Redigeringsskärmen kräver minst 450 pixlar av horisontellt utrymme. Vänligen rotera enheten eller använd en större skärm.

ܣܘܪܓܳܕܐ
ܣܘܪܓܳܕ݂ܐ
ܒܘ ܫܘܪܳܝܐ ܕܟܘܠ ܫܰܬܐ ܟܳܢܳܦܰܩ ܣܘܪܓܳܕ݂ܐ ܚܰܬ݂ܐ.
ܥܰܠ ܐܘ ܣܘܪܓܳܕ݂ܐ ܟܳܡܰܚܘܷܢ ܐܰܝ ܝܰܪܚܶܐ، ܐܰܫ ܫܰܒܶܐ ܘܐܰܝ ܝܰܘܡܶܐ ܕܝ ܫܰܬܐ.
ܒܘ ܣܘܪܓܳܕ݂ܐ ܟܝܒܰܢ ܚܳܙܝܢܰܐ ܐܰܝ ܝܰܘܡܶܐ ܕܰܥ ܥܶܕ݂ܶܐ ܘܕܰܒ ܒܰܛܠܳܢܶܐ.
ܠܰܫܰܢ ܐܘ ܣܘܪܓܳܕ݂ܐ ܡܷܚܙܶܐ ܫܰܦܝܪܐ، ܟܳܡܰܚܬܝܢܰܐ ܐܶܒܶܗ ܨܷܪܬܳܬ݂ܶܐ.
ܨܷܪܬܳܬ݂ܶܐ ܕܟܳܡܱܠܝܩܝ ܠܘ ܙܰܒܢܐ ܕܝ ܫܰܬܐ.
ܐܰܝ ܝܰܘܡܶܐ ܕܰܚ ܚܘܫܰܒܶܐ، ܕܰܥ ܥܶܕ݂ܶܐ ܘܕܰܒ ܒܰܛܠܳܢܶܐ ܟܳܡܷܟܬ݂ܳܘܝ ܒܓܰܘܢܐ ܣܶܡܳܩܐ.
ܐܝ ܫܰܬܐ ܟܝܒܰܗ ܬܠܷܬ݂ܡܐ ܘܚܰܡܫܐ ܘܐܷܫܬܝ (365) ܝܰܘܡܶܐ، ܬܰܪܬܶܐ ܘܚܰܡܫܝ (52) ܫܰܒܶܐ ܘܬܪܰܥܣܰܪ (12) ܝܰܪܚܶܐ.
ܒܝ ܫܰܬܐ ܟܝܬ ܐܰܪܒܥܐ ܫܘܚܠܳܦܶܐ. ܒܟܘܠ ܫܘܚܠܳܦܐ ܟܝܬ ܬܠܳܬ݂ܐ ܝܰܪܚܶܐ.
ܒܘ ܝܰܪܚܐ ܟܝܬ ܬܠܶܬ݂ܝ ܐܰܘ ܚܰܐ ܘܬܠܶܬ݂ܝ ܝܰܘܡܶܐ.
ܒܘ ܝܰܪܚܐ ܟܝܬ ܐܰܪܒܰܥ ܐܰܘ ܚܰܡܡܷܫ ܫܰܒܶܐ.
ܒܝ ܫܰܒܬ݂ܐ ܟܝܬ ܫܰܘܥܐ ܝܰܘܡܶܐ.
ܒܘ ܝܰܘܡܐ ܟܝܬ ܐܰܪܒܰܥ ܘܥܷܣܪܝ ܣܰܥܰܬ.
ܒܝ ܣܰܥܰܐ ܟܝܬ ܐܷܫܬܝ ܕܰܩܩܰܬ.
ܒܝ ܕܰܩܩܰܐ ܟܝܬ ܐܷܫܬܝ ܨܰܢܝـܝܰܬ.
Surgoḏo Kalender
Bu šuroyo d kul šato konofaq surgoḏo ḥaṯo. I början av varje år kommer en ny kalender.
Cal u surgoḏo komaḥwën ay yarḥe, aš šabe w ay yawme di šato. I kalendern visas månaderna, veckorna och dagarna om året.
Bu surgoḏo kiban ḥozina ay yawme dac ceḏe w dab baṭlone. Vi kan även i kalendern se högtiderna och helgdagarna.
Lašan u surgoḏo mëḥze šafiro, komaḥtina ebe ṣërtoṯe. För att den ska se fin ut lägger vi in bilder,
Ṣërtoṯe d komaliqi lu zabno di šato. bilder som passar årstiderna.
Ay yawme daḥ ḥušabe, dac ceḏe w dab baṭlone komëkṯowi b gawno semoqo. Söndagar, högtider och helgdagar skrivs i rött.
I šato kiba tlëṯmo w ḥamšo w ëšti (365) yawme, tarte w ḥamši (52) šabe w tracsar (12) yarḥe. Året har 365 dagar, 52 veckor och 12 månader.
Bi šato kit arbco šuḥlofe. B kul šuḥlofo kit tloṯo yarḥe. Det finns fyra årstider (bokstavligen: i varje år finns fyra säsonger). Varje årstid består av tre månader.
Bu yarḥo kit tleṯi aw ḥa w tleṯi yawme. Månaden har 30 eller 31 dagar.
Bu yarḥo kit arbac aw ḥammëš šabe. Månaden har fyra eller fem veckor.
Bi šabṯo kit šawco yawme. Veckan har sju dagar.
Bu yawmo kit arbac w cësri sacat. Dagen har tjugofyra timmar.
Bi saca kit ëšti daqqat. Timmen har sextio minuter.
Bi daqqa kit ëšti ṣaniyat. Minuten har sextio sekunder.