The editing screen requires at least 450 pixels of horizontal space. Please rotate your device or use one with a bigger screen.

ܝܘܠܦܳܢܐ
ܐܝ ܡܰܪܬܰܐ ܘ ܐܝ ܩܪܰܝܬܐ
ܐܷܫܩܰܕ݂ ܐܝ ܡܰܪܬܰܐ ܡܰܟ݂ܠܰܨܠܰܗ ܐܝ ܡܰܕܪܰܫܬܐ.
ܐܰܕܫܰܬܐ ܡܫܰܪܶܠܰܗ ܕܩܘܪܝܐ ܙܷܕܩܶܐ ܒܘ ܒܶܝܬ݂ܨܰܘܒܐ ܕܷܟ݂ܪܳܢܝܢܓܷܢ.
ܐܶܠܐ ܒܷܬ݂ܷܪ ܒܷܟܡܐ ܝܰܪܚܶܐ ܡܒܰܛܶܠܰܗ ܐܝ ܩܪܰܝܬܐ ܕܰܙ ܙܷܕܩܶܐ، ܡܝܕ݂ܶܗ ܕܠܰܬܘܰܐ ܐܘ ܡܶܕܶܐ ܕܪܷܚܡܳܘܰܐ.
ܐܘܥܕܐ ܟܳܟܘܪܟ݂ܐ ܥܰܠ ܡܟܳܢܶܐ ܚܰܬ݂ܶܐ ܕܝ ܩܪܰܝܬܐ.
i Marta w i qrayto
Ëšqaḏ i Marta maxlaṣla i madrašto. Marta is vorig jaar afgestudeerd.
Adšato mšarela d quryo zëdqe bu Beṯṣawbo dë Groningen. Dit jaar begon zij haar studie rechten aan de universiteit van Groningen.
Elo bëṯër bë kmo yarḥe mbaṭela i qrayto daz zëdqe, miḏe d latwa u mede d rëḥmowa. Na enkele maanden is zij met de rechtenstudie gestopt, omdat het niet was wat ze leuk vond.
Ucdo kokurxo cal mkone ḥaṯe di qrayto. Nu doet zij onderzoek naar haar andere mogelijkheden.
ܝܘܠܦܳܢܐ
ܕܘ ܫܪܳܠܐ ܐܝ ܡܰܪܬܰܐ ܒܝ ܩܰܡܰܝܬܐ ܪܷܚܡܳܘܰܐ ܕܗܘܝܐ ܬܰܟ݂ܬܳܪܶܐ، ܐܶܠܐ ܠܐ ܩܰܕܝܪܐ، ܡܝܕ݂ܶܗ ܕܠܐ ܩܰܝܷܬ݂ܠܰܗ ܕܘܟܬ݂ܐ ܒܘ ܒܶܝܬ݂ܨܰܘܒܐ ܕܐܷܒܥܳܘܰܐ.
ܐܝ ܡܰܪܬܰܐ ܡܘ ܫܘܪܳܝܐ ܒܠܶܒܐ ܦܠܝܓ݂ܳܝܐ ܡܫܰܪܶܘܰܝܠܰܗ ܒܝ ܩܪܰܝܬܐ ܕܰܙ ܙܷܕܩܶܐ.
ܐܶܠܐ ܠܐ ܡܥܰܔܰܒܠܰܗ، ܡܰܘܟ݂ܰܐ ܛܪܶܠܰܗ ܘܟ݂ܰܨܝܪܐ ܐܝ ܫܰܬܰܝܐ ܕܘ ܝܘܠܦܳܢܐ.
ܒܷܬ݂ܷܪ ܡܷܦܬܰܟܰܪܠܰܗ ܕܟܷܒܥܶܐ ܣܰܝܡܐ ܡܶܕܶܐ، ܠܰܫܰܢ ܕܠܐ ܟ݂ܘܨܪܐ ܐܝ ܫܰܬܐ ܕܐܷܬ݂ܝܐ ܣܬܶܐ.
ܡܷܔܓ݂ܶܠܰܗ ܥܰܡ ܐܰܚ ܚܰܘܪܳܢܰܝܕ݂ܰܗ ܘܡܫܰܘܰܪܠܰܗ ܒܷܡܫܰܒܠܳܢܝܬ݂ܐ ܕܘ ܝܘܠܦܳܢܐ.
ܗܰܘܟ݂ܰܐ ܐܝ ܡܰܪܬܰܐ ܒܕܶܠܰܗ ܕܷܡܚܰܕ݂ܪܐ ܪܘܚܰܗ ܠܝ ܫܰܬܐ ܕܐܷܬ݂ܝܐ.
ܒܰܝ ܝܰܘܡܶܐ ܕܰܬ ܬܰܪܥܶܐ ܦܬܝܚܶܐ ܕܰܒ ܒܶܝܬ݂ܨܰܘܒܶܐ ܙܷܪܠܰܗ ܦܷܪܥܶܐ ܕܝܘܠܦܳܢܐ ܡܫܰܚܷܠܦܶܐ ܘܡܰܠܷܡܠܰܗ ܐܝܕ݂ܰܥܬ݂ܐ ܪܘܷܚܬܐ ܐܰܥܠܰܝـܝܶܗ.
ܐܰܙܙܰܗ ܠܝ ܡܰܕܪܰܫܬܐ ܥܶܠܰܝܬܐ ܕܐܰܢܫܟ݂ܷܕܶܐ ܕܩܘܪܝܐ ܦ݁ܶܕܰܓܳܓܝ، ܠܐ ܡܥܰܔܰܒܠܰܗ. ܚܰܐ ܝܰܘܡܐ ܐܰܙܙܰܗ ܠܘ ܒܶܝܬ݂ܨܰܘܒܐ ܚܝܪܐ ܕܐܰܡܣܬܷܪܕܰܡ ܕܷܡܫܰܝܠܐ ܥܰܠ ܐܝ ܬܰܟ݂ܬܳܪܝـܝܶܐ ܕܝ ܢܰܦܫܐ.
ܪܚܷܡܠܰܗ، ܐܶܠܐ ܡܷܪܠܰܗ ܟܳܙܰܝܥܳܢܐ ܗܳܘܶܐ ܥܰܣܩܐ ܐܰܥܠܝ ܘܠܐ ܩܘܕܪܳܢܐ ܡܕܰܘܡܳܢܐ.
ܒܝ ܚܰܪܰܝܬܐ ܐܰܙܙܰܗ ܕܡܰܟܰܬ݂ܘܐ ܪܘܚܰܗ ܒܘ ܒܶܝܬ݂ܨܰܘܒܐ ܕܠܰܝܕܷܢ ܕܩܘܪܝܐ ܠܝܫܳܢܐ ܐܷܢܓܠܝܫܳܝܐ ܘܣܷܦܪܳܝܘܬ݂ܐ ܒܢܝܫܐ ܕܗܘܝܐ ܡܰܠܦܳܢܝܬ݂ܐ.
ܐܝ ܡܰܪܬܰܐ ܝܳܠܘܦܬܐ ܟܰܫܷܪܬܐ ܘܰܐ ܒܝ ܡܰܕܪܰܫܬܐ ܬܪܰܝܳܢܝܬ݂ܐ. ܟܘܠ ܢܰܩܠܰܐ ܡܰܝܕܳܘܰܐ ܦܘܚܳܡܶܐ ܛܰܘܘܶܐ.
ܒܷܬ݂ܷܪ ܡܶܐ ܕܒܘ ܒܶܝܬ݂ܨܰܘܒܐ ܕܠܰܝܕܷܢ ܚܙܰܠܠܶܗ ܐܰܬ ܬܰܫܪܳܪܶܐ ܘܐܰܘ ܘܰܪܩܰܝܕ݂ܰܗ، ܡܰܩܷܒܠܰܠܠܶܗ. ܡܠܶܠܰܗ ܐܰܘ ܘܰܪܩܶܐ ܕܘ‎ ܬܷܟܬ݂ܝܘܐ.
ܒܷܬ݂ܷܪ ܥܰܠ ܐܘ ܕܰܪܒܐ ܕܘ ܢܰܘܠܐ ܡܩܰܦܶܠܰܠܰܗ ܩܶܠܰܝܬܐ ܒܷܩܪܝܬ݂ܐ ܩܰܪܘܬܐ ܠܠܰܝܕܷܢ.
ܗܰܘܟ݂ܰܐ ܐܝ ܡܰܪܬܰܐ ܗܰܘܝܐ ܪܘܫܡܳܐܝܬ݂ ܝܳܠܘܦܬܐ ܕܘ ܒܶܝܬ݂ܨܰܘܒܐ ܕܠܰܝܕܷܢ.
ܒܝ ܫܰܬܐ ܕܘ ܝܘܠܦܳܢܐ ܕܐܷܬ݂ܝܐ ܓܷܕ ܡܫܰܪܝܐ ܒܝ ܩܪܰܝܬܐ.
Yulfono Studie
Du šrolo i Marta bi qamayto rëḥmowa d huyo taxtore, elo lo qadiro, miḏe d lo qayëṯla dukṯo bu beṯṣawbo d ëbcowa. Eigenlijk wilde Marta eerst dokter worden, maar helaas lukte haar dit niet. Ze kon geen plaats krijgen op de universiteit van haar keuze.
I Marta mu šuroyo b lebo fliġoyo mšarewayla bi qrayto daz zëdqe. Marta was vanaf het begin met gemengde gevoelens begonnen aan de studie rechten.
Elo lo mcajabla, mawxa ṭrela w xaṣiro i šatayo du yulfono. Omdat ze het niet leuk vond, beëindigde ze haar studie en verloor daarmee een studiejaar.
Bëṯër mëftakarla d këbce saymo mede, lašan d lo xuṣro i šato d ëṯyo ste. Toen dacht zij naar over haar andere mogelijkheden, zodat er niet nog een studiejaar verloren zou gaan.
Mëjġela cam aḥ ḥawronayḏa w mšawarla bë mšabloniṯo du yulfono. Zij ging hierover in gesprek met haar vriendinnen en haar studieadviseur.
Hawxa i Marta bdela dë mḥaḏro ruḥa li šato d ëṯyo. Zo bereidde Marta zich voor op het komend schooljaar.
Bay yawme dat tarce ftiḥe dab beṯṣawbe zërla fërce d yulfono mšaḥëlfe w malëmla iḏacṯo rwëḥto aclayye. Tijdens de open dagen van verschillende universiteiten verwierf zij een brede kennis van de verschillende studierichtingen.
Azza li madrašto celayto d Enschede d quryo pedagogi, lo mcajabla. Ḥa yawmo azza lu Beṯṣawbo Ḥiro d Amsterdam dë mšaylo cal i taxtoriye di nafšo. Zij ging naar de universiteit van Enschede om pedagogiek te studeren, maar zij vond het niet leuk. Zij besloot om de Vrije universiteit van Amsterdam te bezoeken en informatie op te vragen over de studie psychologie.
Rḥëmla, elo mërla: “Kozaycono howe casqo acli w lo qudrono mdawmono”. Zij vond het leuk, maar ze zei: “ik ben bang dat het te moeilijk wordt voor mij en ik genoodzaakt ben om weer te stoppen.“
Bi ḥarayto azza d makaṯwo ruḥa bu Beṯṣawbo d Leiden d quryo lišono Ënglišoyo w sëfroyuṯo b nišo d huyo malfoniṯo. Uiteindelijk schreef zij zich in bij de universiteit van Leiden om Engelse taal en literatuur te studeren met als doel later Engels docent te worden.
I Marta yolufto kašërto wa bi madrašto trayoniṯo. Kul naqla maydowa fuḥome ṭawwe. Marta was een hardwerkende scholier op de middelbare school. Zij behaalde altijd hoge cijfers.
Bëṯër me d bu Beṯṣawbo d Leiden ḥzalle at tašrore w aw warqayḏa, maqëblalle. Mlela aw warqe du tëkṯiwo. Nadat de universiteit van Leiden haar certificaten en documenten had gecontroleerd, was zij aangenomen. Zij vulde de inschrijfformulieren in.
Bëṯër cal u darbo du nawlo mqafelala qelayto bë qriṯo qaruto l Leiden. Vervolgens vond zij een kamer in een dorp dichtbij Leiden.
Hawxa i Marta hawyo rušmoyiṯ yolufto du Beṯṣawbo d Leiden. Zo werd Marta officieel student aan de universiteit van Leiden.
Bi šato du yulfono d ëṯyo gëd mšaryo bi qrayto. Komend studiejaar gaat zij met de studie beginnen.