Afrem: Simon, ema dacirat me Ṭurcabdin? |
Afrem: Simon, sinds wanneer ben jij terug uit Turabdin? |
ܐܰܦܪܶܡ: ܣܝܡܳܢ، ܐܶܡܰܐ ܕܰܥܝܪܰܬ ܡܶܐ ܛܘܪܥܰܒܕܝܢ؟ |
Simon: Bramšël dacërno. |
Simon: Ik ben terug sinds gisterenavond. |
ܣܝܡܳܢ: ܒܪܰܡܫܷܠ ܕܰܥܷܪܢܐ. |
Afrem: Aydarbo šafëc u mazlo d Ṭurcabdin? |
Afrem: Hoe was jullie reis naar Turabdin? |
ܐܰܦܪܶܡ: ܐܰܝܕܰܪܒܐ ܫܰܦܷܥ ܐܘ ܡܰܙܠܐ ܕܛܘܪܥܰܒܕܝܢ؟ |
Simon: Ġäläbe basimo wa. |
Simon: Het was heel leuk. |
ܣܝܡܳܢ: ܓ݂ܱܠܱܒܶܐ ܒܰܣܝܡܐ ܘܰܐ. |
Afrem: Mën ḥzalxu, mën sëmxu? |
Afrem: Wat hebben jullie gezien en wat hebben jullie gedaan? |
ܐܰܦܪܶܡ: ܡܷܢ ܚܙܰܠܟ݂ܘ، ܡܷܢ ܣܷܡܟ݂ܘ؟ |
Simon: Ḥzelan dëkoṯe ġäläbe šafire. |
Simon: Wij hebben heel veel mooie plaatsen gezien. |
ܣܝܡܳܢ: ܚܙܶܠܰܢ ܕܷܟܳܬ݂ܶܐ ܓ݂ܱܠܱܒܶܐ ܫܰܦܝܪܶܐ. |
Afrem: Maḥki ëšmo. |
Afrem: Vertel het maar. |
ܐܰܦܪܶܡ: ܡܰܚܟܝ ܐܷܫܡܐ. |
Simon: Tux ḥzay aṣ ṣërtoṯe. Haṯe i mḏito d Marde yo. Haṯe i dayro du Zacfäran yo, d këtyo qaruto l Marde. |
Simon: Kom de foto’s bekijken. Dit is de stad Mardin. Dit is het klooster Zafaran, dichtbij Mardin. |
ܣܝܡܳܢ: ܬܘܟ݂ ܚܙܰܝ ܐܰܨ ܨܷܪܬܳܬ݂ܶܐ. ܗܰܬ݂ܶܐ ܐܝ ܡܕ݂ܝܬܐ ܕܡܰܪܕܶܐ ܝܐ. ܗܰܬ݂ܶܐ ܐܝ ܕܰܝܪܐ ܕܘ ܙܰܥܦܱܪܰܐܢ ܝܐ، ܕܟܷܬܝܐ ܩܰܪܘܬܐ ܠܡܰܪܕܶܐ. |
Afrem: B Ṭurcabdin mën sëmxu? |
Afrem: Wat hebben jullie gedaan in Turabdin? |
ܐܰܦܪܶܡ: ܒܛܘܪܥܰܒܕܝܢ ܡܷܢ ܣܷܡܟ݂ܘ؟ |
Simon: Kul yawmo nuḥtiwayna l Mëḏyaḏ d këmmila “u lebo d Ṭurcabdin”. Me tamo zayriwayna ad dayre, aq qëryawoṯe w ad dëkoṯe maxtabzabnoye, xud Ḥasno d Kifo, Nṣiwën, Dara w ḥrene. |
Simon: Elke dag gingen wij naar Midyat, dat het hart van Turabdin wordt genoemd. Van daaruit bezichtten wij de kloosters, dorpen en historische plaatsen zoals Hesno d Kifo, Nisibis, Dara enz. |
ܣܝܡܳܢ: ܟܘܠ ܝܰܘܡܐ ܢܘܚܬܝܘܰܝܢܰܐ ܠܡܷܕ݂ܝܰܕ݂ ܕܟܷܐܡܡܝܠܰܗ ܐܘ ܠܶܒܐ ܕܛܘܪܥܰܒܕܝܢ. ܡܶܐ ܬܰܡܐ ܙܰܝܪܝܘܰܝܢܰܐ ܐܰܕ ܕܰܝܪܶܐ، ܐܰܩ ܩܷܪܝܰܘܳܬ݂ܶܐ ܘܐܰܕ ܕܷܟܳܬ݂ܶܐ ܡܰܟ݂ܬܰܒܙܰܒܢܳܝܶܐ.، ܟ݂ܘܕ ܚܰܣܢܐ ܕܟܝܦܐ، ܢܨܝܘܷܢ، ܕܰܪܰܐ ܘܚܪܶܢܶܐ. |
Afrem: Ayko fayšituwa b lalyo? |
Afrem: Waar hebben jullie overnacht? |
ܐܰܦܪܶܡ: ܐܰܝܟܐ ܦܰܝܫܝܬܘܘܰܐ ܒܠܰܠܝܐ؟ |
Simon: Kul caṣriye ducriwayna li dayro d Mor Gabriyel. |
Simon: Iedere avond keerden wij terug naar het klooster Mor Gabriel. |
ܣܝܡܳܢ: ܟܘܠ ܥܰܨܪܝܝܶܐ ܕܘܥܪܝܘܰܝܢܰܐ ܠܝ ܕܰܝܪܐ ܕܡܳܪܝ ܓܰܒܪܝـܝܶܠ. |
Afrem: Šafiro, ono ste kobacno ëzzi l Turcabdin. Ṭawwo yo ḥa d ḥoze u aṯro w i marduṯo du camayḏe. |
Afrem: Leuk, ik wil ook naar Turabdin reizen. Het is goed om het land en de cultuur van mijn eigen volk te leren kennen. |
ܐܰܦܪܶܡ: ܫܰܦܝܪܐ، ܐܳܢܐ ܣܬܶܐ ܟܳܐܒܰܥܢܐ ܐܷܙܙܝ ܠܛܘܪܥܰܒܕܝܢ. ܛܰܘܘܐ ܝܐ ܚܰܐ ܕܚܳܙܶܐ ܐܘ ܐܰܬ݂ܪܐ ܘܐܝ ܡܰܪܕܘܬ݂ܐ ܕܘ ܥܰܡܰܝܕ݂ܶܗ. |
Simon: Hawxa yo. Ono ġäläbe fṣëḥno d azzi. |
Simon: Zo is dat. Ik ben heel blij dat ik ben geweest. |
ܣܝܡܳܢ: ܗܰܘܟ݂ܰܐ ܝܐ. ܐܳܢܐ ܓ݂ܱܠܱܒܶܐ ܦܨܷܚܢܐ ܕܐܰܙܙܝ. |