The editing screen requires at least 450 pixels of horizontal space. Please rotate your device or use one with a bigger screen.


ܐܝ ܐܝܩܰܪܬ݂ܐ ܕܒܶܐ ܡܰܪܰܘܓܶܐ ܟܷܬܠܰܗ ܐܰܪܒܥܐ ܢܰܥܝܡܶܐ.
ܐܝ ܣܰܪܐ ܘܐܘ ܐܰܕܰܝ ܥܰܘܳܕܶܐ ܢܶܐ ܘܟܳܝܷܬܘܝ ܒܒܰܝܬܐ ܒܐܰܡܣܬܷܪܕܰܡ.
ܥܰܠ ܕܝ ܟܷܪܶܐ ܕܘ ܒܰܝܬܐ ܥܶܠܰܝܬܐ ܝܐ، ܟܐܷܒܥܝ ܙܰܘܢܝ ܒܰܝܬܐ ܐܰܘ ܡܰܥܰܡܪܝ ܒܰܝܬܐ.
ܒܝ ܚܰܪܰܝܬܐ ܡܰܪܟܰܘܘܶܗ ܐܘ ܪܷܥܝܳܢܰܬ݂ܬ݂ܶܗ ܥܰܠ ܬܷܥܡܝܪܐ ܕܒܰܝܬܐ.
I iqarṯo d Be Marawge këtla arbco nacime. Het gezin Be Marawge heeft vier kinderen.
I Saro w u Aday cawode ne w koyëtwi b bayto b Amsterdam. Saro en Aday werken allebei en wonen in een huis in Amsterdam.
Cal di këre du bayto celayto yo, këbci zawni bayto aw macamri bayto. Omdat de huur hoog is, willen ze een huis kopen of bouwen.
Bi ḥarayto markawwe u rëcyonaṯṯe cal tëcmiro d bayto. Uiteindelijk hebben ze besloten om een huis te bouwen.
ܒܰܝܬܐ ܚܰܬ̣ܐ
ܐܝ ܣܰܪܐ ܘܐܘ ܐܰܕܰܝ ܡܫܰܪܰܠܠܶܗ ܕܟܘܪܟ݂ܝ ܥܰܠ ܐܰܪܥܐ ܕܡܰܥܰܡܪܝ.
ܟܰܪܝܟ݂ܝ ܗܰܪܟܶܐ ܘܬܰܡܐ، ܡܩܰܦܰܠܠܶܗ ܐܰܪܥܐ ܒܷܚܕ݂ܐ ܡܰܫ ܫܰܘܬܼܳܬ̣ܶܐ ܚܰܬ݂ܶܐ ܕܐܰܡܣܬܷܪܕܰܡ.
ܒܙܰܒܢܐ ܟܰܪܝܐ ܐܰܙܙܷܢ ܓܰܒ ܐܰܪܫܝܬܰܟܬ ܘܐܰܒܝܥܝ ܡܶܢܶܗ ܕܪܳܫܰܡ ܦ̇ܠܰܢ ܕܒܰܝܬܐ ܠܰܫܰܢܰܝܝܶܗ.
ܐܘ ܐܰܪܫܝܬܰܟܬ ܪܫܷܡܠܶܗ ܦ̇ܠܰܢ ܕܒܰܝܬܐ ܐܰܠܠܶܗ ܟ݂ܘܕ ܐܰܒܝܥܝ.
ܡܰܚܘܶܠܶܗ ܐܘ ܦ̇ܠܰܢ ܐܰܠܠܶܗ ܘܫܪܷܚܠܶܗ ܐܘ ܡܶܕܶܐ ܕܷܪܫܷܡܠܶܗ:
ܐܝ ܪܰܒܘܬ݂ܐ ܕܘ ܒܰܝܬܐ، ܐܰܩ ܩܶܠܳܝܳܬ݂ܶܐ، ܐܝ ܓܰܢܬ݂ܐ، ܐܰܫ ܫܰܒܳܟܶܐ، ܐܘ ܡܰܛܒܰܟ݂، ܐܝ ܬܘܘܰܠܶܬ، ܐܘ ܒܰܐܢܝܐ ܘܟܘܠ ܡܶܕܶܐ ܕܠܳܙܰܡܘܰܐ.
ܐܝ ܣܰܪܐ ܘܐܘ ܐܰܕܰܝ ܒܷܬ݂ܷܪ ܡܶܐ ܕܪܰܕ݂ܷܢ ܥܰܠ ܐܘ ܦ̇ܠܰܢ، ܐܰܙܙܷܢ ܠܝ ܒܰܠܰܕܝـܝܶܐ ܕܛܷܠܒܝ ܦܣܳܣܐ ܠܘ ܬܷܥܡܝܪܐ.
ܒܥܰܝܢܝ ܙܰܒܢܐ ܣܬܶܐ ܡܫܰܪܰܠܠܶܗ ܕܟܘܪܟ݂ܝ ܥܰܠ ܫܷܪܟܶܐ ܕܘ ܬܷܥܡܝܪܐ.
ܐܝ ܒܰܠܰܕܝـܝܶܐ ܒܙܰܒܢܐ ܕܝܰܪܚܐ ܡܰܕܥܰܪܠܰܗ ܟ݂ܰܒܪܐ ܐܰܥܠܰܝـܝܶܗ ܘܗܘܠܰܗ ܐܰܠܠܶܗ ܦܣܳܣܐ.
ܐܶܠܐ ܫܷܪܟܶܐ ܠܘ ܬܷܥܡܝܪܐ ܟ݂ܰܝـܝܦܐ ܠܐ ܡܩܰܦܰܠܠܶܗ، ܡܝܕ݂ܶܗ ܕܡܷܔܓ݂ܰܠܠܶܗ ܘܡܒܰܝܙܰܪܪܶܗ ܥܰܡ ܫܷܪܟܰܬ ܓ݂ܰܠܰܒܶܐ. ܒܝ ܚܰܪܰܝܬܐ ܡܩܰܦܰܠܠܶܗ ܚܕ݂ܐ.
ܒܷܬ݂ܷܪ ܡܶܐ ܕܗܷܢܢܶܐ ܘܐܝ ܫܷܪܟܶܐ ܐܰܬ݂ܷܢ ܠܷܚܕ݂ܳܕ݂ܶܐ، ܐܝ ܣܰܪܐ ܘܐܘ ܐܰܕܰܝ ܐܰܙܙܷܢ ܕܷܡܢܰܩܷܢ ܐܘ ܡܰܬܷܪܝܰܠ ܕܘ ܬܷܥܡܝܪܐ.
ܡܢܰܩܰܠܠܶܗ ܐܰܟ ܟܶܦܶܐ، ܐܰܫ ܫܰܒܳܟܶܐ، ܐܝ ܒܳܝܰܐ، ܐܘ ܟܰܓ݂ܰܬ ܘܓ݂ܶܪ ܡܶܕܳܢܶܐ.
ܗܰܘܟ݂ܰܐ ܐܝ ܫܷܪܟܶܐ ܡܫܰܪܶܠܰܗ ܒܘ ܬܷܥܡܝܪܐ ܕܘ ܒܰܝܬܐ. ܫܰܦܷܥ ܡܷܕܕܶܐ ܕܫܰܬܐ ܐܘ ܒܰܝܬܐ ܥܰܡܷܪ.
ܒܷܬ݂ܷܪ ܡܫܰܪܰܠܠܶܗ ܕܡܰܠܰܘܫܝ ܐܘ ܒܰܝܬܐ. ܠܐ ܫܰܦܷܥ ܝܰܪܚܐ ܐܝ ܐܝܩܰܪܬ݂ܐ ܕܒܶܐ ܡܰܪܰܘܓܶܐ ܢܩܝܠܰܗ ܠܘ ܒܰܝܬܐ ܚܰܬ݂ܐ.
Bayto ḥaṯo Een nieuw huis
I Saro w u Aday mšaralle d kurxi cal arco d macamri. Saro en Aday zijn begonnen met het zoeken naar een perceel om te bouwen.
Karixi harke w tamo mqafalle arco bë ḥḏo maš šawṯoṯe ḥaṯe d Amsterdam. Zij hebben hier en daar gezocht, ze vonden een stuk grond in één van de nieuwe wijken van Amsterdam.
B zabno karyo azzën gab aršitakt w abici mene d rošam plan d bayto lašanayye. Binnen korte tijd zijn ze bij een architect geweest met het verzoek om een plattegrond van een huis voor hun te tekenen.
U aršitakt ršëmle plan d bayto alle xud abici. De architect heeft een plattegrond getekend naar hun wensen.
Maḥwele u plan alle w šrëḥle u mede dë ršëmle: Hij heeft het plan aan hen laten zien en legde hen uit wat hij had getekend:
i rabuṯo du bayto, aq qeloyoṯe, i ganṯo, aš šaboke, u maṭbax, i tuwalet, u banyo w kul mede d lozamwa. de afmetingen van het huis, de kamers, de tuin, de ramen, de keuken, het toilet, de badkamer en alles wat nodig was.
I Saro w u Aday bëṯër me d raḏën cal u plan, azzën li baladiye d ṭëlbi fsoso lu tëcmiro. Nadat Saro en Aday ingestemd hadden met het plan, zijn ze naar de gemeente gegaan om een ​​aanvraag in te dienen voor de bouwvergunning.
B cayni zabno ste mšaralle d kurxi cal šërke du tëcmiro. Tegelijkertijd zijn ze begonnen te zoeken naar een bouwbedrijf.
I baladiye b zabno d yarḥo madcarla xabro aclayye w hula alle fsoso. De gemeente heeft binnen een maand gereageerd en gaf hen een bouwvergunning.
Elo šërke lu tëcmiro xayifo lo mqafalle, miḏe d mëjġalle w mbayzarre cam šërkat ġalabe. Bi ḥarayto mqafalle ḥḏo. Maar zo snel hebben ze geen bouwbedrijf gevonden, omdat ze met veel bedrijven hebben gesproken en onderhandeld. Uiteindelijk hebben ze er één gevonden.
Bëṯër me d hënne w i šërke aṯën lë ḥḏoḏe, i Saro w u Aday azzën dë mnaqën u matëryal du tëcmiro. Nadat ze met het bouwbedrijf overeen zijn gekomen, zijn Saro en Aday op zoek gegaan naar bouwmateriaal.
Mnaqalle ak kefe, aš šaboke, i boya, u kaġat w ġer medone. Ze hebben de stenen, de ramen, de verf, het behang en andere materialen uitgekozen.
Hawxa i šërke mšarela bu tëcmiro du bayto. Šafëc mëdde d šato, u bayto camër. Zodoende begon het bedrijf het huis te bouwen. Na ongeveer een jaar was het huis gebouwd.
Bëṯër mšaralle d malawši u bayto. Lo šafëc yarḥo i iqarṯo d Be Marawge nqila lu bayto ḥaṯo. Daarna begonnen ze het huis in te richten. Er was nog geen maand verstreken toen de familie Be Marawge naar het nieuwe huis ging verhuizen.