The editing screen requires at least 450 pixels of horizontal space. Please rotate your device or use one with a bigger screen.

ܫܠܳܡܐ
ܫܠܳܡܐ
ܒܚܰܐ ܝܰܘܡܐ ܐܘ ܐܰܦܪܶܡ ܟܳܢܳܦܰܩ ܠܝ ܫܘܩܐ. ܟܳܠܳـܩܶܐ ܒܝ ܣܰܪܐ ܘܒܘ ܐܰܕܰܝ.
ܕܪܶܠܶܗ ܫܠܳܡܐ ܐܰܥܠܰܝـܝܶܗ. ܒܷܬ݂ܷܪ ܡܶܐ ܕܷܡܫܰܝܰܠܠܶܗ ܒܘ ܫܠܳܡܐ ܕܷܚܕ݂ܳܕ݂ܶܐ، ܦܪܝܫܝ ܘܟܘܠ ܚܰܐ ܐܰܙܙܶܗ ܠܘ ܥܘܳܕܰܝܕ݂ܶܗ.
ܡܰܨܷܬ݂ ܐܘܥܕܐ ܥܰܠ ܐܘ ܡܰܡܠܐ ܕܗܰܘܝ ܒܰܝܢܳܬ݂ܰܝـܝܶܗ:
Šlomo Hallo
B ḥa yawmo u Afrem konofaq li šuqo. Koloqe bi Saro w u Aday. Op een dag gaat Afrem naar de stad . Hij ontmoet Saro en Aday.
Drele šlomo aclayye. Bëṯër me dë mšayalle bu šlomo dë ḥḏoḏe, friši w kul ḥa azze lu cwodayḏe. Hij begroette hen. Nadat ze een kort gesprek hadden gevoerd, namen ze afscheid en ieder ging naar zijn werk.
Maṣëṯ ucdo cal u mamlo d hawi baynoṯayye: Luister nu naar het gesprek dat zij gevoerd hebben:
ܫܠܳܡܐ
ܐܰܦܪܶܡ: ܫܠܳܡܐ، ܐܳܢܐ ܐܷܫܡܝ ܐܰܦܪܶܡ ܝܐ.
ܐܰܕܰܝ: ܒܫܰܝܢܐ، ܐܳܢܐ ܐܷܫܡܝ ܐܰܕܰܝ ܝܐ. ܗܰܬ݂ܶܐ ܐܝ ܣܰܪܐ ܝܐ، ܐܝ ܐܰܬ݂ܬܰܝܕ݂ܝ.
ܐܰܦܪܶܡ: ܐܳܗ، ܫܘܒܩܳܢܐ، ܐܰܕ݂ܷܥܢܐ ܠܟ݂ܘ. ܐܰܝܕܰܪܒܐ ܗܰܬܘ؟ ܐܘ ܓܰܒܪܝـܝܶܠ ܐܰܝܕܰܪܒܐ ܝܐ؟
ܣܰܪܐ ܘܐܰܕܰܝ: ܬܰܘܕܝ، ܛܰܘܘܶܐ ܢܰܐ.
ܣܰܪܐ: ܐܘ ܓܰܒܪܝـܝܶܠ ܣܬܶܐ ܛܰܘܘܐ ܝܐ.
ܐܰܦܪܶܡ: ܡܷܢ ܟܳܣܰܝܡܝܬܘ ܗܰܪܟܶܐ؟
ܣܰܪܐ: ܐܰܫܷܪ ܟܳܟܘܪܟ݂ܝܢܰܐ ܒܝ ܫܘܩܐ.
ܐܰܦܪܶܡ: ܛܰܘܘܐ.
ܣܰܪܐ: ܗܰܬ ܡܰܝܟܐ ܟܳܐܬ݂ܰܬ؟
ܐܰܦܪܶܡ: ܟܳܐܬ݂ܶܢܐ ܡܘ ܒܰܝܬܐ.
ܐܰܦܪܶܡ: ܟܝܒܝ ܡܫܰܝܰܠܢܐ ܠܘܟ݂ ܡܶܕܶܐ، ܐܰܕܰܝ؟
ܐܰܕܰܝ: ܐܶ، ܟܝܒܘܟ݂.
ܐܰܦܪܶܡ: ܡܷܢ ܟܳܥܰܘܕܰܬ؟
ܐܰܕܰܝ: ܟܳܥܳܘܰܕܢܐ ܟ݂ܘܕ ܡܰܠܦܳܢܐ.
ܐܰܦܪܶܡ: ܡܷܢ ܟܳܡܷܠܦܰܬ؟
ܐܰܕܰܝ: ܟܳܡܳܠܰܦܢܐ ܣܘܪܰܝܬ.
ܐܰܦܪܶܡ: ܓ݂ܰܠܰܒܶܐ ܛܰܘܘܐ.
ܣܰܪܐ ܘܐܰܕܰܝ: ܐܶ، ܗܰܘܟ݂ܰܐ. ܦܷܫ ܒܷܫܠܳܡܐ.
ܐܰܦܪܶܡ: ܙܳܟ݂ܘ ܒܷܫܠܳܡܐ.
Šlomo  Hallo
Afrem: Šlomo, ono ëšmi Afrem yo. Afrem: Goedendag, mijn naam is Afrem.
Aday: B šayno, ono ëšmi Aday yo. Haṯe i Saro yo, i aṯtayḏi. Aday: Hallo, mijn naam is Aday. Dit is Saro, mijn vrouw.
Afrem: Oh, šubqono, aḏëcno lxu. Aydarbo hatu? U Gabriyel aydarbo yo? Afrem: Oh, neem mij niet kwalijk, ik ken jullie al. Hoe gaat het met jullie? Hoe gaat het met Gabriyel?
Saro w Aday: Tawdi, ṭ­awwe na. Saro und Aday: Dank je wel, het gaat goed met ons.
Saro: U Gabriyel ste ṭ­awwo yo. Saro: Met Gabriyel gaat het ook goed.
Afrem: Mën kosaymitu harke? Afrem: Wat doen jullie hier?
Saro: Ašër kokurxina bi šuqo. Saro: Nou, we lopen door de stad.
Afrem: Ṭawwo. Afrem: Goed.
Saro: Hat mayko koṯat? Saro: Waar kom jij vandaan?
Afrem: Koṯeno mu bayto. Afrem: Ik kom van huis.
Afrem: Kibi mšayalno lux mede, Aday? Afrem: Kan ik je iets vragen, Aday?
Aday: E, kibux. Aday: Ja, dat kan je.
Afrem: Mën kocawdat? Afrem: Wat voor werk doe je?
Aday: Kocowadno xud malfono. Aday: Ik werk als leraar.
Afrem: Mën komëlfat? Afrem: Wat onderwijst u?
Aday: Komolafno Surayt. Aday: Ik onderwijs het Surayt.
Afrem: Ġalabe ṭawwo. Afrem: Zeer goed.
Saro w Aday: E, hawxa. Fëš bë šlomo. Saro und Aday: Ja, zo, tot ziens!
Afrem: Zoxu bë šlomo. Afrem: Tot ziens!