| Muroyo |
Een voetbalwedstrijd |
ܡܘܪܳܝܐ |
| Gabriyel: Tuma, këbcat oṯat acmi lu muroyo di ṭëbbe? |
Gabriyel: Tuma, wil je met mij meegaan naar de voetbalwedstrijd? |
ܓܰܒܪܝـܝܶܠ: ܬܘܡܰܐ، ܟܐܷܒܥܰܬ ܐܳܬ݂ܰܬ ܐܰܥܡܝ ܠܘ ܡܘܪܳܝܐ ܕܝ ܛܷܒܒܶܐ؟ |
| Tuma: Man komëštace mqabël d man? |
Tuma: Wie speelt tegen wie? |
ܬܘܡܰܐ: ܡܰܢ ܟܳܡܷܫܬܰܥܶܐ ܡܩܰܒܷܠ ܕܡܰܢ؟ |
| Gabriyel: I gudo Suryayto gëd mëštacyo mqabël di gudo yawnayto. |
Gabriyel: Het Aramese/ Assyrische team speelt tegen het Griekse team. |
ܓܰܒܪܝـܝܶܠ: ܐܝ ܓܘܕܐ ܣܘܪܝܰܝܬܐ ܓܷܕ ܡܷܫܬܰܥܝܐ ܡܩܰܒܷܠ ܕܝ ܓܘܕܐ ܝܰܘܢܰܝܬܐ. |
| Tuma: Ema yo u muroyo w i saca bak kmo yo? |
Tuma: Wanneer is de wedstrijd en om hoe laat? |
ܬܘܡܰܐ: ܐܶܡܰܐ ܝܐ ܐܘ ܡܘܪܳܝܐ ܘܐܝ ܣܰܥܰܐ ܒܰܟ ܟܡܐ ܝܐ؟ |
| Gabriyel: U muroyo yawme d šabṯo yo w i saca bi ḥḏo bëṯër me falge d yawmo. |
Gabriyel: De wedstrijd is op zaterdag en wel om één uur ´s middags. |
ܓܰܒܪܝـܝܶܠ: ܐܘ ܡܘܪܳܝܐ ܝܰܘܡܶܗ ܕܫܰܒܬ݂ܐ ܝܐ ܘܐܝ ܣܰܥܰܐ ܒܝ ܚܕ݂ܐ ܒܷܬ݂ܷܪ ܡܶܐ ܦܰܠܓܶܗ ܕܝܰܘܡܐ. |
| Tuma: Šafiro, kiban cam ḥḏoḏe ëzzan. |
Tuma: Goed, we kunnen er samen naartoe gaan. |
ܬܘܡܰܐ: ܫܰܦܝܪܐ، ܟܝܒܰܢ ܥܰܡ ܚܕ݂ܳܕ݂ܶܐ ܐܷܙܙܰܢ. |
| Gabriyel: Lo ṭocat d mamṭat oṯo acmux ha! |
Gabriyel: Vergeet niet om een vlag mee te nemen! |
ܓܰܒܪܝـܝܶܠ: ܠܐ ܛܳܥܰܬ ܕܡܰܡܛܰܬ ܐܳܬ݂ܐ ܐܰܥܡܘܟ݂ ܗܰܐ! |
| Tuma: Lo, lo, aydarbo gëd ṭoceno i oṯo! |
Tuma: Nee nee, hoe kan ik nu de vlag vergeten! |
ܬܘܡܰܐ: ܠܐ، ܠܐ، ܐܰܝܕܰܪܒܐ ܓܷܕ ܛܳܥܶܢܐ ܐܝ ܐܳܬ݂ܐ! |
| Tuma: Gabriyel, mayko kiban zawnina fëṭqe? |
Tuma: Gabriyel, waar kunnen we kaarten kopen? |
ܬܘܡܰܐ: ܓܰܒܪܝـܝܶܠ، ܡܰܐܝܟܐ ܟܝܒܰܢ ܙܰܘܢܝܢܰܐ ܦܷܛܩܶܐ؟ |
| Gabriyel: Fëṭqe lo kolozam. U cboro magon yo. |
Gabriyel: Kaarten zijn niet nodig. De entree is gratis. |
ܓܰܒܪܝـܝܶܠ: ܦܷܛܩܶܐ ܠܐ ܟܳܠܳܙܰܡ. ܐܘ ܥܒܳܪܐ ܡܰܓܳܢ ܝܐ. |
| Tuma: Ġalabe ṭawwo. Yawme d šabto gëd oṯeno l sidux, me tamo gëd ëzzan. |
Tuma: Heel goed. Ik zal zaterdag bij je komen en van daar uit gaan we dan. |
ܬܘܡܰܐ: ܓ݂ܰܠܰܒܶܐ ܛܰܘܘܐ. ܝܰܘܡܶܗ ܕܫܰܒܬ݂ܐ ܓܷܕ ܐܳܬ݂ܶܢܐ ܠܣܝܕܘܟ݂. ܡܶܐ ܬܰܡܐ ܓܷܕ ܐܷܙܙܰܢ. |
| Gabriyel: Šafiro, yawme d šabṯo gëd ḥozeno lux. |
Gabriyel: In orde, zaterdag zie ik je dan. |
ܓܰܒܪܝـܝܶܠ: ܫܰܦܝܪܐ، ܝܰܘܡܶܗ ܕܫܰܒܬ݂ܐ ܓܷܕ ܚܳܙܶܢܐ ܠܘܟ݂. |
| Tuma: Gabriyel, ayna mëštacyono me di gudo Suryayto kozëbṭat? |
Tuma: Gabriyel, welke speler van het Aramese/Assyrische team juich je toe? |
ܬܘܡܰܐ: ܓܰܒܪܝـܝܶܠ، ܐܰܝܢܰܐ ܡܷܫܬܰܥܝܳܢܐ ܡܶܐ ܕܝ ܓܘܕܐ ܣܘܪܝܰܝܬܐ ܟܳܙܷܒܛܰܬ؟ |
| Gabriyel: U Matay, w hat ayna? |
Gabriyel: Matay, en jij? |
ܓܰܒܪܝـܝܶܠ: ܐܘ ܡܰܬܰܝ. ܘܗܰܬ ܐܰܝܢܰܐ؟ |
| Tuma: U Awgin. |
Tuma: Awgin. |
ܬܘܡܰܐ: ܐܘ ܐܰܘܓܝܢ. |
| Tuma: Man yo u dayono. |
Tuma: Wie is de scheidsrechter? |
ܬܘܡܰܐ: ܡܰܢ ܝܐ ܐܘ ܕܰܝܳܢܐ؟ |
| Gabriyel: Holandoyo yo, ëšme lo koḏacno. |
Gabriyel: Het is een Nederlander, ik ken hem niet. |
ܓܰܒܪܝـܝܶܠ: ܗܳܠܰܢܕܳܝܐ ܝܐ، ܐܷܫܡܶܗ ܠܐ ܟܳܐܕ݂ܰܥܢܐ. |
| Tuma: I gudayḏan šafiro komëštacyo. |
Tuma: Ons team speelt goed. |
ܬܘܡܰܐ: ܐܝ ܓܘܕܰܝܕ݂ܰܢ ܫܰܦܝܪܐ ܟܳܡܷܫܬܰܥܝܐ. |
| Gabriyel: E, u golar ste ġalabe ṭawwo yo. |
Gabriyel: Ja, ook de doelman is heel erg goed. |
ܓܰܒܪܝـܝܶܠ: ܐܶ، ܐܘ ܓܳܠܰܪ ܣܬܶܐ ܓ݂ܰܠܰܒܶܐ ܛܰܘܘܐ ܝܐ. |
| Tuma: Hawxa yo. Gabriyel, ḥur macbarlan gol! |
Tuma: Zo is het! Gabriyel, kijk, we hebben een doelpunt gemaakt. |
ܬܘܡܰܐ: ܗܰܘܟ݂ܰܐ ܝܐ. ܓܰܒܪܝـܝܶܠ، ܚܘܪ ܡܰܥܒܰܪܠܰܢ ܓܳܠ! |
| Gabriyel: Ox, ḥoyën as Suryoye. |
Gabriyel: Hoera, lang leven de Arameeërs/Assyriërs! |
ܓܰܒܪܝـܝܶܠ: ܐܳܟ݂ ܚܳܝܷܢ ܐܰܣ ܣܘܪܝܳܝܶܐ. |
| Tuma: Tayëm u muroyo, ḥa b sëfër elan. |
Tuma: De wedstrijd is geëindigd met één tegen nul voor ons. |
ܬܘܡܰܐ: ܬܰܝܷܡ ܐܘ ܡܘܪܳܝܐ، ܚܰܐ ܒܣܷܦܷܪ ܐܶܠܰܢ. |
| Gabriyel: Ġalabe ṭawwo. |
Gabriyel: Heel goed. |
ܓܰܒܪܝـܝܶܠ: ܓ݂ܰܠܰܒܶܐ ܛܰܘܘܐ. |
