The editing screen requires at least 450 pixels of horizontal space. Please rotate your device or use one with a bigger screen.

ܙܰܒܢܐ ܟ݂ܰܠܝܐ
ܙܰܒܢܐ ܟ݂ܰܠܝܐ
ܡܰܪܬܰܐ: ܫܠܳܡܐ ܟܰܪܝܢ، ܡܷܢ ܟܳܣܰܝܡܰܬ؟
ܟܰܪܝܢ: ܒܫܰܝܢܐ، ܟܳܡܫܰܦܪܳܢܐ ܦܳܬ݂ܝ.
ܡܰܪܬܰܐ: ܠܰܝܟܐ ܐܰܙܰܠܬܐ ܗܰܬ؟
ܟܰܪܝܢ: ܟܷܬܠܝ ܡܷܫܬܘܬ݂ܐ.
ܡܰܪܬܰܐ: ܕܡܰܢ؟
ܟܰܪܝܢ: ܕܝ ܚܘܰܪܬ݂ܰܝܕ݂ܝ، ܐܝ ܢܝܣܰܢܶܐ.
ܡܰܪܬܰܐ: ܫܰܦܝܪܐ، ܥܰܠ‌ ܐܘ ܟ݂ܶܪ.
ܟܰܪܝܢ: ܬܰܘܕܝ. ܝܰܘܡܶܗ ܕܫܰܒܬ݂ܐ ܝܐ، ܗܰܬ ܡܷܢ ܓܷܕ ܣܰܝܡܰܬ؟
ܡܰܪܬܰܐ: ܐܳܢܐ ܓܷܕ ܐܷܙܙܝ ܥܰܡ ܐܰܢ ܢܰܥܝܡܶܐ ܠܝ ܓܰܢܬ݂ܐ ܕܰܚ ܚܱܝܶܘܷܢ. ܐܘ ܝܰܥܩܘܒ ܠܰܝܒܶܗ، ܥܰܘܳܕܐ ܝܐ ܗܘܠ ܥܰܨܪܝـܝܶܐ.
ܟܰܪܝܢ: ܐܘ ܦܰܩܝܪܐ ܕܘ ܝܰܥܩܘܒ ܕܝܣܰܐ! ܐܶܠܐ ܐܰܢ ܢܰܥܝܡܶܐ ܓܷܕ ܡܷܦܨܳܚܝ. ܝܰܘܡܐ ܒܰܣܝܡܐ.
ܡܰܪܬܰܐ: ܬܰܘܕܝ. ܐܰܕܝܰܘܡܰܐ ܐܝ ܗܰܘܰܐ ܒܰܣܷܡܬܐ ܝܐ. ܐܝ ܢܝܣܰܢܶܐ ܗܰܘܝܠܰܗ ܓܰܕܐ ܛܰܘܘܐ. ܐܰܨ ܨܷܪܬܳܬ݂ܶܐ ܕܝ ܡܷܫܬܘܬ݂ܐ ܓܷܕ ܢܷܦܩܝ ܓ݂ܱܠܱܒܶܐ ܫܰܦܝܪܶܐ.
ܟܰܪܝܢ: ܐܶ، ܐܰܝ ܝܰܘܡܶܐ ܒܰܣܝܡܶܐ ܗܰܘܟ݂ܰܐ ܠܐ ܟܳܡܝܩܰܦܷܢ، ܟܳܠܳܙܰܡ ܚܰܐ ܗܳܘܶܠܶܗ ܓܰܕܐ ܛܰܘܘܐ. ܗܰܬ ܣܬܶܐ ܣܷܡ ܨܷܪܬܳܬ݂ܶܐ ܠܰܢ ܢܰܥܝܡܶܐ ܥܰܡ ܐܰܚ ܚܱܝܶܘܷܢ ܘܡܷܦܨܶܚܘ.
ܡܰܪܬܰܐ: ܛܪܳܘܶܐ. ܐܰܕܝܰܘܡܰܐ ܟ݂ܠܝܬ݂ܐ ܢܐ، ܐܘ ܝܰܘܡܐ ܟܘܠܶܗ ܓܷܕ ܡܰܫܰܦܥܰܠܠܶܗ ܥܰܡ ܐܰܢ ܢܰܥܝܡܶܐ.
ܟܰܪܝܢ: ܫܰܦܝܪܐ، ܝܰܘܡܐ ܒܰܣܝܡܐ.
ܡܰܪܬܰܐ: ܬܰܘܕܝ، ܐܶܠܰܟ݂ ܣܬܶܐ ܝܰܘܡܐ ܒܰܣܝܡܐ ܘܢܰܩܠܰܐ ܚܪܶܬܐ ܐܝ ܡܷܫܬܘܬ݂ܐ ܗܘܝܐ ܒܪܷܟ݂ܬܐ.
Zabno xalyo Vrijetijd
Marta: Šlomo Karin, mën kosaymat? Marta: hallo Karin, wat doe jij?
Karin: B šayno, komšafrono foṯi. Karin: hallo, ik doe mijn make-up op.
Marta: Layko azalto hat? Marta: waar ga jij heen?
Karin: Këtli mëštuṯo. Karin: ik heb een bruiloft.
Marta: D man? Marta: van wie?
Karin: Di ḥwarṯayḏi, i Nisane. Karin: van mijn vriendin, Nisane.
Marta: Šafiro, cal u xer. Marta: leuk, gefeliciteerd.
Karin: Tawdi. Yawme d šabṯo yo, hat mën gëd saymat? Karin: dank je. Het is zaterdag, wat ga jij doen?
Marta: Ono gëd ëzzi cam an nacime li ganṯo daḥ ḥäyewën. U Yacqub laybe, cawodo yo hul caṣriye. Marta: ik ga met de kinderen naar de dierentuin. Jacob kan niet mee, hij werkt s avonds.
Karin: U faqiro du Yacqub disa! Elo an nacime gëd mëfṣoḥi. Yawmo basimo. Karin: Die arme Jacob weer! De kinderen zullen zich vermaken. Fijne dag.
Marta: Tawdi. Adyawma i hawa basëmto yo. I Nisane hawila gado ṭawwo. Aṣ ṣërtoṯe di mëštuṯo gëd nëfqi ġäläbe šafire. Marta: dank je. Het is mooi weer vandaag. Nisane heeft geluk gehad. De bruiloft foto’s zullen heel mooi worden.
Karin: E, ay yawme basime hawxa lo komiqafën, kolozam ḥa howele gado ṭawwo. Hat ste sëm ṣërtoṯe lan nacime cam aḥ ḥäyewën w mëfṣeḥu. Karin: ja, zulke mooie dagen zijn zeldzaam, je moet geluk hebben. Maak ook foto’s voor de kinderen met de dieren en veel plezier!
Marta: Ṭrowe. Adyawma xliṯo no, u yawmo kule gëd mašafcalle
cam an nacime.
Marta: okay. Vandaag ben ik vrij, ik zal de hele dag doorbrengen met de kinderen.
Karin: Šafiro, yawmo basimo. Karin: goed, fijne dag.
Marta: Tawdi, elax ste yawmo basimo w naqla ḥreto i mëštuṯo huyo brëxto. Marta: dank je, jij ook fijne dag en nogmaals gefeliciteerd met de bruiloft.