Düzenleme ekranı, en az 450 piksel yatay alan gerektirir. Lütfen cihazınızı döndürün veya daha geniş ekranlı bir cihaz kullanın.

ܒܰܝܬܐ
ܒܰܝܬܐ
ܐܝ ܐܝܩܰܪܬ݂ܐ ܕܒܶܐ ܡܰܪܰܘܓܶܐ ܟܷܬܠܰܗ ܐܰܪܒܥܐ ܢܰܥܝܡܶܐ.
ܐܝ ܣܰܪܐ ܘܐܘ ܐܰܕܰܝ ܥܰܘܳܕܶܐ ܢܶܐ ܘܟܳܝܷܬܘܝ ܒܒܰܝܬܐ ܒܐܰܡܣܬܷܪܕܰܡ.
ܥܰܠ ܕܝ ܟܷܪܶܐ ܕܘ ܒܰܝܬܐ ܥܶܠܰܝܬܐ ܝܐ، ܟܐܷܒܥܝ ܙܰܘܢܝ ܒܰܝܬܐ ܐܰܘ ܡܰܥܰܡܪܝ ܒܰܝܬܐ.
ܒܝ ܚܰܪܰܝܬܐ ܡܰܪܟܰܘܘܶܗ ܐܘ ܪܷܥܝܳܢܰܬ݂ܬ݂ܶܗ ܥܰܠ ܬܷܥܡܝܪܐ ܕܒܰܝܬܐ.
Bayto Ev
I iqarṯo d Be Marawge këtla arbco nacime. Be Marawge ailesinin dört çocuğu vardır.
I Saro w u Aday cawode ne w koyëtwi b bayto b Amsterdam. Saro ve Aday Amsterdam’da yaşıyor ve çalışıyorlar.
Cal di këre du bayto celayto yo, këbci zawni bayto aw macamri bayto. Ev kiraları pahalı olduğu için ya ev almak yada inşa etmek istiyorlar.
Bi ḥarayto markawwe u rëcyonaṯṯe cal tëcmiro d bayto. Sonunda bir ev yapmaya (inşa etmeye) karar verdiler.
ܒܰܝܬܐ ܚܰܬ̣ܐ
ܐܝ ܣܰܪܐ ܘܐܘ ܐܰܕܰܝ ܡܫܰܪܰܠܠܶܗ ܕܟܘܪܟ݂ܝ ܥܰܠ ܐܰܪܥܐ ܕܡܰܥܰܡܪܝ.
ܟܰܪܝܟ݂ܝ ܗܰܪܟܶܐ ܘܬܰܡܐ، ܡܩܰܦܰܠܠܶܗ ܐܰܪܥܐ ܒܷܚܕ݂ܐ ܡܰܫ ܫܰܘܬܼܳܬ̣ܶܐ ܚܰܬ݂ܶܐ ܕܐܰܡܣܬܷܪܕܰܡ.
ܒܙܰܒܢܐ ܟܰܪܝܐ ܐܰܙܙܷܢ ܓܰܒ ܐܰܪܫܝܬܰܟܬ ܘܐܰܒܝܥܝ ܡܶܢܶܗ ܕܪܳܫܰܡ ܦ̇ܠܰܢ ܕܒܰܝܬܐ ܠܰܫܰܢܰܝܝܶܗ.
ܐܘ ܐܰܪܫܝܬܰܟܬ ܪܫܷܡܠܶܗ ܦ̇ܠܰܢ ܕܒܰܝܬܐ ܐܰܠܠܶܗ ܟ݂ܘܕ ܐܰܒܝܥܝ.
ܡܰܚܘܶܠܶܗ ܐܘ ܦ̇ܠܰܢ ܐܰܠܠܶܗ ܘܫܪܷܚܠܶܗ ܐܘ ܡܶܕܶܐ ܕܷܪܫܷܡܠܶܗ:
ܐܝ ܪܰܒܘܬ݂ܐ ܕܘ ܒܰܝܬܐ، ܐܰܩ ܩܶܠܳܝܳܬ݂ܶܐ، ܐܝ ܓܰܢܬ݂ܐ، ܐܰܫ ܫܰܒܳܟܶܐ، ܐܘ ܡܰܛܒܰܟ݂، ܐܝ ܬܘܘܰܠܶܬ، ܐܘ ܒܰܐܢܝܐ ܘܟܘܠ ܡܶܕܶܐ ܕܠܳܙܰܡܘܰܐ.
ܐܝ ܣܰܪܐ ܘܐܘ ܐܰܕܰܝ ܒܷܬ݂ܷܪ ܡܶܐ ܕܪܰܕ݂ܷܢ ܥܰܠ ܐܘ ܦ̇ܠܰܢ، ܐܰܙܙܷܢ ܠܝ ܒܰܠܰܕܝـܝܶܐ ܕܛܷܠܒܝ ܦܣܳܣܐ ܠܘ ܬܷܥܡܝܪܐ.
ܒܥܰܝܢܝ ܙܰܒܢܐ ܣܬܶܐ ܡܫܰܪܰܠܠܶܗ ܕܟܘܪܟ݂ܝ ܥܰܠ ܫܷܪܟܶܐ ܕܘ ܬܷܥܡܝܪܐ.
ܐܝ ܒܰܠܰܕܝـܝܶܐ ܒܙܰܒܢܐ ܕܝܰܪܚܐ ܡܰܕܥܰܪܠܰܗ ܟ݂ܰܒܪܐ ܐܰܥܠܰܝـܝܶܗ ܘܗܘܠܰܗ ܐܰܠܠܶܗ ܦܣܳܣܐ.
ܐܶܠܐ ܫܷܪܟܶܐ ܠܘ ܬܷܥܡܝܪܐ ܟ݂ܰܝـܝܦܐ ܠܐ ܡܩܰܦܰܠܠܶܗ، ܡܝܕ݂ܶܗ ܕܡܷܔܓ݂ܰܠܠܶܗ ܘܡܒܰܝܙܰܪܪܶܗ ܥܰܡ ܫܷܪܟܰܬ ܓ݂ܰܠܰܒܶܐ. ܒܝ ܚܰܪܰܝܬܐ ܡܩܰܦܰܠܠܶܗ ܚܕ݂ܐ.
ܒܷܬ݂ܷܪ ܡܶܐ ܕܗܷܢܢܶܐ ܘܐܝ ܫܷܪܟܶܐ ܐܰܬ݂ܷܢ ܠܷܚܕ݂ܳܕ݂ܶܐ، ܐܝ ܣܰܪܐ ܘܐܘ ܐܰܕܰܝ ܐܰܙܙܷܢ ܕܷܡܢܰܩܷܢ ܐܘ ܡܰܬܷܪܝܰܠ ܕܘ ܬܷܥܡܝܪܐ.
ܡܢܰܩܰܠܠܶܗ ܐܰܟ ܟܶܦܶܐ، ܐܰܫ ܫܰܒܳܟܶܐ، ܐܝ ܒܳܝܰܐ، ܐܘ ܟܰܓ݂ܰܬ ܘܓ݂ܶܪ ܡܶܕܳܢܶܐ.
ܗܰܘܟ݂ܰܐ ܐܝ ܫܷܪܟܶܐ ܡܫܰܪܶܠܰܗ ܒܘ ܬܷܥܡܝܪܐ ܕܘ ܒܰܝܬܐ. ܫܰܦܷܥ ܡܷܕܕܶܐ ܕܫܰܬܐ ܐܘ ܒܰܝܬܐ ܥܰܡܷܪ.
ܒܷܬ݂ܷܪ ܡܫܰܪܰܠܠܶܗ ܕܡܰܠܰܘܫܝ ܐܘ ܒܰܝܬܐ. ܠܐ ܫܰܦܷܥ ܝܰܪܚܐ ܐܝ ܐܝܩܰܪܬ݂ܐ ܕܒܶܐ ܡܰܪܰܘܓܶܐ ܢܩܝܠܰܗ ܠܘ ܒܰܝܬܐ ܚܰܬ݂ܐ.
Bayto ḥaṯo Yeni bir ev
I Saro w u Aday mšaralle d kurxi cal arco d macamri. Saro ve Aday ev yapabilecekleri bir yer (parsel) aramaya başladılar.
Karixi harke w tamo mqafalle arco bë ḥḏo maš šawṯoṯe ḥaṯe d Amsterdam. İnşaat yeri için oraya ve buraya baktılar ve Amsterdam’a yakın bir yeni bir imar yeri buldular.
B zabno karyo azzën gab aršitakt w abici mene d rošam plan d bayto lašanayye. Kısa bir süre içinde bir mimarı görmeye gittiler ve ondan kendilerine bir ev planı çizmesini istediler.
U aršitakt ršëmle plan d bayto alle xud abici. Mimar onların isteklerine göre bir plan çizdi.
Maḥwele u plan alle w šrëḥle u mede dë ršëmle: Mimar onlara planı gösterdi ve açıklama yaptı:
i rabuṯo du bayto, aq qeloyoṯe, i ganṯo, aš šaboke, u maṭbax, i tuwalet, u banyo w kul mede d lozamwa. Evin ölçüleri, odalar, bahçe, pencereler, mutfak, tuvalet, banyo ve başka ne gerekiyorsa.
I Saro w u Aday bëṯër me d raḏën cal u plan, azzën li baladiye d ṭëlbi fsoso lu tëcmiro. Saro ve Aday plan hakkında hemfikir olduktan sonra inşaat izni için belediyeye gittiler.
B cayni zabno ste mšaralle d kurxi cal šërke du tëcmiro. Aynı zamanda da bir inşaat firması aramaya başladılar.
I baladiye b zabno d yarḥo madcarla xabro aclayye w hula alle fsoso. Bir ay içinde de belediyeden olumlu yanıt aldılar.
Elo šërke lu tëcmiro xayifo lo mqafalle, miḏe d mëjġalle w mbayzarre cam šërkat ġalabe. Bi ḥarayto mqafalle ḥḏo. Ama inşaat firmasını hemen bulamadılar, çünkü pek çok firmayla görüşüp pazarlık yaptılar. Sonunda bir firma buldular.
Bëṯër me d hënne w i šërke aṯën lë ḥḏoḏe, i Saro w u Aday azzën dë mnaqën u matëryal du tëcmiro. İnşaatı yapacak firma ile anlaştıktan sonra Saro ve Aday inşaatta kullanacakları malzemeleri aramaya başladılar.
Mnaqalle ak kefe, aš šaboke, i boya, u kaġat w ġer medone. Tuğlalar, pencere, boya, duvar kağıdı ve diğer şeyler ile ilgili seçimlerini yaptılar.
Hawxa i šërke mšarela bu tëcmiro du bayto. Šafëc mëdde d šato, u bayto camër. Şirket bu şekilde evi inşa etmeye başladı. Bir sene sonra ev inşa edilmişti.
Bëṯër mšaralle d malawši u bayto. Lo šafëc yarḥo i iqarṯo d Be Marawge nqila lu bayto ḥaṯo. Sonra evi dekore etmeye başladılar. Bir ay içinde Be Marawge ailesi yeni evlerine taşındılar.