḏe d Amrika ܐܰܢ ܐܰܬ݂ܪܰܘܳܬ݂ܶܐ ܡܚܰܝܕ݂ܶܐ ܕܰܐܡܪܝܟܰܐ United States of America

= Amerika

Anḥël ܐܰܢܚܷܠ (Q.6,61) Anḥël, village in Turabdin → Nëḥloyo

annaqla ܐܰܢܢܰܩܠܰܐ (L.21) this time, well, now, actually → naqla

Anṭarqṭiqus ܐܰܢܛܰܪܩܛܝܩܘܣ (G.19) Antarctica

apoteke ܐܰܦ݁ܳܬܶܟܶܐ (L.14) pharmacy = beṯ darmone

App ܐܰܦ݁, pl. Apps ܐܰܦ݁ܣ (L.24) app, application

apraxe ܐܰܦ݁ܪܰܟ݂ܶܐ (pl.) (L.10) stuffed vine leaves

arbci ܐܰܪܒܥܝ (num.) (L.4) forty

arbco ܐܰܪܒܥܐ (num.), f. arbac ܐܰܪܒܰܥ (L.4) four | arbac w cësri sacat ܐܰܪܒܰܥ ܘܥܷܣܪܝ ܣܰܥܰܬ twenty-four hours (L.9)

arco ܐܰܪܥܐ (f.), pl. arcoṯe ܐܰܪܥܳܬ݂ܶܐ (L.6, L.12) ⑴ earth ⑵ parcel of land, field, lot ⑶ ground, bottom

ardixlo ܐܰܪܕܝܟ݂ܠܐ, f. ardixalto ܐܰܪܕܝܟ݂ܰܠܬܐ, pl. ardixle ܐܰܪܕܝܟ݂ܠܶܐ (G.19) ⑴ engineer ⑵ architect

arġalto ܐܰܪܓ݂ܰܠܬܐ (f.), pl. arġalyoṯe ܐܰܪܓ݂ܰܠܝܳܬ݂ܶܐ (L.18) flood

Arkaḥ ܐܰܪܟܰܚ Arkaḥ/Xärabale, village in Turabdin = Xärabale

Arkaḥoyo ܐܰܪܟܰܚܳܝܐ, f. Arkaḥayto ܐܰܪܟܰܚܰܝܬܐ, pl. Arkaḥoye ܐܰܪܟܰܚܳܝܶܐ person from the village Arkaḥ/Xärabale

aršitakt ܐܰܪܫܝܬܰܟܬ (m.), pl. aršitaktat ܐܰܪܫܝܬܰܟܬܰܬ, aršitakte ܐܰܪܫܝܬܰܟܬܶܐ (L.6) architect

aryo ܐܰܪܝܐ (m.), pl. arye ܐܰܪܝܶܐ (L.22) lion

asiruṯo ܐܰܣܝܪܘܬ݂ܐ (f.) (L.4) connection, relationship, contact

Asya ܐܰܣܝܰܐ (G.19) Asia

ašër ܐܰܫܷܪ (interj.) (L.3) now, honestly, actually, believe me

aṯmël ܐܰܬ݂ܡܷܠ (adv.) (L.8) yesterday

aṯoyo ܐܰܬ݂ܳܝܐ, f. aṯayto ܐܰܬ݂ܰܝܬܐ, pl. aṯoye ܐܰܬ݂ܳܝܶܐ (L.24) coming

aṯro ܐܰܬ݂ܪܐ (m.), pl. aṯrawoṯe ܐܰܬ݂ܪܰܘܳܬ݂ܶܐ (L.4) ⑴ country, land ⑵ homeland

aṯto ܐܰܬ݂ܬܐ (f.), pl. niše ܢܝܫܶܐ woman, wife | i aṯtayḏi ܐܝ ܐܰܬ݂ܬܰܝܕ݂ܝ my wife (L.4); i aṯto d aḥuni ܐܝ ܐܰܬ݂ܬܐ ܕܐܰܚܘܢܝ my brother's wife (L.14) → pire

aw ܐܰܘ (conj.) (L.7) or

awkiṯ (Q.9,32) that is, namely

Awrupa ܐܰܘܪܘܦ݁ܰܐ (G.19) Europe = Urifi

Awstralya ܐܰܘܣܬܪܰܐܠܝܰܐ (G.19) Australia

Awsturya ܐܰܘܣܬܘܪܝܰܐ (G.19) Austria = Namsa

aydarbo ܐܰܝܕܰܪܒܐ (L.3) how | aydarbo hatu? ܐܰܝܕܰܪܒܐ ܗܰܬܘ؟ how are you (pl.)? (L.3); aydarbo wa? ܐܰܝܕܰܪܒܐ ܘܰܐ؟ how was it? (L.10)

ayko ܐܰܝܟܐ (L.3) where

aylo ܐܰܝܠܐ (m.), pl. ayle ܐܰܝܠܶܐ (L.22) deer

ayna ܐܰܝܢܰܐ (L.3) which | ayna mënne? ܐܰܝܢܰܐ ܡܷܢܢܶܗ؟ which one of them? (L.12); ayna ne? ܐܰܝܢܰܐ ܢܶܐ؟ which are they? (L.7); b ayna? ܒܐܰܝܢܰܐ؟ in/with which? (L.24); l ayna? ܠܐܰܝܢܰܐ؟ for which? (L.24)

azolo ܐܰܙܳܠܐ, f. azalto ܐܰܙܰܠܬܐ, pl. azole ܐܰܙܳܠܶܐ (L.24) going

b ܒ‍ (prep.) in, with, with the help of | b ayna…? ܒܐܰܝܢܰܐ…؟ in which? (L.12); b mën? ܒܡܷܢ؟ with what? (L. 10)

b + Suf. (G.11b) | ebe ܐܶܒܶܗ in him; appe ܐܰܦ݁ܦ݁ܶܗ in them

b šayno (L.3) ܒܫܰܝܢܐ hello (answer for šlomo!) | b šayno aṯitu ܒܫܰܝܢܐ ܐܰܬ݂ܝܬܘ welcome! (L.12); b šayno w bë šlomo ܒܫܰܝܢܐ ܘܒܷܫܠܳܡܐ welcome! (L.23)

ba! ܒܰܐ! (Q.6,39) dad! → babo

babġo ܒܰܒܓ݂ܐ (m.), pl. babġe ܒܰܒܓ݂ܶܐ (L.22) parrot

babo ܒܰܒܐ (m.), pl. babe ܒܰܒܶܐ, babone ܒܰܒܳܢܶܐ (L.4) father, dad | babo! ܒܰܒܐ! dad! (Q.6,18) ⑵ (pl.) ancestors | babonayna ܒܰܒܳܢܰܝܢܰܐ our ancestors (our fathers) (Q.4,4)

ab be babe d ܐܰܒ ܒܶܐ ܒܰܒܶܐ ܕ parents' house of, parents' family of

bädaye ܒܱܕܰܝܶܐ (f.) (L.19) beginning, start → šuroyo

Badëbbe ܒܰܕܷܒܒܶܐ (Q.8,54) Badëbbe, village in Turabdin → Badëbboyo

Badëbboyo ܒܰܕܷܒܒܳܝܐ, f. Badëbbayto ܒܰܕܷܒܒܰܝܬܐ, pl. Badëbboye ܒܰܕܷܒܒܳܝܶܐ (Q.8,49) person from the village Badëbbe → Badëbbe

badle ܒܰܕܠܶܐ (f.), pl. badlat ܒܰܕܠܰܬ (L.11) suit

Bagoke ܒܰܓܳܟܶܐ mountain range in the South of Turabdin

bahërtër ܒܰܗܷܪܬܷܪ (adj.) (Q.3,35) brighter → bahuro

bahro ܒܰܗܪܐ (m.), pl. bahre ܒܰܗܪܶܐ light | bahro dat tre ܒܰܗܪܐ ܕܰܬ ܬܪܶܐ second light (L.3)

bahuro ܒܰܗܘܪܐ (adj.), f. bahërto ܒܰܗܷܪܬܐ, pl. bahure ܒܰܗܘܪܶܐ (L.15) bright, clear, shiny

bälädiye ܒܱܠܱܕܝܝܐ (f.), pl. bälädiyat ܒܱܠܱܕܝܝܰܬ (L.19) city administration, building authority → karxuṯo

bälaš ܒܱܠܰܐܫ (L.15) free of charge, gratis → magon

Balčiqa ܒܰܠܫ̰ܝܩܰܐ (G.19) Belgium

balki ܒܰܠܟܝ maybe, perhaps | balki ḥozina ḥḏoḏe naqla ḥreto ܒܰܠܟܝ ܚܳܙܝܢܰܐ ܚܕ݂ܳܕ݂ܶܐ ܢܰܩܠܰܐ ܚܪܶܬܐ maybe we will see each other again (G.23); balki … balki ܒܰܠܟܝ ... ܒܰܠܟܝ maybe … maybe (Q.6,52)

baluṭo ܒܰܠܘܛܐ (m.) oak tree, acorn

dawmo du baluṭo ܕܰܘܡܐ ܕܘ ܒܰܠܘܛܐ oak, oak tree

banyo ܒܰܐܢܝܐ (m.), pl. banyowat ܒܰܐܢܝܳܘܰܬ (L.6) bathroom

baqlawa ܒܰܩܠܰܘܰܐ (f.) (L.23) baklava

barёḥme ܒܰܪܷܚܡܶܐ (m.), pl. barëḥme ܒܰܪܷܚܡܶܐ (L.13) brother-in-law (husband's brother, wife's brother)

barko ܒܰܪܟܐ (f.), pl. barkoṯe ܒܰܪܟܳܬ݂ܶܐ (L.7) knee

barmil ܒܰܪܡܝܠ (m.), pl. barmile ܒܰܪܡܝܠܶܐ (Q.4,57) barrel

barmile du qayso ܒܰܪܡܝܠܶܐ ܕܘ ܩܰܝܣܐ wooden barrel

baroyo ܒܰܪܳܝܐ (adj.), f. barayto ܒܰܪܰܝܬܐ, pl. baroye ܒܰܪܳܝܶܐ (L.7) outer, external

barqo ܒܰܪܩܐ (m.), pl. barqe ܒܰܪܩܶܐ (L.18) lightning

barṯo ܒܰܪܬ݂ܐ (f.), pl. bnoṯe ܒܢܳܬ݂ܶܐ (L.4) daughter | barṯi ܒܰܪܬ݂ܝ my daughter (L.11) → abro

bas ܒܰܣ (L.11) only, enough | bas ne ܒܰܣ ܢܶܐ they are enough

w bas ܘܒܰܣ only, alone, exclusively

→ basyo

basimo ܒܰܣܝܡܐ (adj.), f. basëmto ܒܰܣܷܡܬܐ, pl. basime ܒܰܣܝܡܶܐ (L.10) ⑴ delicious ⑵ good, nice ⑶ pleasant

basketbol ܒܰܣܟܶܬܒܳܠ (m.) (L.15) basketball → esfiro

basro ܒܰܣܪܐ (m.), pl. basrone ܒܰܣܪܳܢܶܐ (L.7) meat

basro dab broze ܒܰܣܪܐ ܕܰܒ ܒܪܳܙܶܐ pork

basro dac cwone ܒܰܣܪܐ ܕܰܥ ܥܘܳܢܶܐ mutton

basro dag gyoṯe ܒܰܣܪܐ ܕܰܓ ܓܝܳܬ݂ܶܐ chicken meat

basro daq qanyone ܒܰܣܪܐ ܕܰܩ ܩܰܢܝܳܢܶܐ beef

basro mqalyo ܒܰܣܪܐ ܡܩܰܠܝܐ fried meat

bastiq ܒܰܣܬܝܩ (m.) (Q.3,103) bastiq (candy made of grape syrup)

basyo ܒܰܣܝܐ (L.21) enough! → bas

baṣlo ܒܰܨܠܐ (m.), pl. baṣle ܒܰܨܠܶܐ (Q.3,95) onion

baṣo ܒܰܨܐ (m.), pl. baṣe ܒܰܨܶܐ (L.21) bus

baṭilo ܒܰܛܝܠܐ (adj.), f. baṭëlto ܒܰܛܷܠܬܐ, pl. baṭile ܒܰܛܝܠܶܐ ⑴ free, without work, unemployed | baṭile ne ܒܰܛܝܠܶܐ ܢܶܐ they are off (work) (L.8) ⑵ tired, exhausted ⑶ pointless, vacuous

baṭiluṯo ܒܰܛܝܠܘܬ݂ܐ (f.) (L.19) unemployment

baṭlono ܒܰܛܠܳܢܐ (m.), pl. baṭlone ܒܰܛܠܳܢܶܐ (L.12) ⑴ holiday ⑵ vacation

baṯëḥme ܒܰܬ݂ܷܚܡܶܐ (f.) (husband's sister, wife's sister) sister-in-law

baṯqyomo ܒܰܬ݂ܩܝܳܡܐ (f.), pl. baṯqyome ܒܰܬ݂ܩܝܳܡܶܐ (Q.3,15) priest's wife

baybuno ܒܰܝܒܘܢܐ (m.), pl. baybune ܒܰܝܒܘܢܶܐ (L.19) flower

bayn ܒܰܝܢ (L.19, mit Präp. l-) ⑴ between ⑵ among

baynoṯ- + Suf. | baynoṯayye ܒܰܝܢܳܬ݂ܰܝܝܶܗ among them, by them

bayto ܒܰܝܬܐ (m.), pl. bote ܒܳܬܶܐ (L.3) house, family

bayṭar ܒܰܝܛܰܪ, f. bayṭare ܒܰܝܛܰܪܶܐ, pl. bayṭare ܒܰܝܛܰܪܶܐ (L.12) veterinary

be¹ ܒܶܐ (G.24b) whether (particle introducing indirect questions)

be² ܒܶܐ family of … | ab be babe di Maryam ܐܰܒ ܒܶܐ ܒܰܒܶܐ ܕܝ ܡܰܪܝܰܡ Maryam's parents, Maryam's family (L.16) → bayto

Bequsyone ܒܶܩܘܣܝܳܢܶܐ (Q.8,42) Bequsyone, village in Turabdin

Berlinoyo ܒܶܪܠܝܢܳܝܐ, f. Berlinayto ܒܶܪܠܝܢܰܝܬܐ, pl. Berlinoye ܒܶܪܠܝܢܳܝܶܐ (L.20) Berliner

beroxo ܒܶܪܳܟ݂ܐ, pl. beroxe ܒܶܪܳܟ݂ܶܐ [Inf. brx II ܒܪܟ] (L.16) ⑴ church wedding ⑵ blessing

betfaq ܒܶܬܦܰܐܩ (Q.3,44) if nothing comes in between, God willing, if all goes well

beṯarke ܒܶܝܬ݂ܐܰܪܟܶܐ (m.) (Q.9,27) library

beṯ darmone ܒܶܝܬ݂ ܕܰܪܡܳܢܶܐ (m.) (L.14) pharmacy = apoteke

beṯdino ܒܶܝܬ݂ܕܝܢܐ (m.) (Q.10,2) court → maḥkäma

beṯgawso ܒܶܝܬ݂ܓܰܘܣܐ (m.) (Q.9,39) safe haven, place of refuge

beṯ krihe ܒܶܝܬ݂ ܟܪܝܗܶܐ (m.) (L.14) hospital

beṯmqomo ܒܶܝܬ݂ܡܩܳܡܐ (m.) (Q.8,14) residence, seat

Beṯnahrin ܒܶܝܬ݂ܢܰܗܪܝܢ (G.19) Mesopotamia

beṯqadiše ܒܶܝܬ݂ܩܰܕܝܫܶܐ (pl.) (Q.8,19) ⑴ room with saints' graves (in a church or monastery) ⑵ shrine

beṯṣawbo ܒܶܝܬ݂ܨܰܘܒܐ (m.) university

Beṯṣawbo Ḥiro d Berlin (L.20) ܒܶܝܬ݂ܨܰܘܒܐ ܚܝܪܐ ܕܒܶܪܠܝܢ Free University of Berlin

bëcto ܒܷܥܬܐ (f.), pl. bece ܒܶܥܶܐ (L.23) egg

bëlḥuḏe ܒܷܠܚܘܕ݂ܶܗ (adv.) (L.16) alone, only

bëlḥuḏe mazlo ܒܷܠܚܘܕ݂ܶܗ ܡܰܙܠܐ only one direction (here: one-way street)

→ täne

bënyono ܒܷܢܝܳܢܳܐ (m.), pl. bënyone ܒܷܢܝܳܢܶܐ (L.13) building

bërbozo ܒܷܪܒܳܙܐ, pl. bërboze ܒܷܪܒܳܙܶܐ [Inf. brbz ܒܪܒܙ] (L.24) dispersal, spreading, dissemination, distribution → mbarbaz

bërġël ܒܷܪܓ݂ܷܠ (m.) (L.10) bulgur

bësëklet ܒܷܣܷܟܠܶܬ (m.), pl. bësëkletat ܒܷܣܷܟܠܶܬܰܬ (L.21) bicycle

bëskwit ܒܷܣܟܘܝܬ (m.), pl. bëskwitat ܒܷܣܟܘܝܬܰܬ (L.23) biscuit

bëṯër ܒܷܬ݂ܷܪ (L.6) ⑴ (prep.) after | bëṯër mi cito ܒܷܬ݂ܷܪ ܡܝ ܥܝܬܐ after the church (service) (Q.1,17); bëṯër b zabno ܒܷܬ݂ܷܪ ܒܙܰܒܢܐ after some time (Q.9,28) ⑵ (adv.) after that ⑶ (conj.) after

bëṯërke ܒܷܬ݂ܷܪܟܶܐ (adv.) (Q.7,91) after that

bëṯr ܒܷܬ݂ܪ (prep.) (G.11b,1-2) after, behind

bëṯr + Suf. (G.11b,1-2) | bëṯri ܒܷܬ݂ܪܝ behind me; bëṯrayye ܒܷܬ݂ܪܰܝܝܶܗ behind them

bira ܒܝܪܰܐ (f.), pl. birat ܒܝܪܰܬ (L.10) beer

biṭon ܒܝܛܳܢ (m.) (L.6) concrete

bluze ܒܠܘܙܶܐ (f.), pl. bluzat ܒܠܘܙܰܬ (L.11) blouse

bnoṯe ܒܢܳܬ݂ܶܐ → barṯo

bnoyo [Inf. bny I ܒܢܝ] (L.8) counting

bocu ܒܳܥܘ (interj.) (L.10) please

bocuṯo ܒܳܥܘܬ݂ܐ (f.), pl. bëcwoṯe ܒܷܥܘܳܬ݂ܶܐ (Q.10,7) request, application

bode, bëdyo ܒܳܕܶܐ، ܒܷܕܝܐ - bdele, bdela ܒܕܶܠܶܗ، ܒܕܶܠܰܗ [bdy I ܒܕܝ] to begin, to start | bdewayle dë mšayal šwole ܒܕܶܘܰܝܠܶܗ ܕܷܡܫܰܝܰܠ ܫܘܳܠܶܐ he began asking questions (L.17); bdela dë mḥaḏro ruḥa ܒܕܶܠܰܗ ܕܷܡܚܰܕ݂ܪܐ ܪܘܚܰܗ she began to prepare herself (L.20); bdele d marcël ܒܕܶܠܶܗ ܕܡܰܪܥܷܠ‌ he started to tremble (Q.7,51) → mšare

bohar, bëhro ܒܳܗܰܪ، ܒܷܗܪܐ - bahër, bahiro ܒܰܗܷܪ، ܒܰܗܝܪܐ [bhr I ܒܗܪ] (Q.3,30) to become bright, to get light

bolo ܒܳܠܐ (m.) mind | komaḥto bolo cal ܟܳܡܰܚܬܐ ܒܳܠܐ ܥܰܠ she pays attention to (L.11); këtle bolo rwiḥo ܟܷܬܠܶܗ ܒܳܠܐ ܪܘܝܚܐ he is patient; latli mede cal boli ܠܰܬܠܝ ܡܶܕܶܐ ܥܰܠ ܒܳܠܝ I do not have anything planned (L.18); gëd oṯe l bolan ܓܷܕ ܐܳܬ݂ܶܐ ܠܒܳܠܰܢ we will remember, it will come to us (to mind) (L.22); koṯen l bola ܟܳܐܬ݂ܷܢ ܠܒܳܠܰܗ she remembers them (L.23)

boram, bërmo ܒܳܪܰܡ، ܒܷܪܡܐ - barëm, barimo ܒܰܪܷܡ، ܒܰܪܝܡܐ [brm I ܒܪܡ] to turn around (intr.), to rotate (intr.) | heš lo barimi cal ruḥayye ܗܶܫ ܠܐ ܒܰܪܝܡܝ ܥܰܠ ܪܘܚܰܝܝܶܗ they were still fully enjoying (lit. they haven't yet turned around themselves) (L.22)

bosam, bësmo ܒܳܣܰܡ، ܒܷܣܡܐ - basëm, basimo ܒܰܣܷܡ، ܒܰܣܝܡܐ [bsm I ܒܣܡ] to become pleasant

bosamle, bosamla ܒܳܣܰܡܠܶܗ، ܒܳܣܰܡܠܰܗ - basëmle, basëmla ܒܰܣܷܡܠܶܗ، ܒܰܣܷܡܠܰܗ [bsm I ܒܣܡ] (+ L-Suf.) to like | ayna hërgo kobosamlax? ܐܰܝܢܰܐ ܗܷܪܓܐ ܟܳܒܳܣܰܡܠܰܟ݂؟ which subject do you like? (L.3.5)

bošal, bëšlo ܒܳܫܰܠ، ܒܷܫܠܐ - bašël, bašilo ܒܰܫܷܠ، ܒܰܫܝܠܐ [bšl I ܒܫܠ] (L.13) to become cooked, to cook (intr.), to become overripe

bote ܒܳܬܶܐ → bayto

boṭal, bëṭlo ܒܳܛܰܠ، ܒܷܛܠܐ - baṭël, baṭilo ܒܰܛܷܠ، ܒܰܛܝܠܐ [bṭl I ܒܛܠ] to become tired | hul d baṭël ܗܘܠ ܕܒܰܛܷܠ until he got tired (Q.7,68)

boxe, buxyo ܒܳܟ݂ܶܐ، ܒܘܟ݂ܝܐ - baxi, baxyo ܒܰܟ݂ܝ، ܒܰܟ݂ܝܐ [bxy I ܒܟ݂ܝ] (L.15) to cry | boxeno cal i ḥila d sëmle abre d cammi acli? ܒܳܟ݂ܶܢܐ ܥܰܠ‌ ܐܝ ܚܝܠܰܐ ܕܣܷܡܠܶܗ ܐܰܒܪܶܗ ܕܥܰܡܡܝ ܐܰܥܠܝ؟ should I cry because my cousin betrayed me? (Q.7,58)

boya ܒܳܝܰܐ (f.), pl. boyat ܒܳܝܰܬ (L.6) paint, dye

boyaṭ, bayṭo ܒܳܝܰܛ، ܒܰܝܛܐ - bëṭle, bëṭla ܒܷܛܠܶܗ، ܒܷܛܠܰܗ [byṭ I ܒܝܛ] (L.13) to blow up, to explode (tr.), to fire (fireworks)

boyaz, bayzo ܒܳܝܰܙ، ܒܰܝܙܐ - bëzle, bëzla ܒܷܙܠܶܗ، ܒܷܙܠܰܗ [byz I ܒܝܙ] to empty, to pour out | bëz! !ܒܷܙ pour out! (G.23)

bramšël ܒܪܰܡܫܷܠ (adv.) (L.14) yesterday evening → ramšo

Briṭanoyo ܒܪܝܛܰܢܳܝܐ Brit → Briṭanya i Rabṯo

Briṭanya i Rabṯo ܒܪܝܛܰܐܢܝܰܐ ܐܝ ܪܰܒܬ݂ܐ (G.19) Great Britain

briṯo ܒܪܝܬ݂ܐ (f.), pl. bëryawoṯe ܒܷܪܝܰܘܳܬ݂ܶܐ (L.18) world

brozo ܒܪܳܙܐ (m.), pl. broze ܒܪܳܙܶܐ (L.23) pig

basro dab broze ܒܰܣܪܐ ܕܰܒ ܒܪܳܙܶܐ pork

→ ḥziro

Bšeriye ܒܫܶܪܝܝܶܐ (Q.9,22) Beşiri, city in the province Batman (South-East Turkey)

buḥono ܒܘܚܳܢܐ (m.), pl. buḥone ܒܘܚܳܢܶܐ ⑴ study ⑵ (pl.) research | ab buḥonayḏe ܐܰܒ ܒܘܚܳܢܰܝܕ݂ܶܗ his research (Q.9,47)

buḥrono ܒܘܚܪܳܢܐ (m.), pl. buḥrone ܒܘܚܪܳܢܶܐ (L.21) exam

bumo ܒܘܡܐ (m.), pl. bume ܒܘܡܶܐ (L.22) owl

buqto ܒܘܩܬܐ (f.), pl. boqoṯe ܒܳܩܳܬ݂ܶܐ (Q.1,70) bundle, bouquet

buṣoyo ܒܘܨܳܝܐ (m.), pl. buṣoye ܒܘܨܳܝܶܐ (Q.9,26) research

byoṭo [Inf. byṭ I ܒܝܛ] (L.13) exploding (tr.), firing (of fireworks) → boyaṭ

bziro ܒܙܝܪܐ, f. bzërto ܒܙܷܪܬܐ, pl. bzire ܒܙܝܪܶܐ (L.19) sown

cade ܥܰܕܶܐ (f.), pl. cadat ܥܰܕܰܬ (L.16) tradition, custom, practice | ac cadani ܐܰܥ ܥܰܕܰܢܝ these customs, these traditions (Q.3,115)

cadi ܥܰܕܝ (adj.) (L.4) usual, normal

cafro ܥܰܦܪܐ (m.), pl. cafrone ܥܰܦܪܳܢܶܐ (L.7) soil, sand

Cäjam ܥܱܔܰܡ (m.) (Q.8,30) Persia

cajizo (adj.), f. cajëzto ܥܰܔܷܙܬܐ, pl. cajize ܥܰܔܝܙܶܐ (Q.5,40) ⑴ bored ⑵ uncomfortable, not feeling well

caksuno ܥܰܟܣܘܢܐ (m.), pl. caksune ܥܰܟܣܘܢܶܐ (L.7) elbow

cal ܥܰܠ (prep.) on | cal mën? ܥܰܠ ܡܷܢ؟ for which reason? why? (L.24)

cal d ܥܰܠ ܕ since, because

cal (+ Suf., G.11b,1-2) | acli ܐܰܥܠܝ on me; acla ܐܰܥܠܰܗ on her; aclayye ܐܰܥܠܰܝܝܶܗ on them

cal u xer ܥܰܠ‌ ܐܘ ܟ݂ܶܝܪ congratulations!

calcolo ܥܰܠܥܳܠܐ (m.), pl. calcole ܥܰܠܥܳܠܐ (L.18) storm, tornado, whirlwind

calofo ܥܰܠܳܦܐ (m.) (G.22) feed

cam (prep.) with, together with |

cam (+ Suf., G.11b,1-2) | acme ܐܰܥܡܶܗ with him; acmayxu ܐܰܥܡܰܝܟ݂ܘ with you (pl.)

cam gabe d (L.20) ܥܰܡ ܓܰܒܶܗ ܕ besides, in addition to, apart from

cam gab + Suf. (L.16) ܥܰܡ ܓܰܒ‍ in addition, besides

cam hani kulle (Q.5,73) ܥܰܡ ܗܰܢܝ ܟܘܠܠܶܗ furthermore, in addition to this

cam ḥbol (Q.5,49) ܥܰܡ ܚܒܳܠ unfortunately

cam ḥḏoḏe (G.18) ܥܰܡ ܚܕ݂ܳܕ݂ܶܐ with each other, together

cam sabro d (L.23) ܥܰܡ ܣܰܒܪܐ ܕ in the hope that

cam u zabno (L.20) ܥܰܡ ܐܘ ܙܰܒܢܐ over time

cämäliye ܥܱܡܱܠܝܝܶܐ (f.), pl. cämäliyat ܥܱܡܱܠܝܝܰܬ (L.14) operation, surgery

camiro ܥܰܡܝܪܐ (adj.), f. camërto ܥܰܡܷܪܬܐ, pl. camire ܥܰܡܝܪܶܐ ⑴ inhabitated | kule mas Suryoye camiro wa ܟܘܠܶܗ ܡܰܣ ܣܘܪܝܳܝܶܐ ܥܰܡܝܪܐ ܘܰܐ it was wholly inhabitated by Arameans/Assyrians (L.19) ⑵ built → comar

cammo ܥܰܡܡܐ (m.), pl. cammone ܥܰܡܡܳܢܶܐ (L.4) uncle (from father's side)

camo ܥܰܡܐ (m.), pl. came ܥܰܡܶܐ (L.19) people | u camayḏe ܐܘ ܥܰܡܰܝܕ݂ܶܗ his people (L.17)

Campari ܟܰܡܦ݁ܰܪܝ (= Kampari, L.24) Campari

camšira ܥܰܡܫܝܪܰܐ, pl. camširat ܥܰܡܫܝܪܰܬ (L.14) (f.) nurse

camṯo (f.), pl. camṯoṯe ܥܰܡܬ݂ܳܬ݂ܶܐ (L.4) aunt (from father's side)

camuqo ܥܰܡܘܩܐ (adj.), f. camëqto ܥܰܡܷܩܬܐ, pl. camuqe ܥܰܡܘܩܶܐ ⑴ deep ⑵ fundamental, in-depth

Cäräbi ܥܱܪܱܒܝ (Q.6,37) Arabic (language) → Caraboyo

Caraboyo ܥܰܪܰܒܳܝܐ (L.19) Arabic (language) → Cäräbi

carquwo ܥܰܪܩܘܘܐ (m.), pl. carquwe ܥܰܪܩܘܘܶܐ (L.7) heel

caskar ܥܰܣܟܰܪ (m., f.), pl. caskar ܥܰܣܟܰܪ, casekër ܥܰܣܶܟܷܪ (Q.7,11) ⑴ (f.) military, army ⑵ (m.) soldier

caskäriye ܥܰܣܟܱܪܝܝܶܐ (f.) military service

casqo ܥܰܣܩܐ (adj.), f. casqo ܥܰܣܩܐ, pl. casqe ܥܰܣܩܶܐ (L.20) difficult

casquṯo ܥܰܣܩܘܬ݂ܐ (f.) (Q.9,23) difficulty, effort → ṣacbuṯo

casro ܥܰܣܪܐ (num.), f. csar ܥܣܰܪ (L.4) ten

caṣriyawoṯe ܥܰܨܪܝܝܰܘܳܬ݂ܶܐ (adv.) (G.18) in the evening → caṣriye

caṣriye ܥܰܨܪܝܝܶܐ (f.) (L.8) ⑴ evening ⑵ in the evening → adcaṣriye, caṣriyawoṯe

catiqo ܥܰܬܝܩܐ (adj.), f. catëqto ܥܰܬܷܩܬܐ, pl. catiqe ܥܰܬܝܩܶܐ (Q.9,69) old, ancient

caṭmo ܥܰܛܡܐ (f.), pl. caṭmoṯe ܥܰܛܡܳܬ݂ܶܐ (L.7) thigh

cawje ܥܰܘܔܶܐ (f.), pl. cawjat ܥܰܘܔܰܬ (L.21) curve

cawodo ܥܰܘܳܕܐ, f. cawadto ܥܰܘܰܕܬܐ, pl. cawode ܥܰܘܳܕܶܐ (G.19) worker, working | cawode ne ܥܰܘܳܕܶܐ ܢܶܐ they are working (L.6) → šaġolo

cäyaša ܥܱܝܰܫܰܐ (f.) (L.20) life, cost of living

cayla ܥܰܝܠܰܐ (f.), pl. caylat ܥܰܝܠܰܬ family | ac caylayḏan ܐܰܥ ܥܰܝܠܰܝܕ݂ܰܢ our families (Q.6,50) → iqarṯo

cayni ܥܰܝܢܝ ⑴ exactly (like) ⑵ same

b cayni zabno (Q.2,33) ܒܥܰܝܢܝ ܙܰܒܢܐ simultaneously, at the same time

cayno ܥܰܝܢܐ (f.), pl. caynoṯe ܥܰܝܢܳܬ݂ܶܐ, cayne ܥܰܝܢܶܐ (L.7) ⑴ eye | gëd ḥozitu b caynayxu ܓܷܕ ܚܳܙܝܬܘ ܒܥܰܝܢܰܝܟ݂ܘ you (pl.) will see with your own eyes (L.22) ⑵ spring

cal ac cayne ܥܰܠ ܐܰܥ ܥܰܝܢܶܐ welcome, with pleasure, alright!

cal cayni ܥܰܠ ܥܰܝܢܝ with pleasure, alright!

caywo ܥܰܝܘܐ (m.), pl. caywe ܥܰܝܘܶܐ (L.18) cloud

cbarto ܥܒܰܪܬܐ (f.), pl. cbaryoṯe ܥܒܰܪܝܳܬ݂ܶܐ (Q.8,35) ⑴ entrance ⑵ entry, access

cboro ܥܒܳܪܐ [Inf. cbr I ܥܒܪ] ⑴ entering, coming in ⑵ entrance | cboro l darbo rišoyo ܥܒܳܪܐ ܠܕܰܪܒܐ ܪܝܫܳܝܐ entering the the main road; (give way!) (L.21) → cobar

cebugro ܥܶܒܘܓܪܐ (m.), pl. cebugre ܥܶܒܘܓܪܶܐ mouse

ceḏo ܥܶܕ݂ܐ (m.), pl. ceḏe ܥܶܕ݂ܶܐ (L.9) festival, holidays | ceḏo brixo! ܥܶܕ݂ܐ ܒܪܝܟ݂ܐ Happy Holiday! (L.13)

Ceḏo Rabo ܥܶܕ݂ܐ ܪܰܒܐ Easter

Ceḏo Zcuro ܥܶܕ݂ܐ ܙܥܘܪܐ Christmas

celoyo ܥܶܠܳܝܐ (adj.), f. celayto ܥܶܠܰܝܬܐ, pl. celoye ܥܶܠܳܝܶܐ high | celayto yo ܥܶܠܰܝܬܐ ܝܐ it (f.) is high (L.6)

cewono ܥܶܘܳܢܐ [Inf. cwn II ܥܘܢ] help, support | u cewonayḏe ܐܘ ܥܶܘܳܢܰܝܕ݂ܶܗ his help (Q.2,17) → mcawan

cezo ܥܶܙܐ (f.), pl. ceze ܥܶܙܶܐ (L.12) goat | hën mac ceze ܗܷܢ ܡܰܥ ܥܶܙܶܐ some goats (Q.7,30)

Cëbroyo ܥܷܒܪܳܝܐ (L.19) ⑴ Hebrew (language) ⑵ Hebrew

cël ܥܷܠ (prep.) (+ m-) above, over → cal, lalcal

cëlmo ܥܷܠܡܐ (m.), pl. cëlme ܥܷܠܡܶܐ ⑴ world ⑵ (sg.) people

Cëlmo Tliṯoyo (L.18) ܥܷܠܡܐ ܬܠܝܬ݂ܳܝܐ Third World

cëlṯo ܥܷܠܬ݂ܐ (f.), pl. celoṯe ܥܶܠܳܬ݂ܶܐ (Q.9,98) reason, cause | i cëlṯo di goluṯaṯṯe ܐܝ ܥܷܠܬ݂ܐ ܕܝ ܓܳܠܘܬ݂ܰܬ݂ܬ݂ܶܗ the reason for their emigration (Q.10,30)

cëmro ܥܷܡܪܐ (m.) (L.4) age = cumro

cënwe ܥܷܢܘܶܐ (pl.), sg. cënwo ܥܷܢܘܐ (L.10) ⑴ grapes ⑵ (sg.) berry

cënwe kome ܥܷܢܘܶܐ ܟܳܡܶܐ black grapes

→ suġlo

Cërnës ܥܷܪܢܷܣ (Q.8,64) Cërnës, village in Turabdin → Cërnësoyo

Cërnësoyo ܥܷܪܢܷܣܳܝܐ, f. Cërnësayto ܥܷܪܢܷܣܰܝܬܐ, pl. Cërnësoye ܥܷܪܢܷܣܳܝܶܐ (Q.8,64) person from the village Cërnës → Cërnës

cëtqo ܥܷܬܩܐ (m.) age (things) → catiqo, cotaq

ciqo ܥܝܩܐ (adj.), f. cëqto ܥܷܩܬܐ, pl. ciqe ܥܝܩܶܐ (L.11) narrow

Ciraq ܥܝܪܰܐܩ (m.) (G.19) Iraq

Ciraqoyo ܥܝܪܰܩܳܝܐ, f. Ciraqayto ܥܝܪܰܩܰܝܬܐ, pl. Ciraqoye ܥܝܪܰܩܳܝܶܐ (G.19) Iraqi

Ciruṯo ܥܝܪܘܬ݂ܐ (f.) (Q.9,88) ⑴ awakening ⑵ name of the first Aramaic/Assyrian national movement → Intibah

cisaqṯo ܥܝܣܰܩܬ݂ܐ (f.), pl. cisaqyoṯe ܥܝܣܰܩܝܳܬ݂ܶܐ (L.16) ring, wedding ring

cito ܥܝܬܐ (f.), pl. citoṯe ܥܝܬܳܬ݂ܶܐ, citawoṯe ܥܝܬܰܘܳܬ݂ܶܐ (L.16) ⑴ church ⑵ church visit ⑶ church service

claymo ܥܠܰܝܡܐ (m.), pl. clayme ܥܠܰܝܡܶܐ (L.11) teenager, young man

claymṯo ܥܠܰܝܡܬ݂ܳܐ (f.), pl. claymoṯe ܥܠܰܝܡܳܬ݂ܶܐ (L.16) teenager, young woman

cmoro ܥܡܳܪܐ [Inf. cmr I ܥܡܪ] (Q.8,39) building | u cmorayḏa ܐܘ ܥܡܳܪܰܝܕ݂ܰܗ its construction, architecture (Q.8,39) → comar

cobar, cëbro ܥܳܒܰܪ، ܥܷܒܪܐ - cabër, cabiro ܥܰܒܷܪ، ܥܰܒܝܪܐ [cbr I ܥܒܪ] to enter, to come in | gëd cëbrina šotina qaḥwa ܓܷܕ ܥܷܒܪܝܢܰܐ ܫܳܬܝܢܰܐ ܩܰܚܘܰܐ we will go inside and have coffee (L.12); me d cabirina li ganṯo gëd ḥozitu kul mede ܡܶܐ ܕܥܰܒܝܪܝܢܰܐ ܠܝ ܓܰܢܬ݂ܐ ܓܷܕ ܚܳܙܝܬܘ ܟܘܠ ܡܶܕܶܐ when we enter the park, you (pl.) will see everything (L.22); d cëbri laḥ ḥuḏre ܕܥܷܒܪܝ ܠܰܚ ܚܘܕ݂ܪܶܐ that they enter associations (Q.9,117)

codilo ܥܳܕܝܠܐ, pl. codile ܥܳܕܝܠܶܐ brother-in-law, husband of wife's sister → damṯo

cojaz, cëjzo ܥܳܔܰܙ، ܥܷܔܙܐ - cajëz, cajizo ܥܰܔܷܙ، ܥܰܔܝܙܐ [cjz I ܥܔܙ] ⑴ to get annoyed, to get angry | ḥëngi cajëzwayno mene ܚܷܢܓܝ ܥܰܔܷܙܘܰܝܢܐ ܡܶܢܶܗ because I had gotten so annoyed with him (Q.7,83) ⑵ to become bored ⑶ to feel uncomfortable, to feel unwell

cole, cëlyo ܥܳܠܶܐ، ܥܷܠܝܐ - cali, calyo ܥܰܠܝ، ܥܰܠܝܐ [cly I ܥܠܝ] to go up, to rise | kocolën am maye day yame ܟܳܥܳܠܷܢ ܐܰܡ ܡܰܝܶܐ ܕܰܝ ܝܰܡܶܐ the sea level rises (L.18)

coliqo ܥܳܠܝܩܐ (m.), pl. coliqe ܥܳܠܝܩܶܐ (L.23) candy made of grape syrup in form of a sausage

comar, cëmro ܥܳܡܰܪ، ܥܷܡܪܐ - camër, camiro ܥܰܡܷܪ، ܥܰܡܝܪܐ [cmr I ܥܡܪ] (L.6) ⑴ to live, to inhabit ⑵ to be built

comër baytux ܥܳܡܷܪ ܒܰܝܬܘܟ݂ thank you

→ camiro

coraq, cërqo ܥܳܪܰܩ، ܥܷܪܩܐ - carëq, cariqo ܥܰܪܷܩ، ܥܰܪܝܩܐ [crq I ܥܪܩ] to run away, to escape → mahzam

coraw, cërwo ܥܳܪܰܘ، ܥܷܪܘܐ - crule, crula ܥܪܘܠܶܗ، ܥܪܘܠܰܗ [crw I ܥܪܘ] (G.20) to sieve coarsely | crawu ܥܪܰܘܘ sieve (pl.)! (G.23)

coṣar, cuṣro ܥܳܨܰܪ، ܥܘܨܪܐ - cṣërle, cṣërla ܥܨܷܪܠܶܗ، ܥܨܷܪܠܰܗ [cṣr I ܥܨܪ] to squeeze, to press, to pressure | cuṣriwaynanne ܥܘܨܪܝܘܰܝܢܰܢܢܶܗ we used to press them (Q.4,16)

cotaq, cëtqo ܥܳܬܰܩ، ܥܷܬܩܐ - catëq, catiqo ܥܰܬܷܩ، ܥܰܬܝܩܐ [ctq I ܥܬܩ] to become old, to become ancient

cowad, cawdo ܥܳܘܰܕ، ܥܰܘܕܐ - cwëdle, cwëdla ܥܘܷܕܠܶܗ، ܥܘܷܕܠܰܗ [cwd I ܥܘܕ] to work | mën kocawdat? ܡܷܢ ܟܳܥܰܘܕܰܬ؟ what kind of work do you do? (L.3); u babo w i emo di iqarṯo kocawdi ܐܘ ܒܰܒܐ ܘܐܝ ܐܶܡܐ ܕܝ ܐܝܩܰܪܬ݂ܐ ܟܳܥܰܘܕ the father and the mother in the family work (L.4) → šoġal

coyaš, cayšo ܥܳܝܰܫ، ܥܰܝܫܐ - cayëš, cayišo ܥܰܝܷܫ، ܥܰܝܝܫܐ [cyš I ܥܝܫ] to live | an abne d ḥoli kocayši bu Swed ܐܰܢ ܐܰܒܢܶܐ ܕܚܳܠܝ ܟܳܥܰܝܫܝ ܒܘ ܣܘܶܕ my cousins (from mother's side) live in Sweden (L.4); b Kafro cayšiwa tmoni iqaryoṯe ܒܟܰܦܪܐ ܥܰܝܫܝܘܰܐ ܬܡܳܢܝ ܐܝܩܰܪܝܳܬ݂ܶܐ eighty families lived in Kafro (Q.2,1)

crayto ܥܪܰܝܬܐ (f.) (Q.3,86) lunch

croḏo (m.), pl. croḏe ܥܪܳܕ݂ܶܐ (L.22) zebra, wild donkey

cruto ܥܪܘܬܐ (f.) Friday

i cruto li ctiḏuṯo ܐܝ ܥܪܘܬܐ ܠܝ ܥܬܝܕ݂ܘܬ݂ܐ Fridays for Future

→ yawmo

csar ܥܣܰܪ (num., f.) ten → casro

cṣoro ܥܨܳܪܐ [Inf. cṣr I ܥܨܪ] (Q.4,30) squeezing, pressing

cudrono ܥܘܕܪܳܢܐ (m.) help, support → cewono

cufoyo ܥܘܦܳܝܐ (m.), pl. cufoye ܥܘܦܳܝܶܐ funeral, burial ceremony | sim u cufoyayḏe ܣܝܡ ܐܘ ܥܘܦܳܝܰܝܕ݂ܶܗ he was buried (in church) (Q.9,123)

culyo ܥܘܠܝܐ (m.), pl. culye ܥܘܠܝܶܐ (L.19) height

cumro ܥܘܡܪܐ age | cumre ܥܘܡܪܶܗ in the age of … (Q.9,4); b cumro nacimo ܒܥܘܡܪܐ ܢܰܥܝܡܐ at a young age (Q.9,13) = cëmro

cuqobo ܥܘܩܳܒܐ (m.), pl. cuqobe ܥܘܩܳܒܶܐ (Q.9,26) studies, research

Cuṯmanoyo ܥܘܬ݂ܡܰܢܳܝܐ, f. Cuṯmanayto ܥܘܬ݂ܡܰܢܰܝܬܐ, pl. Cuṯmanoye ܥܘܬ݂ܡܰܢܳܝܶܐ (Q.9,26) ⑴ Ottoman ⑵ Ottoman (language)

cwodo [Inf. cwd I ܥܘܕ] (L.3) ⑴ work | kul ḥa azze lu cwodayḏe ܟܘܠ ܚܰܐ ܐܰܙܙܶܗ ܠܘ ܥܘܳܕܰܝܕ݂ܶܗ everyone went to their work (L.3) ⑵ working

cwodo mšawtfo (L.24) ܥܘܳܕܐ ܡܫܰܘܬܦܐ collective work

→ cowad, šuġlo

cwono ܥܘܳܢܐ (f.), pl. cwone ܥܘܳܢܶܐ (L.12) ⑴ (f.) female sheep ⑵ (pl.) sheep

čaket ܫ̰ܰܟܶܬ (m.), pl. čaketat ܫ̰ܰܟܶܬܰܬ, čakete ܫ̰ܰܟܶܬܶܐ (L.7) jacket

čanṭa (f.), pl. čanṭat ܫ̰ܰܢܛܰܬ (L.3) bag

čaye ܫ̰ܰܝܶܐ (f.), pl. čayat ܫ̰ܰܝܰܬ (L.23) tea

čike ܫ̰ܝܟܶܐ (adv.) a little bit | qumṯux kiba xud čike ܩܘܡܬ݂ܘܟ݂ ܟܝܒܰܗ ܟ݂ܘܕ ܫ̰ܝܟܶܐ you are so tiny (Q.7,61) → ëšmo²

čimanto ܫ̰ܝܡܰܢܬܐ (f.) (L.6) concrete, cement

Čin ܫ̰ܝܢ (m.) (G.19) China = Ṣin

d ܕ ⑴ (G.10a) genitive particle | šušaye d ḥamro ܫܘܫܰܝܶܐ ܕܚܰܡܪܐ bottle of wine; u bayto d babi ܐܘ ܒܰܝܬܐ ܕܒܰܒܝ my father's house ⑵ relative pronoun | u baytawo d ḥërlan acle ܐܘ ܒܰܝܬܰܘܐ ܕܚܷܪܠܰܢ ܐܰܥܠܶܗ the house that we visited ⑶ (in conditional clauses: G.22b) if | d howewayli zabno ܕܗܳܘܶܘܰܝܠܝ ܙܰܒܢܐ if I had time (L.22); d ṭorënwa mëštace u Afrem ܕܛܳܪܷܢܘܰܐ ܡܷܫܬܰܥܶܐ ܐܘ ܐܰܦܪܶܡ if they had let Afrem play (L.22) ⑷ (G.7a) conjunction | kobac d yolaf u lišono ܟܳܐܒܰܥ ܕܝܳܠܰܦ ܐܘ ܠܝܫܳܢܐ he wants to learn the language; azza li šuqo d zawno cënwe ܐܰܙܙܰܗ ܠܝ ܫܘܩܐ ܕܙܰܘܢܐ ܥܷܢܘܶܐ she went to the market to buy grapes; merle d kobac ḥozelan bu ḥuḏro ܡܷܪܠܶܗ ܕܟܳܐܒܰܥ ܚܳܙܶܠܰܢ ܒܘ ܚܘܕ݂ܪܐ he said that he wanted to meet us in the clubhouse

dado ܕܰܕܐ (f.), pl. dadoṯe ܕܰܕܳܬ݂ܶܐ (L.4) aunt, uncle's wife (from father's side) → cammo

dafo du nawlo ܕܰܦܐ ܕܘ ܢܰܘܠܐ, pl. dafe du nawlo ܕܰܦܶܐ ܕܘ ܢܰܘܠܐ (f.) webpage

daftar ܕܰܦܬܰܪ, pl. däfetër ܕܱܦܶܬܷܪ, daftarat ܕܰܦܬܰܪܰܬ, daftare ܕܰܦܬܰܪܶܐ (L.3) notebook

dahole ܕܰܗܳܠܶܐ (f.), pl. daholat ܕܰܗܳܠܰܬ (L.16) drum | dahole w zërnaye ܕܰܗܳܠܶܐ ܘܙܷܪܢܰܝܶܐ drum and zurna (L.16)

damṯo ܕܰܡܬ݂ܐ (f.), pl. damoṯe ܕܰܡܳܬ݂ܶܐ (L.13) sister-in-law, wife of husband's brother → codilo

danwo ܕܰܢܘܐ (m.), pl. danwe ܕܰܢܘܶܐ (Q.1,46) tail

daqqa ܕܰܩܩܰܐ, pl. daqqat ܕܰܩܩܰܬ (L.8) minute → qaṭënto

darbo ܕܰܪܒܐ (m.), pl. darbe ܕܰܪܒܶܐ, darbone ܕܰܪܒܳܢܶܐ ⑴ road, way, route | bu darbo du yamo ܒܘ ܕܰܪܒܐ ܕܘ ܝܰܡܐ by sea (Q.9,48) ⑵ method

cal u darbo d (Q.5,21) ܥܰܠ ܐܘ ܕܰܪܒܐ ܕ with the help of, through, by

darbo dab bësëkletat (L.21) ܕܰܪܒܐ ܕܰܒ ܒܷܣܷܟܠܶܬܰܬ bicycle path

darbo dam mhalxone (L.21) ܕܰܪܒܐ ܕܰܡ ܡܗܰܠܟ݂ܳܢܶܐ pavement

darbo dar raḏoyoṯe (L.21) ܕܰܪܒܐ ܕܰܪ ܪܰܕ݂ܰܝܳܬ݂ܶܐ road, motorway

darbo du tren (L.21) ܕܰܪܒܐ ܕܘ ܬܪܶܢ railroad track, railway line

darbo ḥiṣo (L.21) ܕܰܪܒܐ ܚܝܨܐ highway, main road

darbo rišoyo (L.21) ܕܰܪܒܐ ܪܝܫܳܝܐ main road

darga ܕܰܪܓܰܐ (f.), pl. dargat ܕܰܪܓܰܬ (Q.3,113) gate

darġo ܕܰܪܓ݂ܐ (m.), pl. darġe ܕܰܪܓ݂ܶܐ (L.8) ⑴ stairs ⑵ degree, level ⑶ position

darḥal ܕܰܪܚܰܠ (adv.) (Q.1,35) immediately → mëḥḏo

darmala ܕܰܪܡܰܠܰܐ (sg./pl., Q.4,42) fatstock

darmono ܕܰܪܡܳܢܐ (m.), pl. darmone ܕܰܪܡܳܢܶܐ (L.14) ⑴ drug, medicine, medication ⑵ cure → beṯ darmone

dastër ܕܰܣܬܷܪ (m.) (Q.6,27) permission

dašëšto ܕܰܫܷܫܬܐ (f.) (L.10) rice pudding

dawġe ܕܰܘܓ݂ܶܐ (pl.) (L.23) ayran, diluted yoghurt

dawmo (f.), pl. dawme ܕܰܘܡܶܐ tree

dawmo du baluṭo (Q.7,4) ܕܰܘܡܐ ܕܘ ܒܰܠܘܛܐ oak, oak tree → baluṭo

dawmo du ceḏo (L.13) ܕܰܘܡܐ ܕܘ ܥܶܕ݂ܐ Christmas tree → ceḏo

daworo ܕܰܘܳܪܐ, f. dawarto ܕܰܘܰܪܬܐ, pl. dawore ܕܰܘܳܪܐ farmer, peasant

dawrënto ܕܰܘܪܷܢܬܐ, pl. dawrënyoṯe ܕܰܘܪܷܢܝܳܬ݂ܶܐ (L.21) roundabout

dawro ܕܰܘܪܐ, pl. dawre ܕܰܘܪܶܐ ⑴ turn, round | dawre d man yo ܕܰܘܪܶܗ ܕܡܰܢ ܝܐ؟ whose turn is it? ⑵ course | dawro du lišono ܕܰܘܪܐ ܕܘ ܠܝܫܳܢܐ language course (L.5) ⑶ role | mën yo u dawro du nawlo baḥ ḥaye yawmoye? ܡܷܢ ܝܐ ܐܘ ܕܰܘܪܐ ܕܘ ܢܰܘܠܐ ܒܰܚ ܚܰܝܶܐ ܝܰܘܡܳܝܶܐ welche Rolle hat das Internet im Alltagsleben?

dawse ܕܰܘܣܶܐ (f.), pl. dawsat ܕܰܘܣܰܬ (Q.4,18) step

dayira ܕܰܝܝܪܰܐ, pl. dayirat ܕܰܝܝܪܰܬ (L.20) flat, apartment

dayira mšawtafto ܕܰܝܝܪܰܐ ܡܫܰܘܬܰܦܬܐ shared apartment

dayno ܕܰܝܳܢܐ, pl. dayne ܕܰܝܢܶܐ (L.19) debt

dayono ܕܰܝܳܢܐ, f. dayanto ܕܰܝܰܢܬܐ, pl. dayone ܕܰܝܳܢܶܐ (L.15) ⑴ judge ⑵ referee

dayrayto ܕܰܝܪܰܝܬܐ (f.), pl. dayroyoṯe ܕܰܝܪܳܝܳܬ݂ܶܐ (Q.8,9) nun

dayro ܕܰܝܪܐ (f.), pl. dayre ܕܰܝܪܶܐ (L.17) monastery

dayro d Mor Marqus (Q.9,51) ܕܰܝܪܐ ܕܡܳܪܝ̱ ܡܰܪܩܘܣ the Syriac Orthodox monastery of St. Markus in Jerusalem

dayro du Zacfäran (Q.9,67) ܕܰܝܪܐ ܕܘ ܙܰܥܦܱܪܰܢ Dayr az-Zaafaran monastery (Syriac Orthodox patriarchate until 1932)

dayroyo ܕܰܝܪܳܝܐ, pl. dayroye ܕܰܝܪܳܝܶܐ (Q.8,8) monk

dayroyuṯo ܕܰܝܪܳܝܘܬ݂ܐ (f.) monasticism

dcar ܕܥܰܪ (L.21) get back, come back! → docar

dcoro ܕܥܳܪܐ [Inf. dcr I ܕܥܪ] ⑴ returning, coming back ⑵ return, way back

deri ܕܶܪܝ (+ time specification) following, next

deri yawmo (L.13) ܕܶܪܝ ܝܰܘܡܐ the following day

dewo ܕܶܘܐ (m.), pl. dewe ܕܶܘܶܐ (L.22) wolf

dëbbo ܕܷܒܒܐ (m.), f. dëbbe ܕܷܒܒܶܐ, pl. dëbbat ܕܷܒܒܐ (L.22) bear

dëqqa ܕܷܩܩܰܐ (f.) (L.22) attention, caution

soyam dëqqa ܣܳܝܰܡ ܕܷܩܩܰܐ to pay attention | ṭro soyam dëqqa ܛܪܐ ܣܳܝܰܡ ܕܷܩܩܰܐ he should pay attention (Q.5,69)

dërto ܕܷܪܬܐ (f.), pl. dërtoṯe ܕܷܪܬܳܬ݂ܶܐ (Q.3,114) yard, walled yard

dësto ܕܷܣܬܐ (m.), pl. dëste ܕܷܣܬܶܐ (Q.3,90) big cooking pot, cooking pan

dëšno ܕܷܫܢܐ (m.), pl. dëšne ܕܷܫܢܶܐ (L.13) gift, present

dibës ܕܝܒܷܣ (m.) grape syrup, grape molasses

diḏ- -ܕܝܕ݂ (+ Suf., G.10b) possessive pronoun | diḏi ܕܝܕ݂ܝ my; dëṯxu ܕܷܬ݂ܟ݂ܘ your (pl.)

diktatoriye ܕܝܟܬܰܬܳܪܝܝܶܐ (f.), pl. diktatoriyat ܕܝܟܬܰܬܳܪܝܝܰܬ (Q.10,68) dictatorship

dilonoiṯ ܕܝܠܳܢܳܐܝܬ݂ (Q.4,63) especially, above all

dilonoyo ܕܝܠܳܢܳܝܐ (adj.), f. dilonayto ܕܝܠܳܢܰܝܬܐ, pl. dilonoye ܕܝܠܳܢܰܝܬܐ (L.3) ⑴ special, particular | mede dilonoyo ܡܶܕܶܐ ܕܝܠܳܢܳܝܐ special feature, something special, particular (Q.5,54) ⑵ own ⑶ private

diloyuṯo ܕܝܠܳܝܘܬ݂ܐ, pl. diloyoṯe quality, property, feature

diloyuṯo qnumayto ܕܝܠܳܝܘܬ݂ܐ ܩܢܘܡܰܝܬܐ private sphere

dirak ܕܝܪܰܟ (m.), pl. dirake ܕܝܪܰܟܶܐ (Q.3,23) transmission tower, power pole, mast

disa ܕܝܣܰܐ (adv.) (L.22) again, once more

dlo ܕܠܐ (prep.) (L.7) without | dlo mini ܕܠܐ ܡܝܢܝ without me (L.7); dlo mënxu ܕܠܐ ܡܷܢܟ݂ܘ without you (pl.) (L.7)

dlo zuze ܕܠܐ ܙܘܙܶܐ for free, free of charge, gratis → magon, bälaš

dmoxo ܕܡܳܟ݂ܐ [Inf. dmx I ܕܡܟ] (L.6) sleeping, sleep → domax

docar, ducro ܕܳܥܰܪ، ܕܘܥܪܐ - dacër, daciro ܕܰܥܷܪ، ܕܰܥܝܪܐ [dcr I ܕܥܪ] to return, to get back | bak kmo këbcat ducrina? ܒܰܟ ܟܡܐ ܟܷܐܒܥܰܬ ܕܘܥܪܝܢܰܐ؟ when shall we go back home? (L.8); inaqla d ducrono mi cito ܐܝܢܰܩܠܰܐ ܕܕܘܥܪܳܢܐ ܡܝ ܥܝܬܐ as soon as I (f.) come back from the church (Q.1,10); ak kallawat daciri acle ܐܰܟ ܟܰܠܠܰܘܰܬ ܕܰܥܝܪܝ ܐܰܥܠܶܗ the money returned to him (Q.6,47); majbur ducriwa ܡܰܔܒܘܪ ܕܘܥܪܝܘܰܐ they had to return (Q.10,78)

dolaq, dëlqo ܕܳܠܰܩ، ܕܷܠܩܐ - dalëq, daliqo ܕܰܠܷܩ، ܕܰܠܝܩܐ [dlq I ܕܠܩ] ⑴ to shine, to flash (intr.) ⑵ to burn (intr.) | lebi dolaqwa aclayye ܠܶܒܝ ܕܳܠܰܩܘܰܐ ܐܰܥܠܰܝܝܶܗ I felt pity for them (Q.10,51)

domax, dëmxo ܕܳܡܰܟ݂، ܕܷܡܟ݂ܐ - damëx, damixo ܕܰܡܷܟ݂، ܕܰܡܝܟ݂ܐ [dmx I ܕܡܟ] (L.7) to sleep | an nacime kodëmxi ܐܰܢ ܢܰܥܝܡܶܐ ܟܳܕܷܡܟ݂ܝ the children are sleeping (L.8.5) → dmoxo

dome, dumyo ܕܳܡܶܐ، ܕܷܡܝܐ - dami, damyo ܕܰܡܝ، ܕܰܡܝܐ [dmy I ܕܡܝ] to resemble, to look similar → šobah

doraš, dëršo ܕܳܪܰܫ، ܕܷܪܫܐ - drëšle, drëšla ܕܪܷܫܠܶܗ، ܕܪܷܫܠܰܗ [drš I ܕܪܫ] ⑴ to study ⑵ to examine | kodëršina ab bëcwoṯe ܟܳܕܷܪܫܝܢܰܐ ܐܰܒ ܒܷܥܘܳܬ݂ܶܐ we are examining the applications (Q.10,6) ⑶ to discuss ⑷ to train → durošo, madrašto

dore, dëryo ܕܳܪܶܐ، ܕܷܪܝܐ - drele, drela ܕܪܶܠܶܗ، ܕܪܶܠܰܗ [dry I ܕܪܝ] to drop (tr.)

dore šlomo ܕܳܪܶܐ ܫܠܳܡܐ to greet | drele šlomo aclayye ܕܪܶܠܶܗ ܫܠܳܡܐ ܐܰܥܠܰܝܝܶܗ he greeted them (L.3)

doro ܕܳܪܐ (m.), pl. dore ܕܳܪܶܐ ⑴ century, age ⑵ time ⑶ generation

doyaq, dayqo ܕܳܝܰܩ، ܕܰܝܩܐ - dëqle, dëqla ܕܷܩܠܶܗ، ܕܷܩܠܰܗ [dyq I ܕܝܩ] ⑴ to press | dëqle acle ܕܷܩܠܶܗ ܐܰܥܠܶܗ he pressured him (Q.7,52) ⑵ to knock ⑶ to ring (tr.) ⑷ to ring (intr.), to chime

druco ܕܪܘܥܐ (f.), pl. drucone ܕܪܘܥܳܢܶܐ (L.7) arm

duglo ܕܘܓܠܐ (f.), pl. dugle ܕܘܓܠܶܐ (Q.2) lies

dukano ܕܘܟܰܢܐ (f.), pl. dukane ܕܘܟܰܢܶܐ (L.4) shop, store

dukano daj jule (L.4) ܕܘܟܰܢܐ ܕܰܔ ܔܘܠܶܐ clothing shop

dukano du dahwo (L.19) ܕܘܟܰܢܐ ܕܘ ܕܰܗܘܐ jewelry shop

dukṯo ܕܘܟܬ݂ܐ (f.), pl. dëkoṯe ܕܷܟܳܬ݂ܶܐ, dukoṯe ܕܘܟܳܬ݂ܶܐ (L.3) place, site, location | l goran di dukṯo ܠܓܳܪܰܐܢ ܕܝ ܕܘܟܬ݂ܐ as traditionally done (Q.4,25); kul dukṯo me diḏi nuqrowa ܟܘܠ ܕܘܟܬ݂ܐ ܡܶܐ ܕܝܕ݂ܝ ܢܘܩܪܳܘܰܐ every part of my body hurt (Q.7,79); koṯe ḥreno l dukṯi ܟܳܐܬ݂ܶܐ ܚܪܶܢܐ ܠܕܘܟܬ݂ܝ someone else comes instead of me (Q.10,50)

dulfino ܕܘܠܦܝܢܐ (m.), pl. dulfine ܕܘܠܦܝܢܶܐ (L.22) dolphine

dumyo ܕܘܡܝܐ (m.) manner, way → šëkël

durošo ܕܘܪܳܫܐ (m.), pl. duroše ܕܘܪܳܫܶܐ (L.3) ⑴ exercise ⑵ training

duroše gušmonoye (L.7) ܕܘܪܳܫܶܐ ܓܘܫܡܳܢܳܝܶܐ physical exercises, gymnastics

ḏarbo ܕ݂ܰܪܒܐ (f.), pl. ḏarbe ܕ݂ܰܪܒܶܐ blow, strike, hit, punch | i ḏarbayḏe ܐܝ ܕ݂ܰܪܒܰܝܕ݂ܶܗ his punch (Q.7,67)

ḏayfo ܕ݂ܰܝܦܐ (m.), pl. ḏayfe ܕ݂ܰܝܦܶܐ (Q.8,12) ⑴ guest ⑵ visitor → socuro

e ܐܶ yes

egarṯo ܐܶܓܰܪܬ݂ܐ (f.), pl. egaryoṯe ܐܶܓܰܪܝܳܬ݂ܶܐ (L.21) letter → maktub

elo ܐܶܠܐ (L.6) but, however

ema ܐܶܡܰܐ when | l ema ܠܐܶܡܰܐ until when (L.24); m ema ܡܐܶܡܰܐ since when (L.24); Oh, ema …? ܐܳܗ، ܐܶܡܰܐ ...؟ oh, how…? (Q.6,75)

e-mail ܐܝܡܰܝܠ, pl. e-mailat ܐܝܡܰܝܠܰܬ (L.4) email

emo ܐܶܡܐ (f.), pl. emoṯe ܐܶܡܳܬ݂ܶܐ (L.4) mother

en ܐܶܢ if

en d ܐܶܢ ܕ if (… then) | en d zërwalxu Ṭurcabdin ܐܶܢ ܕܙܷܪܘܰܠܟ݂ܘ ܛܘܪܥܰܒܕܝܢ if you had visited Turabdin (L.22)

en lo (Q.4,49) ܐܶܢ ܠܐ if not

→ häka, iḏa, ënkan

esfiro ܐܶܣܦܝܪܐ (L.15) ball

esfir iḏo ܐܶܣܦܝܪ ܐܝܕ݂ܐ handball = handbol

esfir reġlo ܐܶܣܦܝܪ ܪܶܓ݂ܠܐ football = futbol

esfir salo ܐܶܣܦܝܪ ܣܰܠܐ basketball = basketbol

esfir ṭëbliṯo ܐܶܣܦܝܪ ܛܷܒܠܝܬ݂ܐ table tennis = pingpong

esoro ܐܶܣܳܪܐ (m.), pl. esore ܐܶܣܳܪܶܐ (L.24) ⑴ connection ⑵ relation ⑶ contact

soyam esore cam ܣܳܝܰܡ ܐܶܣܳܪܶܐ ܥܰܡ to contact smb., to establish contact with smb. | sëmla esore cam yolufe ḥrene ܣܷܡܠܰܗ ܐܶܣܳܪܶܐ ܥܰܡ ܝܳܠܘܦܶܐ ܚܪܶܢܶܐ she made contacts with other students (L.20)

Ënglišoyo ܐܷܢܓܠܝܫܳܝܐ, f. Ënglišayto ܐܷܢܓܠܝܫܰܝܬܐ, pl. Ënglišoye ܐܷܢܓܠܝܫܳܝܶܐ (L.20) ⑴ Englishman, Englishwoman ⑵ English ⑶ (m.sg.) English (language)

ënkan ܐܷܢܟܰܐܢ (L.20) if, in case → en, häka, iḏa

ëšmo¹ ܐܷܫܡܐ (m.), pl. ëšmone ܐܷܫܡܳܢܶܐ name | ëšmi ܐܷܫܡܝ my name (L.3)

ëšmo² (adv.) a little bit

ëšmo ëšmo ܐܷܫܡܐ ܐܷܫܡܐ gradually, over time → hedi hedi

→ čike

ëšqaḏ ܐܷܫܩܰܕ݂ (adv.) (L.20) last year

ëšti ܐܷܫܬܝ (num.) (L.9) sixty

ëšto ܐܷܫܬܐ (num.), f. šeṯ ܫܶܬ݂ (L.8) six

ëšwëṭ ܐܷܫܘܷܛ (L.9) February

ëzze, ëzza ܐܷܙܙܶܗ، ܐܷܙܙܰܗ - azze, azza ܐܰܙܙܶܗ، ܐܰܙܙܰܗ [ʾzy/ʾzl I ܐܙܠ] to go, to go away | kul ḥa azze lu cwodayḏe ܟܘܠ ܚܰܐ ܐܰܙܙܶܗ ܠܘ ܥܘܳܕܰܝܕ݂ܶܗ everyone went to their work (L.3); kiban ḥeloyo ëzzan ܟܝܒܰܢ ܚܶܠܳܝܐ ܐܷܙܙܰܢ we can go early (L.8); kazzi mjarballe ܟܰܐܙܙܝ ܡܔܰܪܒܰܠܠܶܗ I will go and try it (the dress) on (L.11.6); qëm, zan! ܩܷܡ، ܙܰܢ! come on, let's go! (L.11.6); zano! !ܙܰܢܐ let's go! (Q.7,56); ëzze w oṯewa ܐܷܙܙܶܗ ܘܐܳܬ݂ܶܘܰܐ he went back and forth (?) (L.21); kazzino li cito ܟܰܐܙܙܝܢܐ ܠܝ ܥܝܬܐ I am going to the church (Q.1,5); azze lebe l ܐܰܙܙܶܗ ܠܶܒܶܗ ܠ‍ he craved for (Q.1,19); zux marke ܙܘܟ ܡܰܪܟܶܐ go away! (Q.1,66); nošo lazze laf ele ܢܳܫܐ ܠܰܐܙܙܶܗ ܠܰܦ ܐܶܠܶܗ no one came to help him (Q.2,45); layban ëzzan laq qayse ܠܰܝܒܰܢ ܐܷܙܙܰܢ ܠܰܩ ܩܰܝܣܶܐ we cannot go to collect wood (Q.3,41); azzano bu muklo w tacina ruḥan ܐܰܙܙܰܢܐ ܒܘ ܡܘܟܠܐ ܘܛܰܥܝܢܰܐ ܪܘܚܰܢ we indulged with our food and forgot about the time (Q.7,23) → mazlo, mitawzal, mizal

fabriqa ܦܰܒܪܝܩܰܐ (f.), pl. fabriqat ܦܰܒܪܝܩܰܬ factory | i fabriqa d këtyo b Mëḏyaḏ ܐܝ ܦܰܒܪܝܩܰܐ ܕܟܷܬܝܐ ܒܡܷܕ݂ܝܰܕ݂ the wine factory which is located in Midyat (Midyat Shiluh Süryani Şarapçılık) (Q.4,60)

Facebook ܦܰܝܣܒܘܟ (L.24) Facebook

fahdo ܦܰܗܕܐ (m.), pl. fahde ܦܰܗܕܶܐ (L.22) leopard, panther

falgo ܦܰܠܓܐ (m.), pl. falge ܦܰܠܓܶܐ ⑴ half ⑵ middle | b falge d ܒܦܰܠܓܶܗ ܕ in the middle of (L.19)

falge d yawmo ܦܰܠܓܶܗ ܕܝܰܘܡܐ midday

falqo ܦܰܠܩܐ (m.), pl. falqe ܦܰܠܩܶܐ (L.4) piece, portion, part | falqe rišoye ܦܰܠܩܶܐ ܪܝܫܳܝܶܐ main parts (L.7)

fanera ܦܰܢܶܪܰܐ (f.), pl. fanerat ܦܰܢܶܪܰܬ (L.11) sweater

faqiro ܦܰܩܝܪܐ (adj.), f. faqërto ܦܰܩܷܪܬܐ, pl. faqire ܦܰܩܝܪܶܐ poor, wretched | u faqiro d Šamcën ܐܘ ܦܰܩܝܪܐ ܕܫܰܡܥܷܢ poor Šamcën (Q.7,49)

farṣufo ܦܰܪܨܘܦܐ (m.), pl. farṣufe ܦܰܪܨܘܦܶܐ (L.15) person, human being → šaxṣ

fasqo ܦܰܣܩܐ (m.), pl. fasqe ܦܰܣܩܶܐ (Q.4,22) rotten berries

faṣuliye ܦܰܨܘܠܝܝܶܐ (f.) (Q.3,93) (white) beans

faṭëryarxuṯo ܦܰܛܷܪܝܰܪܟ݂ܘܬ݂ܐ (f.) (Q.8,25) patriarchate (church)

fayëš ܦܰܝܷܫ (not) anymore | nošo lo foraqwa fayëš d latyo Berlinayto ܢܳܫܐ ܠܐ ܦܳܪܰܩܘܰܐ ܦܰܝܷܫ ܕܠܰܬܝܐ no one noticed anymore that she is not a Berliner (L.20); casqo yo fayëš ܥܰܣܩܐ ܝܐ ܦܰܝܷܫ it became difficult (L.24) → foyaš, lo

femo ܦܶܡܐ (m.), pl. feme ܦܶܡܶܐ (L.7) mouth

feqoso ܦܶܩܳܣܐ [fqs II ܦܩܣ] applauding, applause, cheers → mfaqas

ferojo ܦܶܪܳܔܐ [frj II ܦܪܔ] observing, observation, watching → mfaraj

fëclo ܦܷܥܠܐ (m.), pl. fëcle ܦܷܥܠܶܐ (L.9) worker | af fëclayḏe ܐܰܦ ܦܷܥܠܰܝܕ݂ܶܗ his workers (Q.3,85)

fëlim ܦܷܠܝܡ (m.), pl. fëlime ܦܷܠܝܡܶܐ, fëlimat ܦܷܠܝܡܰܬ ⑴ film ⑵ X-ray image

fërco ܦܷܪܥܳܐ (m.), pl. fërce ܦܷܪܥܐ department, discipline, branch | fërce d yulfono ܦܷܪܥܶܐ ܕܝܘܠܦܳܢܐ fields of study (L.20)

fërṣa ܦܷܪܨܰܐ (f.), pl. fërṣat ܦܷܪܨܰܬ (L.24) possibility, chance

fësṭan ܦܷܣܛܰܐܢ (m.), pl. fësṭanat ܦܷܣܛܰܢܰܬ (L.11) dress

fëtqo ܦܷܬܩܐ (m.), pl. fëtqe ܦܷܬܩܶܐ (L.15) ticket, pass

fëtqo di mëštuṯo ܦܷܬܩܐ ܕܝ ܡܷܫܬܘܬ݂ܐ wedding card → qart

fëtyuno ܦܷܬܝܘܢܐ (m.), pl. fëtyune ܦܷܬܝܘܢܶܐ (L.15) tap, faucet

filo ܦܝܠܐ (m.), pl. file ܦܝܠܶܐ (L.22) elephant

firo ܦܝܪܐ (m.), pl. fire ܦܝܪܶܐ (L.10) ⑴ fruit ⑵ priests' headdress (kippa)

flan ܦܠܰܐܢ (Q.10,76) such-and-such

fniṯo ܦܢܝܬ݂ܐ, pl. fënyoṯe ܦܷܢܝܳܬ݂ܶܐ (L.19) province, region, compass direction | i fniṯayḏan ܐܝ ܦܢܝܬ݂ܰܝܕ݂ܰܢ our region (Q.4,3)

foham, fëhmo ܦܳܗܰܡ، ܦܷܗܡܐ - fahëm, fahimo ܦܰܗܷܡ، ܦܰܗܝܡܐ [fhm I ܦܗܡ] to understand | këbcono fëhmanne inaqla d howina cam ḥḏoḏe ܟܷܐܒܥܳܢܐ ܦܷܗܡܰܢܢܶܗ ܐܝܢܰܩܠܰܐ ܕܗܳܘܝܢܰܐ ܥܰܡ ܚܕ݂ܳܕ݂ܶܐ I want to understand them when we are together (L.5)

folaḥ, fëlḥo ܦܳܠܰܚ، ܦܷܠܚܐ - flëḥle, flëḥla ܦܠܷܚܠܶܗ، ܦܠܷܚܠܰܗ [flḥ I ܦܠܚ] (Q.9,85) to work, to volunteer → fulḥono

folat, fëlto ܦܳܠܰܬ، ܦܷܠܬܐ - falët, falito ܦܰܠܷܬ، ܦܰܠܝܬܐ [flt I ܦܠܬ] to escape, to survive | falëtlux kaččëke ܦܰܠܷܬܠܘܟ݂ ܟܰܫ̰ܫ̰ܷܟܶܐ one of your daughters has survived (Q.6,64)

foliṭiqoro ܦܳܠܝܛܝܩܳܪܐ, f. foliṭiqarto ܦܳܠܝܛܝܩܰܪܬܐ, pl. foliṭiqore ܦܳܠܝܛܝܩܳܪܶܐ (G.19) politician

foqёcṯo ܦܳܩܷܥܬ݂ܳܐ, pl. foqëcyoṯe ܦܳܩܷܥܝܳܬ݂ܶܐ (L.13) firecracker, fireworks → mfarqac

foraq, fërqo ܦܳܪܰܩ، ܦܷܪܩܐ - frëqle, frëqla ܦܪܷܩܠܶܗ، ܦܪܷܩܠܰܗ [frq I ܦܪܩ] to notice, to recognize | nošo lo foraqwa fayëš d latyo Berlinayto ܢܳܫܐ ܠܐ ܦܳܪܰܩܘܰܐ ܦܰܝܷܫ ܕܠܰܬܝܐ ܒܶܪܠܝܢܰܝܬܐ no one noticed anymore that she is not a Berliner (L.20); d lo fërqo b mede ܕܠܐ ܦܷܪܩܐ ܒܡܶܕܶܐ so that she does not notice anything (Q.1,22); fërqowayno ܦܷܪܩܳܘܰܝܢܐ I (f.) noticed (Q.10,64); koforaq bi duglo xayifo ܟܳܦܳܪܰܩ ܒܝ ܕܘܓܠܐ ܟ݂ܰܝܝܦܐ he immediately recognizes the lies (Q.10,66)

foras, fërso ܦܳܪܰܣ، ܦܷܪܣܐ - frësle, frësla ܦܪܷܣܠܶܗ، ܦܪܷܣܠܰܗ [frs I ܦܪܣ] (L.24) ⑴ to spread out ⑵ to publish, to post | kofërsi medone baṭile ܟܳܦܷܪܣܝ ܡܶܕܳܢܶܐ ܒܰܛܝܠܶܐ they post meaningless things (Q.5,61)

foraš, fëršo ܦܳܪܰܫ، ܦܷܪܫܐ - frëšle, frëšla ܦܪܷܫܠܶܗ، ܦܪܷܫܠܰܗ [frš I ܦܪܫ] (L.3) to separate, to sort | kofëršo ste at tëġme daj jule me ḥḏoḏe ܟܳܦܷܪܫܐ ܣܬܶܐ ܐܰܬ ܬܷܓ݂ܡܶܐ ܕܰܔ ܔܘܠܶܐ ܡܶܐ ܚܕ݂ܳܕ݂ܶܐ she also keeps the different kinds of clothes sorted (L.11); bëṯër kofëršalle lag gawne ܒܷܬ݂ܷܪ ܟܳܦܷܪܫܰܠܠܶܗ ܠܰܓ ܓܰܘܢܶܐ then she sorts them according to colour (L.11)

forax, fërxo ܦܳܪܰܟ݂، ܦܷܪܟ݂ܐ - frëxle, frëxla ܦܪܷܟ݂ܠܶܗ، ܦܪܷܟ݂ܠܰܗ [frx I ܦܪܟ] ⑴ to rub ⑵ to massage ⑶ to crumble ⑷ to grate

fošar, fëšro ܦܳܫܰܪ، ܦܷܫܪܐ - fašër, faširo ܦܰܫܷܪ، ܦܰܫܝܪܐ [fšr I ܦܫܪ] to melt (intr.) | kofošar u gliḏo ܦܳܫܰܪ ܐܘ ܓܠܝܕ݂ܐ the ice melts (L.18)

fotaḥ, fëtḥo ܦܳܬܰܚ، ܦܷܬܚܐ - ftëḥle, ftëḥla ܦܬܷܚܠܶܗ، ܦܬܷܚܠܰܗ [ftḥ I ܦܬܚ] to open, to open up, to found, to establish | hënne ftëḥḥe dukano ܗܷܢܢܶܐ ܦܬܷܚܚܶܗ ܕܘܟܰܢܐ they opened a shop (L.19); moḥewa maṭro … xud ḥa fotëḥ feme du gawdo ܡܳܚܶܘܰܐ ܡܰܛܪܐ ... ܟ݂ܘܕ ܚܰܐ ܦܳܬܷܚ ܦܶܡܶܗ ܕܘ ܓܰܘܕܐ it was really coming down out there! (lit. it rained so strong, as if someone opened a gawdo, a dried animal sking bag used for making butter) (Q.3,4) → ftiḥo, futoḥo

foṯo ܦܳܬ݂ܐ, pl. foṯoṯe ܦܳܬ݂ܳܬ݂ܶܐ (L.7) ⑴ face | foṯo b foṯo ܦܳܬ݂ܐ ܒܦܳܬ݂ܐ face to face (L.24); täläfon foṯo b foṯo ܬܱܠܱܦܳܢ ܦܳܬ݂ܐ ܒܦܳܬ݂ܐ video telephony (L.24) ⑵ side

foyar, fayro ܦܳܝܰܪ، ܦܰܝܪܐ - fayër, fayiro ܦܰܝܷܪ، ܦܰܝܝܪܐ [fyr I ܦܝܪ] to fly | gëd fayritu bi ṭayasto msawyo l Omiḏ ܓܷܕ ܦܰܝܪܝܬܘ ܒܝ ܛܰܝܰܣܬܐ ܡܣܰܘܝܐ ܠܐܳܡܝܕ݂ you (pl.) will fly directly to Diyarbakir (L.17)

foyaš, fayšo ܦܳܝܰܫ، ܦܰܝܫܐ - fayëš, fayišo ܦܰܝܷܫ، ܦܰܝܝܫܐ [fyš I ܦܝܫ] (L.12) ⑴ to stay, to remain | fayëš mede? ܦܰܝܷܫ ܡܶܕܶܐ؟ is something missing? (L.12); fëš bë šlomo ܦܷܫ ܒܷܫܠܳܡܐ goodbye! (farewell expression sg.) (L.3); kofoyëš lu goran d ܟܳܦܳܝܷܫ ܠܘ ܓܳܪܰܐܢ ܕ it depends (on …) (Q.4,46) ⑵ to be situated | bu garbyo kofayšo Ḥësno d Kifo ܒܘ ܓܰܪܒܝܐ ܟܳܦܰܝܫܐ ܚܷܣܢܐ ܕܟܝܦܐ Hasankeyf is situated in the north (L.17) ⑶ to reside | foyašwa bu qaraqol ܦܳܝܰܫܘܰܐ ܒܘ ܩܰܪܰܩܳܠ ܕܝ ܩܪܝܬ݂ܰܝܕ݂ܰܢ he was stationed in the police station (in our village) (Q.7,93)

foyašle, foyašla ܦܳܝܰܫܠܶܗ، ܦܳܝܰܫܠܰܗ - fayëšle, fayëšla ܦܰܝܷܫܠܶܗ، ܦܰܝܷܫܠܰܗ [fyš I ܦܝܫ] (+ L-Suf.) to be left over (for smb.), to remain (for smb.) | fayëšle yo ܦܰܝܷܫܠܶܗ ܝܐ he got away with it (Q.7,96)

foyat, fayto ܦܳܝܰܬ، ܦܰܝܬܐ - fayët, fayito ܦܰܝܷܬ، ܦܰܝܝܬܐ [fyt I ܦܝܬ] ⑴ to pass by ⑵ to pass, to go by ⑶ to cross, to go across | kofayti l Amerika ܟܳܦܰܝܬܝ ܠܐܰܡܶܪܝܟܰܐ they go across to America (Q.6,14)

fquḏ ܦܩܘܕ݂, pl. fquḏu ܦܩܘܕ݂ܘ [fqḏ I ܦܩܕ] (L.10) please!

Fransa ܦܪܰܢܣܰܐ (G.19) France

Fransoyo ܦܪܰܢܣܳܝܐ, f. Fransayto ܦܪܰܢܣܰܝܬܐ, pl. Fransoye ܦܪܰܢܣܳܝܶܐ (G.19) ⑴ French ⑵ Frenchman, Frenchwoman

frišo ܦܪܝܫܐ (adj.), f. frëšto ܦܪܷܫܬܐ, pl. friše ܦܪܝܫܶܐ (L.7) ⑴ separate ⑵ special, different | woliṯo frëšto ܘܳܠܝܬ݂ܐ ܦܪܷܫܬܐ specific function (L.7)

fsoso ܦܣܳܣܐ (m.), pl. fsose ܦܣܳܣܶܐ approval, permit

fsoso lu tëcmiro (L.6) ܦܣܳܣܐ ܠܘ ܬܷܥܡܝܪܐ building permit

fṣiḥoyo ܦܨܝܚܳܝܐ, f. fṣiḥayto ܦܨܝܚܰܝܬܐ, pl. fṣiḥoye ܦܨܝܚܳܝܶܐ (L.12) happy, glad → fṣiḥuṯo, mëfṣaḥ

fṣiḥuṯo ܦܨܝܚܘܬ݂ܐ (f.), pl. fṣëḥwoṯe ܦܨܷܚܘܳܬ݂ܶܐ (L.12) joy, happiness

bë fṣiḥuṯo (Q.8,66) ܒܷܦܨܝܚܘܬ݂ܐ gladly, with pleasure

fšiṭo ܦܫܝܛܐ, f. fšëṭto ܦܫܷܛܬܐ, pl. fšiṭe ܦܫܝܛܶܐ (Q.5,29) simple, easy

ftiḥo ܦܬܝܚܐ, f. ftëḥto ܦܬܷܚܬܐ, pl. ftiḥe ܦܬܝܚܶܐ (L.11) open

ftilo ܦܬܝܠܐ (m.), pl. ftile ܦܬܝܠܶܐ (L.12) heyball

fuḥomo ܦܘܚܳܡܐ, pl. fuḥome ܦܘܚܳܡܶܐ (L.20) ⑴ comparison ⑵ (pl.) grade, mark, grade point, evaluation

moyad fuḥome ܡܳܝܰܕ ܦܘܚܳܡܶܐ to receive grades | kul naqla maydowa fuḥome ṭawwe ܟܘܠ ܢܰܩܠܰܐ ܡܰܝܕܳܘܰܐ ܦܘܚܳܡܶܐ ܛܰܘܘܶܐ she always received good grades (L.20)

obe fuḥome ܐܳܒܶܐ ܦܘܚܳܡܶܐ to evaluate, to assess, to grade, to give grades

fujo ܦܘܔܐ (m.), pl. fuje ܦܘܔܶܐ melon (all but watermelon) → žäbaše

fulḥono ܦܘܠܚܳܢܐ (m.), pl. fulḥone ܦܘܠܚܳܢܶܐ work, activity | fulḥono foliṭiqoyo ܦܘܠܚܳܢܐ ܦܳܠܝܛܝܩܳܝܐ political activity (Q.9,97)

funoyo ܦܘܢܳܝܐ (m.), pl. funoye ܦܘܢܳܝܶܐ (Q.10,85) answer → mfane

furšono ܦܘܪܫܢܐ, pl. furšone ܦܘܪܫܳܢܶܐ difference, distinction | layt furšono ܠܰܝܬ ܦܘܪܫܳܢܐ it does not matter; it makes no difference; no problem! (L.23)

fusqono ܦܘܣܩܳܢܐ (m.), pl. fusqone ܦܘܣܩܳܢܶܐ (Q.10,45) judgment, decision

obe fusqono to decide, to resolve | huwe fusqono ܗܘܘܶܗ ܦܘܣܩܳܢܐ they decided, they reached the decision (L.19) → obe

futbol ܦܘܬܒܳܠ (L.15) football → ṭëbbe

futoḥo ܦܘܬܳܚܐ (m.), pl. futoḥe ܦܘܬܳܚܶܐ opening, opening ceremony | u futoḥayḏa ܐܘ ܦܘܬܳܚܰܝܕ݂ܰܗ its (f.) opening ceremony (Q.8,71)

fyošo ܦܝܳܫܐ [Inf. fyš I ܦܝܫ] staying, stay → foyaš

gab ܓܰܒ (prep.) ⑴ by, near ⑵ towards

gab (+ Suf., G.11b) | gabi ܓܰܒܝ by me; gaban/gabayna ܓܰܒܰܢ ؛ ܓܰܒܰܝܢܰܐ by us; gabayye ܓܰܒܰܝܝܶܗ by them

gabo ܓܰܒܐ (m.), pl. gabe ܓܰܒܶܐ ⑴ side, direction | u gabano ܐܘ ܓܰܒܰܢܐ this side (L.11); gabo ḥreno ܓܰܒܐ ܚܪܶܢܐ the other side (L.21) ⑵ party (political)

me gabo (Q.9,113) ܡܶܐ ܓܰܒܐ on the one hand

me gabo ḥreno ste (Q.9,114) ܡܶܐ ܓܰܒܐ ܚܪܶܢܐ ܣܬܶܐ on the other hand

gabula ܓܰܒܘܠܰܐ (f.) (L.23) Gabula, Aramean/Assyrian dish made of wheat grain und buttermilk

gado ܓܰܕܐ (m.) (L.22) ⑴ luck ⑵ destiny

galdo ܓܰܠܕܐ (m.), pl. galde ܓܰܠܕܶܐ (L.7) ⑴ skin, hide ⑵ leather

galuḏo ܓܰܠܘܕ݂ܐ (adj.), f. galëḏto ܓܰܠܷܕ݂ܬܐ, pl. galuḏe ܓܰܠܘܕ݂ܶܐ (L.18) frozen

galwoyo ܓܰܠܘܳܝܐ, f. galwayto ܓܰܠܘܰܝܬܐ, pl. galwoye ܓܰܠܘܳܝܶܐ refugee, immigrant

i ṣbuṯo dag galwoye (Q.10,5) ܐܝ ܨܒܘܬ݂ܐ ܕܰܓ ܓܰܠܘܳܝܶܐ matters concerning refugees

gamlo (f.), pl. gamle ܓܰܡܠܶܐ (L.22) camel

ganono ܓܰܢܳܢܐ, f. gananto ܓܰܢܰܢܬܐ, pl. ganone ܓܰܢܳܢܶܐ (G.19) gardener → ganṯo

ganṯo ܓܰܢܬ݂ܐ (f.), pl. ganoṯe ܓܰܢܳܬ݂ܶܐ (L.6) garden, park

ganṯo daḥ ḥäyewën ܓܰܢܬ݂ܐ ܕܰܚ ܚܱܝܶܘܷܢ zoo, animal park

garbyo ܓܰܪܒܝܐ (m.) (L.19) north

garmo ܓܰܪܡܐ (m.), pl. garme ܓܰܪܡܶܐ (L.8,5) bone

garošo daṣ ṣërtoṯe ܓܰܪܳܫܐ ܕܰܨ ܨܷܪܬܳܬ݂ܶܐ, f. garašto ܓܰܪܰܫܬܐ, pl. garoše ܓܰܪܳܫܶܐ (L.19) photographer

gawdo ܓܰܘܕܐ (m.), pl. gawde ܓܰܘܕܐ butterskin, wineskin

gawiro ܓܰܘܝܪܐ (adj.), f. gawërto ܓܰܘܷܪܬܐ, pl. gawire ܓܰܘܝܪܶܐ (L.8.2) married

gawloco du lebo ܓܰܘܠܳܥܐ ܕܘ ܠܶܒܐ [Inf. gwlc ܓܘܠܥ] (L.14) ⑴ nausea ⑵ disgust

gawno ܓܰܘܢܐ (m.), pl. gawne ܓܰܘܢܶܐ (L.9) colour

gawo ܓܰܘܐ, pl. gawe ܓܰܘܶܐ (L.7) ⑴ belly ⑵ inner part | gawa di dukano ܓܰܘܰܗ ܕܝ ܕܘܟܰܢܐ inside of the store (L.11) ⑶ (pl.) offal

b gawe d ܒܓܰܘܶܗ ܕ ⑴ within ⑵ inside

gawonoiṯ ܓܰܘܳܢܳܐܝܬ݂ (adv.) (Q.9,35) generally, in general

gawoyo ܓܰܘܳܝܐ (adj.), f. gawayto ܓܰܘܰܝܬܐ, pl. gawoye ܓܰܘܳܝܶܐ (L.7) ⑴ inner, interior ⑵ inside-

gawro ܓܰܘܪܐ (m.), pl. gawre ܓܰܘܪܶܐ (L.4) man, husband | u gawrayḏa ܐܘ ܓܰܘܪܰܝܕ݂ܰܗ her husband (L.23) → zlam

gḏayto ܓܕ݂ܰܝܬܐ (f.), pl. gyoṯe ܓܝܳܬ݂ܶܐ (L.12) chicken, hen

gḏono ܓܕ݂ܳܢܐ (m.), pl. gḏone ܓܕ݂ܳܢܶܐ (Q.4,32) a larger clay jug (for water, wine)

gelo ܓܶܠܐ (m.), pl. gelone ܓܶܠܳܢܶܐ (L.12) grass

gëdšo ܓܷܕܫܳܐ (m.), pl. gёdše ܓܷܕܫܶܐ (L.13) accident

soyam gëdšo ܣܳܝܰܡ ܓܷܕܫܐ to have an accident, to cause an accident | u Barṣawmo sëmle gëdšo di raḏayto ܐܘ ܒܰܪܨܰܘܡܐ ܣܷܡܠܶܗ ܓܷܕܫܐ ܕܝ ܪܰܕ݂ܰܝܬܐ Barṣawmo got in a car accident (L.21)

gëlyonoruṯo ܓܷܠܝܘܢܳܪܘܬ݂ܐ (f.) journalism

gëlyunoro ܓܷܠܝܘܢܳܪܐ, f. gëlyunarto ܓܷܠܝܘܢܰܪܬܐ, pl. gëlyunore ܓܷܠܝܘܢܳܪܶܐ (G.19) journalist

gërwo ܓܷܪܘܐ (m.), pl. gërwe ܓܷܪܘܶܐ (L.11) sock, stocking

gëšro ܓܷܫܪܐ (m.), pl. gëšre ܓܷܫܪܶܐ (Q.9,106) bridge

gihano ܓܝܗܰܢܐ (f.) hell

gliḏo ܓܠܝܕ݂ܐ (L.18) ice → golaḏ

goḥak, guḥko ܓܳܚܰܟ، ܓܘܚܟܐ - gaḥëk, gaḥiko ܓܰܚܷܟ، ܓܰܚܝܟܐ [gḥk I ܓܚܟ] to laugh = goḥax

goḥax, guḥxo ܓܳܚܰܟ݂، ܓܘܚܟ݂ܐ - gaḥëx, gaḥixo ܓܰܚܷܟ݂، ܓܰܚܝܟ݂ܐ [gḥx I ܓܚܟ݂] to laugh

goḥax cal (Q.2,11) ܓܳܚܰܟ݂ ܥܰܠ to laugh at smb. | guḥxiwa acle ܓܘܚܟ݂ܝܘܰܐ ܐܰܥܠܶܗ they made fun of him, they mocked him (Q.1,50)

= goḥak

golaḏ, gulḏo ܓܳܠܰܕ݂، ܓܘܠܕ݂ܐ - galëḏ, galiḏo ܓܰܠܷܕ݂، ܓܰܠܝܕ݂ܐ [glḏ I ܓܠܕ] to freeze (intr.) | am maye galiḏiwa ܐܰܡ ܡܰܝܶܐ ܓܰܠܝܕ݂ܝܘܰܐ the water froze (Q.1,85) → gliḏo

gole, gulyo ܓܳܠܶܐ، ܓܘܠܝܐ - glele, glela ܓܠܶܠܶܗ، ܓܠܶܠܰܗ [gly I ܓܠܝ] to reveal, to unveil | ak kasyoṯo komëglën ܐܰܟ ܟܰܣܝܳܬ݂ܐ ܟܳܡܷܓܠܷܢ the secrets are exposed (Q.5,56)

gomušo ܓܳܡܘܫܐ (m.), pl. gomuše ܓܳܡܘܫܶܐ (L.22) buffalo

gonaw, gunwo ܓܳܢܰܘ، ܓܘܢܘܐ - gnule, gnula ܓܢܘܠܶܗ، ܓܢܘܠܰܗ [gnw I ܓܢܘ] to steal

goran ܓܳܪܰܐܢ (m.) manner, way

l goran d ܠܓܳܪܰܐܢ ܕ according to, in accordance with | l goran di dukṯo ܠܓܳܪܰܐܢ ܕܝ ܕܘܟܬ݂ܐ as traditionally done (Q.4,25)

goraš, guršo ܓܳܪܰܫ، ܓܘܪܫܐ - grëšle, grëšla ܓܪܷܫܠܶܗ، ܓܪܷܫܠܰܗ [grš I ܓܪܫ] to pull | komoyad u ḥawlo w kogorašle ܟܳܡܳܝܰܕ ܐܘ ܚܰܘܠܐ ܘܟܳܓܳܪܰܫܠܶܗ he takes the rope and pulls it (L.22); gorašwa casquṯo ܓܳܪܰܫܘܰܐ ܥܰܣܩܘܬ݂ܐ he had difficulties (Q.9,23); grëšla ṣacbuṯo ܓܪܷܫܠܰܗ ܨܰܥܒܘܬ݂ܐ she experienced difficulties (L.20)

gowar, gawro ܓܳܘܰܪ، ܓܰܘܪܐ - gawër, gawiro ܓܰܘܷܪ، ܓܰܘܝܪܐ [gwr I ܓܘܪ] (L.16) to marry, to get married | gëd gawrina ܓܷܕ ܓܰܘܪܝܢܰܐ we will get married (Q.6,67)

goyaš, gayšo ܓܳܝܰܫ، ܓܰܝܫܐ - gёšle, gёšla ܓܷܫܠܶܗ، ܓܷܫܠܰܗ [gyš I ܓܝܫ] to touch

grošo ܓܪܳܫܐ [Inf. grš I ܓܪܫ] pulling

grošo d admo ܓܪܳܫܐ ܕܐܰܕܡܐ blood collection

→ goraš

gud ܓܘܕ (L.22) if, in case = en, iḏa, häka

gudo ܓܘܕܐ (f.), pl. gude ܓܘܕܶܐ (L.15) ⑴ group ⑵ team ⑶ church choir ⑷ band (music) ⑸ desk (in the church for the choir)

gumrukči ܓܘܡܪܘܟܫ̰ܝ, f. gumrukčiye ܓܘܡܪܘܟܫ̰ܝܝܶܐ, pl. gumrukčiye ܓܘܡܪܘܟܫ̰ܝܝܶܐ (G.19) customs officer

gumṯo ܓܘܡܬ݂ܐ (f.), pl. gumoṯe ܓܘܡܳܬ݂ܶܐ (Q.6,2) weaving loom

gurno ܓܘܪܢܐ (m.), pl. gurne ܓܘܪܢܶܐ ⑴ basin, tub ⑵ mortar

gurno du ḥyofo ܓܘܪܢܐ ܕܘ ܚܝܳܦܐ bathtub

gurno du sḥoyo (Q.1,37) ܓܘܪܢܐ ܕܘ ܣܚܳܝܐ bathtub

gurno du tešiġo (L.6) ܓܘܪܢܐ ܕܘ ܬܶܫܝܓ݂ܐ sink, washbasin

gušmo ܓܘܫܡܐ (m.), pl. gušme ܓܘܫܡܶܐ body

gušmonoyo ܓܘܫܡܳܢܳܝܐ (adj.), f. gušmonayto ܓܘܫܡܳܢܰܝܬܐ, pl. gušmonoye ܓܘܫܡܳܢܳܝܶܐ (L.15) ⑴ physical, bodily ⑵ body-

gušt ܓܘܫܬ (adv.) (G.18) almost

gweto ܓܘܶܬܐ (f.) (L.8) cheese

gworo ܓܘܳܪܐ [Inf. gwr I ܓܘܪ] marrying, marriage | u gworano ܐܘ ܓܘܳܪܰܢܐ this marriage (Q.9,58) → gowar

gyošo [Inf. gyš I ܓܝܫ] (L.7) touching → goyaš

gyoṯe → gḏayto

ġäläbe ܓ݂ܱܠܱܒܶܐ (adv.) (L.3) much, very

ġäläbe kore (L.3) ܓ݂ܱܠܱܒܶܐ ܟܳܪܶܐ often, frequently, many times

ġalṭo ܓ݂ܰܠܛܐ (m.), pl. ġalṭe ܓ݂ܰܠܛܶܐ (L.6) ⑴ mistake ⑵ wrong, incorrect

ġamo ܓ݂ܰܡܐ (m.), pl. ġame ܓ݂ܰܡܶܐ (L.15) worry, concern

ġer ܓ݂ܶܝܪ (L.3) ⑴ another, other | ġer medone ܓ݂ܶܝܪ ܡܶܕܳܢܶܐ other materials (things) (L.6)

ġer m ܓ݂ܶܝܪ ܡ‍ except

ġram ܓ݂ܪܰܡ (m.), pl. ġrame ܓ݂ܪܰܡܶܐ (L.10) gram

hadomo ܗܰܕܳܡܐ, pl. hadome ܗܰܕܳܡܶܐ ⑴ organ, bodypart | ḥa mah hadomani ܚܰܐ ܡܰܗ ܗܰܕܳܡܰܢܝ one of these organs (L.7) ⑵ member

hadome baroye ܗܰܕܳܡܶܐ ܒܰܪܳܝܶܐ external organs

hadome du gušmo ܗܰܕܳܡܶܐ ܕܘ ܓܘܫܡܐ organs of the body

hadome gawoye ܗܰܕܳܡܶܐ ܓܰܘܳܝܶܐ internal organs

häka ܗܱܟܰܐ (L.19) if, in case = hakka

hakka ܗܰܟܟܰܐ (L.19) if, in case = häka

halxo ܗܰܠܟ݂ܐ (m.) ⑴ walking | bu halxo ܒܘ ܗܰܠܟ݂ܐ by foot (Q.8,43) ⑵ pace, manner of walking

häma ܗܱܡܰܐ but, yet, however | häma gëd cawdina šato ܗܱܡܰܐ ܓܷܕ ܥܰܘܕܝܢܰܐ ܫܰܬܐ we will at first work for one year (Q.6,23) = hamma

hamburger ܗܰܡܒܘܪܓܶܪ (m.) (L.23) hamburger

hamma but, yet, however | hamma mar kul nošo këtle täläfon ܗܰܡܡܰܐ ܡܰܪ ܟܘܠ ܢܳܫܐ ܟܷܬܠܶܗ ܬܱܠܱܦܳܢ almost everyone has a phone (Q.5,23) = häma

ham … w ham ܗܰܡ ... ܘܗܰܡ (L.20) … as well as …, both

handbol (m.) (L.15) handball

hanëk ܗܰܢܷܟ → hawo

hani ܗܰܢܝ (prep.) since, for | hani šato lo ḥzelilax ܗܰܢܝ ܫܰܬܐ ܠܐ ܚܙܶܠܝܠܰܟ݂ I have not seen you for a year

hano ܗܰܢܐ (pron.), f. haṯe ܗܰܬ݂ܶܐ, pl. hani ܗܰܢܝ (G.5b) this (m.), this (f.), these | hani wayne? ܗܰܢܝ ܘܰܝܢܶܐ؟ was that all? (L.10); hano wa ܗܰܢܐ ܘܰܐ that was all (L.10)

hanyuṯo ܗܰܢܝܘܬ݂ܐ (L.10) bon appetit, enjoy!

harke ܗܰܪܟܶܐ (L.3) here

harke w tamo ܗܰܪܟܶܐ ܘܬܰܡܐ here and there

hat ܗܰܬ (pron.) (L.4; G.3b, 4b) ⑴ you ⑵ (copula 2. sg.) you are

hatu ܗܰܬܘ (pron.) (L.4; G.3b, 4b) ⑴ you (2. pl.) ⑵ (copula 2. pl.) you (pl.) are

haw¹ ܗܰܘ (G.24d) not anymore | haw kocawdo adyawma ܗܰܘ ܟܳܥܰܘܕܐ ܐܰܕܝܰܘܡܰܐ her work is done for today (lit. she does not work today anymore); haw koṯe lu bayto ܗܰܘ ܟܳܐܬ݂ܶܐ ܠܘ ܒܰܝܬܐ he is not coming home anymore = law

haw² (imperative) → obe

hawa ܗܰܘܰܐ, pl. hawat ܗܰܘܰܬ (L.8) ⑴ air | celoyo bi hawa ܥܶܠܳܝܐ ܒܝ ܗܰܘܰܐ high up in the air (L.18) ⑵ wind | hawa ḥëṣto ܗܰܘܰܐ ܚܷܨܬܐ strong wind (L.18) ⑶ weather | ġer mi hawa ܓ݂ܶܝܪ ܡܝ ܗܰܘܰܐ except for the weather (L.18)

hawno ܗܰܘܢܐ (m.) (L.15) mind | këtwayla b hawna ܟܷܬܘܰܝܠܰܗ ܒܗܰܘܢܰܗ she had in mind, she thought (Q.1,38)

hawnonoyo ܗܰܘܢܳܢܳܝܐ (adj.), f. hawnonayto ܗܰܘܢܳܢܰܝܬܐ, pl. hawnonoye ܗܰܘܢܳܢܳܝܶܐ (L.15) mental, cognitive, intellectual

hawo ܗܰܘܐ (pron.), f. hayo ܗܰܝܐ, pl. hanëk ܗܰܢܷܟ (G.5b) that (m.), that (f.), those