The editing screen requires at least 450 pixels of horizontal space. Please rotate your device or use one with a bigger screen.

ܣܘܪܓܳܕܐ
ܣܘܪܓܳܕ݂ܐ
ܒܘ ܫܘܪܳܝܐ ܕܟܘܠ ܫܰܬܐ ܟܳܢܳܦܰܩ ܣܘܪܓܳܕ݂ܐ ܚܰܬ݂ܐ.
ܥܰܠ ܐܘ ܣܘܪܓܳܕ݂ܐ ܟܳܡܰܚܘܷܢ ܐܰܝ ܝܰܪܚܶܐ، ܐܰܫ ܫܰܒܶܐ ܘܐܰܝ ܝܰܘܡܶܐ ܕܝ ܫܰܬܐ.
ܒܘ ܣܘܪܓܳܕ݂ܐ ܟܝܒܰܢ ܚܳܙܝܢܰܐ ܐܰܝ ܝܰܘܡܶܐ ܕܰܥ ܥܶܕ݂ܶܐ ܘܕܰܒ ܒܰܛܠܳܢܶܐ.
ܠܰܫܰܢ ܐܘ ܣܘܪܓܳܕ݂ܐ ܡܷܚܙܶܐ ܫܰܦܝܪܐ، ܟܳܡܰܚܬܝܢܰܐ ܐܶܒܶܗ ܨܷܪܬܳܬ݂ܶܐ.
ܨܷܪܬܳܬ݂ܶܐ ܕܟܳܡܱܠܝܩܝ ܠܘ ܙܰܒܢܐ ܕܝ ܫܰܬܐ.
ܐܰܝ ܝܰܘܡܶܐ ܕܰܚ ܚܘܫܰܒܶܐ، ܕܰܥ ܥܶܕ݂ܶܐ ܘܕܰܒ ܒܰܛܠܳܢܶܐ ܟܳܡܷܟܬ݂ܳܘܝ ܒܓܰܘܢܐ ܣܶܡܳܩܐ.
ܐܝ ܫܰܬܐ ܟܝܒܰܗ ܬܠܷܬ݂ܡܐ ܘܚܰܡܫܐ ܘܐܷܫܬܝ (365) ܝܰܘܡܶܐ، ܬܰܪܬܶܐ ܘܚܰܡܫܝ (52) ܫܰܒܶܐ ܘܬܪܰܥܣܰܪ (12) ܝܰܪܚܶܐ.
ܒܝ ܫܰܬܐ ܟܝܬ ܐܰܪܒܥܐ ܫܘܚܠܳܦܶܐ. ܒܟܘܠ ܫܘܚܠܳܦܐ ܟܝܬ ܬܠܳܬ݂ܐ ܝܰܪܚܶܐ.
ܒܘ ܝܰܪܚܐ ܟܝܬ ܬܠܶܬ݂ܝ ܐܰܘ ܚܰܐ ܘܬܠܶܬ݂ܝ ܝܰܘܡܶܐ.
ܒܘ ܝܰܪܚܐ ܟܝܬ ܐܰܪܒܰܥ ܐܰܘ ܚܰܡܡܷܫ ܫܰܒܶܐ.
ܒܝ ܫܰܒܬ݂ܐ ܟܝܬ ܫܰܘܥܐ ܝܰܘܡܶܐ.
ܒܘ ܝܰܘܡܐ ܟܝܬ ܐܰܪܒܰܥ ܘܥܷܣܪܝ ܣܰܥܰܬ.
ܒܝ ܣܰܥܰܐ ܟܝܬ ܐܷܫܬܝ ܕܰܩܩܰܬ.
ܒܝ ܕܰܩܩܰܐ ܟܝܬ ܐܷܫܬܝ ܨܰܢܝـܝܰܬ.
Surgoo Calendar
Bu šuroyo d kul šato konofaq surgoḏo ḥaṯo. At the beginning of each year a new calender comes out.
Cal u surgoḏo komaḥwën ay yarḥe, aš šabe w ay yawme di šato. In the calendar you can see the months, the weeks and the days of the year.
Bu surgoḏo kiban ḥozina ay yawme dac ceḏe w dab baṭlone. In the calendar we can see the religious festivals and the holidays.
Lašan u surgoḏo mëḥze šafiro, komaḥtina ebe ṣërtoṯe. In order to have a nice calendar we decorate it with pictures.
Ṣërtoṯe d komaliqi lu zabno di šato. Pictures which fit the time of the year.
Ay yawme daḥ ḥušabe, dac ceḏe w dab baṭlone komëkṯowi b gawno semoqo. The Sundays, the religious festivals and the holidays are indicated with the colour red.
I šato kiba tlëṯmo w ḥamšo w ëšti (365) yawme, tarte w ḥamši (52) šabe w tracsar (12) yarḥe. The year has 365 days, 52 weeks and 12 months.
Bi šato kit arbco šuḥlofe. B kul šuḥlofo kit tloṯo yarḥe. A year has four seasons. Each season has 3 months.
Bu yarḥo kit tleṯi aw ḥa w tleṯi yawme. Each month has 30 or 31 days.
Bu yarḥo kit arbac aw ḥammëš šabe. A month has four or five weeks.
Bi šabṯo kit šawco yawme. A week has seven days.
Bu yawmo kit arbac w cësri sacat. A day has 24 hours.
Bi saca kit ëšti daqqat. An hour has 60 minutes.
Bi daqqa kit ëšti ṣaniyat. A minute has 60 seconds.