Redigeringsskärmen kräver minst 450 pixlar av horisontellt utrymme. Vänligen rotera enheten eller använd en större skärm.

ܒܰܝܬܐ
ܒܰܝܬܐ
ܐܝ ܐܝܩܰܪܬ݂ܐ ܕܒܶܐ ܡܰܪܰܘܓܶܐ ܟܷܬܠܰܗ ܐܰܪܒܥܐ ܢܰܥܝܡܶܐ.
ܐܝ ܣܰܪܐ ܘܐܘ ܐܰܕܰܝ ܥܰܘܳܕܶܐ ܢܶܐ ܘܟܳܝܷܬܘܝ ܒܒܰܝܬܐ ܒܐܰܡܣܬܷܪܕܰܡ.
ܥܰܠ ܕܝ ܟܷܪܶܐ ܕܘ ܒܰܝܬܐ ܥܶܠܰܝܬܐ ܝܐ، ܟܐܷܒܥܝ ܙܰܘܢܝ ܒܰܝܬܐ ܐܰܘ ܡܰܥܰܡܪܝ ܒܰܝܬܐ.
ܒܝ ܚܰܪܰܝܬܐ ܡܰܪܟܰܘܘܶܗ ܐܘ ܪܷܥܝܳܢܰܬ݂ܬ݂ܶܗ ܥܰܠ ܬܷܥܡܝܪܐ ܕܒܰܝܬܐ.
Bayto Hus
I iqarṯo d Be Marawge këtla arbco nacime. Familjen Marawge har fyra barn.
I Saro w u Aday cawode ne w koyëtwi b bayto b Amsterdam. Saro och Aday arbetar och bor i ett hus (i en lägenhet) i Amsterdam.
Cal di këre du bayto celayto yo, këbci zawni bayto aw macamri bayto. Eftersom hyran är hög vill de köpa eller bygga ett hus.
Bi ḥarayto markawwe u rëcyonaṯṯe cal tëcmiro d bayto. Slutligen har de bestämt sig för att bygga ett hus.
ܒܰܝܬܐ ܚܰܬ̣ܐ
ܐܝ ܣܰܪܐ ܘܐܘ ܐܰܕܰܝ ܡܫܰܪܰܠܠܶܗ ܕܟܘܪܟ݂ܝ ܥܰܠ ܐܰܪܥܐ ܕܡܰܥܰܡܪܝ.
ܟܰܪܝܟ݂ܝ ܗܰܪܟܶܐ ܘܬܰܡܐ، ܡܩܰܦܰܠܠܶܗ ܐܰܪܥܐ ܒܷܚܕ݂ܐ ܡܰܫ ܫܰܘܬܼܳܬ̣ܶܐ ܚܰܬ݂ܶܐ ܕܐܰܡܣܬܷܪܕܰܡ.
ܒܙܰܒܢܐ ܟܰܪܝܐ ܐܰܙܙܷܢ ܓܰܒ ܐܰܪܫܝܬܰܟܬ ܘܐܰܒܝܥܝ ܡܶܢܶܗ ܕܪܳܫܰܡ ܦ̇ܠܰܢ ܕܒܰܝܬܐ ܠܰܫܰܢܰܝܝܶܗ.
ܐܘ ܐܰܪܫܝܬܰܟܬ ܪܫܷܡܠܶܗ ܦ̇ܠܰܢ ܕܒܰܝܬܐ ܐܰܠܠܶܗ ܟ݂ܘܕ ܐܰܒܝܥܝ.
ܡܰܚܘܶܠܶܗ ܐܘ ܦ̇ܠܰܢ ܐܰܠܠܶܗ ܘܫܪܷܚܠܶܗ ܐܘ ܡܶܕܶܐ ܕܷܪܫܷܡܠܶܗ:
ܐܝ ܪܰܒܘܬ݂ܐ ܕܘ ܒܰܝܬܐ، ܐܰܩ ܩܶܠܳܝܳܬ݂ܶܐ، ܐܝ ܓܰܢܬ݂ܐ، ܐܰܫ ܫܰܒܳܟܶܐ، ܐܘ ܡܰܛܒܰܟ݂، ܐܝ ܬܘܘܰܠܶܬ، ܐܘ ܒܰܐܢܝܐ ܘܟܘܠ ܡܶܕܶܐ ܕܠܳܙܰܡܘܰܐ.
ܐܝ ܣܰܪܐ ܘܐܘ ܐܰܕܰܝ ܒܷܬ݂ܷܪ ܡܶܐ ܕܪܰܕ݂ܷܢ ܥܰܠ ܐܘ ܦ̇ܠܰܢ، ܐܰܙܙܷܢ ܠܝ ܒܰܠܰܕܝـܝܶܐ ܕܛܷܠܒܝ ܦܣܳܣܐ ܠܘ ܬܷܥܡܝܪܐ.
ܒܥܰܝܢܝ ܙܰܒܢܐ ܣܬܶܐ ܡܫܰܪܰܠܠܶܗ ܕܟܘܪܟ݂ܝ ܥܰܠ ܫܷܪܟܶܐ ܕܘ ܬܷܥܡܝܪܐ.
ܐܝ ܒܰܠܰܕܝـܝܶܐ ܒܙܰܒܢܐ ܕܝܰܪܚܐ ܡܰܕܥܰܪܠܰܗ ܟ݂ܰܒܪܐ ܐܰܥܠܰܝـܝܶܗ ܘܗܘܠܰܗ ܐܰܠܠܶܗ ܦܣܳܣܐ.
ܐܶܠܐ ܫܷܪܟܶܐ ܠܘ ܬܷܥܡܝܪܐ ܟ݂ܰܝـܝܦܐ ܠܐ ܡܩܰܦܰܠܠܶܗ، ܡܝܕ݂ܶܗ ܕܡܷܔܓ݂ܰܠܠܶܗ ܘܡܒܰܝܙܰܪܪܶܗ ܥܰܡ ܫܷܪܟܰܬ ܓ݂ܰܠܰܒܶܐ. ܒܝ ܚܰܪܰܝܬܐ ܡܩܰܦܰܠܠܶܗ ܚܕ݂ܐ.
ܒܷܬ݂ܷܪ ܡܶܐ ܕܗܷܢܢܶܐ ܘܐܝ ܫܷܪܟܶܐ ܐܰܬ݂ܷܢ ܠܷܚܕ݂ܳܕ݂ܶܐ، ܐܝ ܣܰܪܐ ܘܐܘ ܐܰܕܰܝ ܐܰܙܙܷܢ ܕܷܡܢܰܩܷܢ ܐܘ ܡܰܬܷܪܝܰܠ ܕܘ ܬܷܥܡܝܪܐ.
ܡܢܰܩܰܠܠܶܗ ܐܰܟ ܟܶܦܶܐ، ܐܰܫ ܫܰܒܳܟܶܐ، ܐܝ ܒܳܝܰܐ، ܐܘ ܟܰܓ݂ܰܬ ܘܓ݂ܶܪ ܡܶܕܳܢܶܐ.
ܗܰܘܟ݂ܰܐ ܐܝ ܫܷܪܟܶܐ ܡܫܰܪܶܠܰܗ ܒܘ ܬܷܥܡܝܪܐ ܕܘ ܒܰܝܬܐ. ܫܰܦܷܥ ܡܷܕܕܶܐ ܕܫܰܬܐ ܐܘ ܒܰܝܬܐ ܥܰܡܷܪ.
ܒܷܬ݂ܷܪ ܡܫܰܪܰܠܠܶܗ ܕܡܰܠܰܘܫܝ ܐܘ ܒܰܝܬܐ. ܠܐ ܫܰܦܷܥ ܝܰܪܚܐ ܐܝ ܐܝܩܰܪܬ݂ܐ ܕܒܶܐ ܡܰܪܰܘܓܶܐ ܢܩܝܠܰܗ ܠܘ ܒܰܝܬܐ ܚܰܬ݂ܐ.
Bayto ḥaṯo Ett nytt hus
I Saro w u Aday mšaralle d kurxi cal arco d macamri. Saro och Aday har börjat leta efter en tomt att bygga på.
Karixi harke w tamo mqafalle arco bë ḥḏo maš šawṯoṯe ḥaṯe d Amsterdam. De har sökt här och där och hittat en bit mark i ett av de nyare kvarteren i Amsterdam.
B zabno karyo azzën gab aršitakt w abici mene d rošam plan d bayto lašanayye. På kort tid har de gått till en arkitekt och beställt en planritning av ett hus.
U aršitakt ršëmle plan d bayto alle xud abici. Arkitekten ritade dem en planritning enligt deras önskemål.
Maḥwele u plan alle w šrëḥle u mede dë ršëmle: Han visade dem planen och förklarade för dem vad han hade ritat:
i rabuṯo du bayto, aq qeloyoṯe, i ganṯo, aš šaboke, u maṭbax, i tuwalet, u banyo w kul mede d lozamwa. husets storlek, rummen, trädgården, fönstren, köket, toaletten, badrummet och allt som behövdes.
I Saro w u Aday bëṯër me d raḏën cal u plan, azzën li baladiye d ṭëlbi fsoso lu tëcmiro. Efter att Saro och Aday gått med på planen gick de till kommunen (dvs. byggnadsnämnden) för att ansöka om bygglov.
B cayni zabno ste mšaralle d kurxi cal šërke du tëcmiro. Samtidigt började de att leta efter ett byggföretag.
I baladiye b zabno d yarḥo madcarla xabro aclayye w hula alle fsoso. Kommunen svarade dem efter en månad och gav dem bygglov.
Elo šërke lu tëcmiro xayifo lo mqafalle, miḏe d mëjġalle w mbayzarre cam šërkat ġalabe. Bi ḥarayto mqafalle ḥḏo. Men ett byggföretag fann de inte så snabbt, eftersom de pratade och förhandlade med många företag. Till slut hittade de ett (företag).
Bëṯër me d hënne w i šërke aṯën lë ḥḏoḏe, i Saro w u Aday azzën dë mnaqën u matëryal du tëcmiro. Efter att de hade kommit överens med byggföretaget gick Saro och Aday för att välja byggmaterial.
Mnaqalle ak kefe, aš šaboke, i boya, u kaġat w ġer medone. De valde stenar, fönster, färg, tapet och annat material.
Hawxa i šërke mšarela bu tëcmiro du bayto. Šafëc mëdde d šato, u bayto camër. Så började företaget bygga huset. Efter ungefär ett år var huset klart.
Bëṯër mšaralle d malawši u bayto. Lo šafëc yarḥo i iqarṯo d Be Marawge nqila lu bayto ḥaṯo. Sedan utrustade de huset. Det gick inte en månad innan familjen Marawge flyttade in i nya huset.